Diakrin 12MG 50 ml N1 Flk

Diakrin, venadaxili inyeksiya üçün məhlul 

Diakrin tərkibi

Təsiredici maddə:  1 flakonda 600 mq tiokt turşusu vardır. 

Əks göstərişlər 

Preparatın istənilən komponentinə qarşı yüksək həssaslıq. 
Diakrin uşaqlarda və 18 yaşa qədər yeniyetmələrdə əks göstərişdir, belə ki, bu kateqoriyada onun 
istifadəsinin klinik təcrübəsi yoxdur.

Hamiləlik və laktasiya dövründə istifadəsi 

Hamiləlik 
Heyvanlar üzərində tədqiqatlarda aşkar edilib ki, tiokt turşusu birbaşa və ya dolayı yolla 
reproduktiv funksiyaya təsir etmir. Hamilik dövründə Diakrini, yalnız ana üçün fayda və döl 
üçüm risk nisbəti ciddi qiymətləndirildikdən sonra istifadə etmək olar. 
Laktasiya 
Tiokt turşusunun/onun metabolitlərinin ana südü ilə xaric olması barədə məlumat yoxdur. Ana 
südü ilə qidalandırmanın dayandırılması və ya Diakrinin ləğv edilməsi məsələsi körpə üçün 
qidalandırmanın üstünlüyü və dərman vasitəsinin istifadəsinin ana üçün faydası nəzərə alınmaqla 
qərar verilir. 
Fertillik 
Tədqiqatlarda tiokt turşusunun fertilliyə hər hansı toksik təsiri aşkar edilməyib. 

İstifadə qaydası və dozası 

Dozalanması 
Məsləhət görülən doza: 50 ml məhlul (600 mq tiokt turşusuna ekvivalent) sutkada 1 dəfə. İlkin 
mərhələdə müalicənin müddəti 2-4 həftə təşkil edir. Sonradan tiokt turşusunun peroral qəbulu 
üçün dərman formasının sutkada 300-600 mq dozada dəstəkləyici terapiyasına keçilir. 
Diabetik polineyropatiyanın əsas terapiyası şəkərli diabetin müvafiq müalicədir. 
İstifadə qaydası 
Diakrini venadaxili asta-asta yeritmək vacibdir (tiokt turşusunun yeridilmə sürəti dəqiqədə 50 
mq -ı aşmamalıdır, daha doğrusu dəqiqədə 4,2 ml məhlul). 
Diakrini infuzomatın köməyilə yeritmək olar, bu halda venadaxili infuziyanın müddəti 12 
dəqiqədən az olmamalıdır. 
Flakonun tıxacı yeridilmədən bilavasitə əvvəl açılmalıdır, belə ki, təsiredici maddə işığa qarşı 
həssasdır. İnfuziya bilavasitə işıqdan qorumaq üçün qara rəngli polietilendən hazırlanmış qutuya 
əlavə edilən futlyarın içərisinə yerləşdirilmiş flakondan aparılır. 
Venadaxili infuziya qutuya əlavə edilən və ya digər standart infuzion dəstin istifadəsilə 
aparılmalıdır. İnfuziyanın müddətinin 12 dəqiqədən az olmamasına ciddi nəzarət etmək vacibdir. 
Uşaqlar və yeniyetmələr 
Uşaqlarda və 18 yaşa qədər yeniyetmələrdə istifadəsi əks göstərişdir.