Gancidia 0,15% 10 qr gel

Qansidiya, oftalmoloji gel

Qansidiya tərkibi

Təsiredici maddə: 1 q gelin tərkibində 1,5 mq qansiklovir vardır.

Əks göstərişlər 

Qansiklovirə və ya asiklovirə və ya preparatın köməkçi maddələrindən hər hansı birinə qarşı yüksək həssaslıq.

Hamiləlik və laktasiya dövründə istifadəsi 

Heyvanlar üzərində sistem qansiklovir ilə aparılan tədqiqatlarda teratogenlik müşahidə edilmişdir. 
İnsanlarda hamiləlik və ya laktasiya dövründə Qansidiya göz gelinin təhlükəsizliyi ilə bağlı heç bir təcrübə yoxdur. Ona görə hamiləlik və laktasiya dövründə zəruri səbəblər istisna olmaqla, preparatın istifadəsi tövsiyə edilmir.

İstifadə qaydası və dozası 

Buynuz qişanın yenidən tam epitelləşməsinə qədər, müalicə ediləcək gözün alt konyunktival kisəciyinə gündə 5 dəfə bir damla gel çəkin.  Sağaldıqdan sonra 7 gün ərzində gündə 3 dəfə instillyasiya edin. Müalicə, adətən 21 gündən çox olmur. 
Yaşlılarda istifadəsi: yaşlılarda doza böyüklərdəki ilə eynidır (yuxarıya bax). Yaşlılarda dozanı tənzimləməyə ehtiyac yoxdur, çünki klinik tədqiqatlarda 85 yaşa qədər xəstələrin müalicəsi zamanı sağlamlıqla bağlı xüsusi problemlər müşahidə edilməmişdir. 
Uşaqlarda istifadəsi 
Qansidiya göz üçün gel uşaqlarda istifadə üçün tövsiyə olunmur. Yalnız klinik sınaqların məhdud məlumatları mövcuddur (4-21 yaşlı 7 uşaq).