Deksametazon 0.1 % 5 ml damla

DEKSAMETAZON 0,1%, göz damcısı, suspenziya

DEKSAMETAZON tərkibi

DEKSAMETAZON tərkibi, 1 ml suspenziyanın tərkibində 1 mq deksametazon vardır

Deksametazon, istifadəsinə göstərişlər

Steroidlərlə müalicəyə cavab verən konyuktivanın, buynuz qişanın və gözün ön seqmentinin iltihabi proseslərinin (konyuktivit, keratit, irit, uveit, allergik və bahar konyuktiviti), həmçinin, göz zədələnmələri, əməliyyatlardan sonra iltihabın qarşısının alınması və transplantatın qopmasının profilaktikası məqsədilə istifadə olunur.

Əks göstərişlər

Preparatın komponentlərinə qarşı yüksək həssaslıq, suçiçəyi, toyuq suçiçəyi, Herpes simplex ilə törədilən keratit, gözlərin göbələk və müalicə olunmayan parazitar infeksiyaları, Mycobacteriae ilə törədilən göz infeksiyaları, kəskin müalicə olunmayan irinli infeksiyalar.

Hamiləlik və laktasiya dövründə istifadəsi

Hamiləlik dövründə istifadəsi barədə məlumatlar məhduddur. Uzunmüddətli və ya təkrar istifadəsi bətndaxili inkişafın ləngiməsi riski daşıyır. Laktasiya zamanı südəmər körpədə təsirlər nadir hallarda baş verir, lakin risk istisna edilmir. Yalnız fayda/risk nisbəti həkim tərəfindən qiymətləndirilərək istifadə olunmalıdır. Fertillik: Deksametazonun fertilliyə təsiri barədə kifayət qədər məlumat yoxdur.

İstifadə qaydası və dozası

Yerli olaraq konyuktival kisəyə damcılatmaqla istifadə edilir. Kəskin iltihabi hallarda 30-60 dəqiqədə bir 1-2 damcı, vəziyyət yaxşılaşdıqda 4 saatdan bir 1 damcı. İkinci gözdə istifadə edildikdə eyni qayda tətbiq edilir. 2 yaşdan kiçik uşaqlarda təhlükəsizlik öyrənilməmişdir. Flakon istifadədən əvvəl çalxalanmalı və steril qaydalara əməl olunmalıdır.