Ketonal 5% 30 qr krem

KETONAL, 5% krem

KETONAL tərkibi

KETONAL tərkibi, 1 q kremin tərkibində 50 mq ketoprofen vardır.

Ketonal, istifadəsinə göstərişlər

Ketonal krem yerli müalicə üçün istifadə edilir: əzələ və oynaqlarda ağrı, idman travmalarından sonra ödemlər və posttravmatik ağrı halları (vətər, bağlar, birləşdirici toxumaların zədələnmələri kimi); həddindən artıq fiziki gərginliklə törədilmiş əzələ ağrıları; bel nahiyəsində və oynaqların degenerativ xəstəliklərində ağrı və iltihab.

Əks göstərişlər

Ketoprofen və ya köməkçi maddələrdən hər hansı birinə qarşı hiperhəssaslıq reaksiyaları; işığa qarşı həssaslıq; ketoprofenə, fenobarbitala və tiaprofen turşusuna, UB-şüaya və ya ətirlərə qarşı dəri allergiyası; asma, allergik rinit və ya salisilatlara qarşı reaksiyalar; ekzema, civzə, dermatozlar, açıq yaralar; hamiləlik (3-cü trimestr); 15 yaşdan kiçik uşaqlar. Kremin gözə, selikli qişalara və ya cinsi orqanlara düşməsinə yol verilməməlidir. Müalicə müddətində və sonrasında 2 həftə ərzində müalicə olunan sahə günəş şüalarından qorunmalıdır.

Hamiləlik və laktasiya dövründə istifadəsi

Hamiləliyin III trimestrində istifadəsi əks göstərişdir. Laktasiya dövründə istifadə etmək tövsiyə olunmur.

İstifadə qaydası və dozası

Yalnız xaricə istifadə olunur. Böyüklər və 15 yaşdan yuxarı yeniyetmələr üçün gündə 2 dəfə zədələnmiş nahiyəyə tətbiq edilir və yüngülcə dəriyə sürtülür. Doza sahənin ölçüsünə əsasən seçilir. Müalicə zamanı dar paltarlardan çəkinmək və əlləri yaxşıca yumaq tövsiyə olunur. Ketonalın digər formaları ilə birgə istifadə oluna bilər. Ketoprofenin maksimal gündəlik dozası 200 mq-dən artıq olmamalıdır. Uşaqlarda (15 yaşa qədər) istifadəsi tövsiyə olunmur. Unudulmuş dozanı kompensasiya etmək üçün ikiqat doza istifadə etməyin.