Genium 40 Mq N1 Flakon

GENİUM, 40 mq venadaxili infuziya/inyeksiya məhlulu hazırlamaq üçün toz

GENİUM tərkibi

GENİUM tərkibi, 1 flakonda 40 mq esomeprazola ekvivalent 42,55 mq esomeprazol natrium vardır.

GENİUM, istifadəsinə göstərişlər

GENİUM inyeksiya və infuziyası peroral yolla müalicəyə alternativ olaraq, peroral yolla müalicənin uyğun olmadığı xəstələrdə aşağıdakı hallarda göstərişdir: Böyüklər: Ezofagit və/və ya ağır dərəcəli reflüks simptomları olan, qastro-ezofageal reflüks xəstəliyi, QSİƏP-ın istifadəsi ilə bağlı yaranan mədə xoralarının müalicəsi. Risk qrupunda olan xəstələrdə QSİƏP-ın istifadəsi ilə bağlı mədə və onikibarmaq bağırsağın xoralarının profilaktikası. Kəskin qanaxma ilə müşayiət olunan mədə və ya onikibarmaq bağırsağın xorası olan xəstələrdə terapevtik endoskopiyadan sonra hemostazın saxlanması və təkrar qanaxmanın qarşısının alınması məqsədilə. 1-18 yaşlı uşaqlar və yeniyetmələrdə isə peroral qəbulu mümkün olmadıqda reflüks ezofagiti və QERX zamanı istifadə olunur.

Əks göstərişlər

Təsiredici maddə olan esomeprazola, benzimidazol analoqlarına və ya tərkibdəki digər maddələrə qarşı hiperhəssaslıq. Atazanavir və nelfinavir ilə birgə istifadəsi olmaz.

Hamiləlik və laktasiya dövründə istifadəsi

Hamiləlik kateqoriyası B. Hamiləlik zamanı ehtiyatla istifadə olunmalıdır. Heyvanlar üzərində tədqiqatlarda mənfi təsirlər müşahidə olunmayıb. Laktasiya zamanı istifadəsi tövsiyə olunmur. Fertillik barədə kifayət qədər məlumat yoxdur.

GENİUM, istifadə qaydası

Peroral qəbulu mümkün olmayan hallarda gündə 20-40 mq doza ilə parenteral müalicə mümkündür. Hemostaz üçün 80 mq bolyus + 72 saatlıq 8mq/saat infuziya. İnfuziya və inyeksiya üçün məhlullar şəffaf olmalıdır. Hazırlanmış məhlulun yarısı və ya tamı müvafiq dozalarda venadaxili yeridilir. İstifadə olunmayan hissələr atılmalıdır.