Lansodens 30 Mq N28 Kapsul

Lansodens, 30 mq qastro-rezistent kapsullar

Lansodens, beynəlxalq patentləşdirilməmiş adı: Lansoprazole

Lansodens tərkibi

Təsiredici maddə: 1 kapsulda 30 mq lansoprazol vardır.

İstifadəsinə göstərişlər

– 12-barmaq bağırsağın xora xəstəliyi
– Mədənin xora xəstəliyi
– Reflüks-ezofaqitin qısamüddətli müalicəsi
– Zollinger-Ellison sindromu kimi patoloji hipersekresiyanın uzunmüddətli müalicəsi
– 12-barmaq bağırsağın Helicobacter pylori ilə assosiasiya olunmuş xora xəstəliyinin müalicəsi

Əks göstərişlər

Lansoprazola və ya preparatın tərkibindəki köməkçi maddələrə qarşı yüksək həssaslıq.

Hamiləlik və laktasiya dövründə istifadəsi

Hamilə qadınlarda yalnız fayda/risk nisbəti nəzərə alınaraq istifadə edilə bilər. Lansoprazolun südə keçib-keçmədiyi məlum deyil. Laktasiya dövründə ana südü ilə qidalandırma dayandırılmalıdır.

Pediatriyada istifadəsi

Lansoprazolun uşaqlarda istifadəsi üzrə təhlükəsizlik və effektivlik məlumatları yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Başgicəllənmə, yorğunluq və ürəkbulanma yarana bilər. Bu hallarda nəqliyyat vasitələri və digər diqqət tələb edən mexanizmlərdən istifadə edilməməlidir.

Lansodens istifadə qaydası

– 12-barmaq bağırsaq xorası: 4 həftə, gündə 1 dəfə 30 mq
– Helicobacter pylori-nin eradikasiyası: 10–14 gün, gündə 2 dəfə 30 mq (klaritromisin və amoksisillinlə birlikdə)
– Mədə xorası: 8 həftə, gündə 1 dəfə 30 mq
– Reflüks xəstəliyi və ezofaqit: 8 həftə, gündə 1 dəfə 30 mq (effekt olmadıqda kurs təkrarlana bilər)
– Zollinger-Ellison sindromu: başlanğıc doza 60 mq/gün, doza klinik vəziyyətə uyğun tənzimlənir. Sutkalıq doza 120 mq-dan artıq olduqda, 2 dozaya bölünərək qəbul edilir.