Kokarnit 3 ml N3 ampul (Türk)

KOKARNİT inyeksiya məhlulu hazırlamaq üçün liofilizə olunmuş toz

Kokarnit tərkibi
Toz
Təsiredici maddə: 1 flakonda 50 mq kokarboksilaza xlorid, 20 mq nikotinamid, 10 mq dinatrium adenozintrifosfat trihidrat, 0,5 mq sianokobalamin vardır.
Köməkçi maddələr: qlisin, metilparahidroksibenzoat, propilparahidroksibenzoat.
Həlledici: 0,5%-li lidokain hidroxlorid.

Əks göstərişlər:
- Preparatın istənilən komponentinə qarşı hiperhəssaslıq;
- miokard infarktının kəskin dövrü;
- hiperkoaqulyasiya (o cümlədən, kəskin trombozlarda), eritremiya, eritrositoz, arterial hipertoniyanın ağır formaları, arterial hipotoniya, ağciyərlərin iltihabı xəstəlikləri, ağır ürək çatışmazlığı, psoriaz, keçiriciliyin ağır pozğunluqları, kəskin ürək çatışmazlığı.
Lidokainin həlledici kimi istifadəsi zamanı onun əks göstərişlərini (amid tipli anestetiklərə qarşı hiperhəssaslıq, tam ürək blokadası, hipovolemiya) nəzərə almaq lazımdır.

Hamiləlik və laktasiya dövründə istifadəsi:
Hamiləlik
Hamiləlik dövründə Kokarniti, yalnız o zaman istifadə etmək olar ki, ana üçün gözlənilən fayda dölə olan potensial riskdən üstün olsun.
Laktasiya
Preparatla müalicə dövründə ana südü ilə qidalandırmanı dayandırmaq lazımdır.

Kokarnit istifadə qaydası, dozası

Kokarnit sutkada 1 dəfə 1-2 flakon əzələdaxili yeridilir.
Müalicənin müddəti və təkrar kursların aparılması xəstəliyin xarakterindən və ağırlıq dərəcəsindən asılıdır.
İnyeksiya üçün məhlul, istifadədən dərhal əvvəl liofilizə olunmuş tozla bir flakonun tərkibini 2 ml həlledicidə həll etməklə hazırlanır.

Xüsusi pasiyent qrupları
Qaraciyər və böyrək funksiyasının pozğunluğu
Qaraciyər və böyrək çatışmazlığı olan pasiyentlərdə istifadəsi zamanı dozanın korreksiyası tələb olunmur.
Uşaqlar
Uşaqlarda istifadəsinə dair məlumatlar mövcud deyil.
Yaşlılar
65 yaşdan yuxarı pasiyentlərdə dozanın korreksiyası tələb edilmir.