Levoksimed 0, 5% 5 ml Damla

LEVOKSİMED, 0,5% göz damcısı

Levoksimed tərkibi 

Təsiredici maddə: 1 ml məhlulun tərkibində 5 mq levofloksasin (levofloksasin hemihidrat şəklində) vardır. Köməkçi maddələr:natrium xlorid, benzalkonium xlorid, natrium hidroksid və ya xlorid turşusu, inyeksiya üçün su

İstifadəsinə göstərişlər:

 Levoksimed preparatının istifadəsi yaşı 1 və daha yuxarı olan pasiyentlərdə levofloksasinə qarşı həssas mikroorqanizmlərin törətdikləri bakterial mənşəli səthi göz infeksiyalarının yerli müalicəsi üçün göstərişdir. Preparat böyüklərdə, 1 yaşdan 12 yaşa qədər uşaqlarda və 12 yaşdan 18 yaşa qədər yeniyetmələrdə istifadə üçün nəzərdə tutulmuşdur. Preparatdan istifadə etdikdə, antibakterial preparatların müvafiq istifadəsi barədə rəsmi tövsiyələri nəzərə almaq lazımdır.

Əks göstərişlər:

Preparatın istənilən komponentinə və digər xinolonlara qarşı hiperhəssaslıq. Hamiləlik və laktasiya dövrü

Hamiləlik və laktasiya dövründə istifadəsi:

Hamiləlik Levofloksasinin hamilə qadınlarda istifadəsi barədə məlumat yoxdur. Heyvanlar üzərində aparılan tədqiqatlar reproduktiv toksikliyə birbaşa və ya dolayı mənfi təsirini göstərməmişdir. İnsan üçün potensial risk məlum deyil. Levoksimed göz damcısını hamiləlik dövründə, yalnız ana üçün gözlənilən fayda dölə olan potensial riskdən üstün olduğu halda istifadə etmək olar. Laktasiya Levofloksasin ana südünə nüfuz edir. Lakin terapevtik dozaların istifadəsi zamanı südəmər körpələrdə əlavə təsirlərin təzahürü gözlənilmir. Levoksimed göz damcısını laktasiya dövründə, yalnız ana üçün gözlənilən fayda dölə olan potensial riskdən üstün olduğu halda istifadə edilir. Fertillik Levofloksasin oftalmoloji istifadədən sonra insana maksimal təsirini əhəmiyyətli dərəcədə aşan təsiri zamanı siçovullarda fertilliyin hər hansı pozuntusuna səbəb olmamaışdır.

Levoksimed istifadə qaydası, dozası

Dozalanması Bütün pasiyentlər üçün İlk 2 gün ərzində məhlul ayıq vaxtı 1-2 damcı zədələnmiş gözə (gözlərə) hər 2 saatdan bir gündə 8 dəfəyə, daha sonra növbəti 3-5 gün ərzində 4 dəfəyə qədər instilyasiya edilir. Eyni vaxtda bir neçə yerli istifadə üçün oftalmoloji preparatların istifadəsi zamanı instilyasiya arasında 15 dəqiqəlik intervala əməl etmək vacibdir. Damcısalanın və məhlulun mikrobla çirklənməsinin qarşısını almaq üçün damcısalanın ucunun kipriklərə və ətraf səthlərlə kontaktından çəkinmək lazımdır. Müalicənin müddəti xəstəliyin ağırlıq dərəcəsindən, xəstəliyin klinik və bakterioloji gedişatından asılıdır və adətən 5 gün təşkil edir. Buynuz qişanın xorası və yenidoğulmuşlarda blennoreyanın müalicə üçün preparatın təhlükəsizliyi və effektivliyi müəyyən edilməmişdir. Yaşlı pasiyentlər Dozanın korreksiyası tələb edilmir. Uşaqlar Pediatrik populyasiyada levofloksasinin göz damcısı formasında istifadəsinin təhlükəsizliyi və effektivliyi 1 yaşdan yuxarı uşaqlarda müəyyən edilmişdir. Böyüklər və 1 yaşdan yuxarı uşaqlarda dozalanma rejimi eynidir. Təhlükəsizliyi və effektivliyi üzrə məlumat olmadığı üçün 1 yaşa qədər uşaqlarda Levoksimedin istifadəsi məsləhət görülmür. İstifadə qaydası Oftalmologiyada, yalnız yerli istifadə üçün.