Melarena 3 mq N30 tablet

Melarena, 0.3 mq və 3 mq örtüklü tabletlər

Melarena, beynəlxalq patentləşdirilməmiş adı: Melatonin

Melarena tərkibi

Təsiredici maddə: 1 tabletin tərkibində 0,3 mq və ya 3 mq melatonin vardır.

Melarena, istifadəsinə göstərişlər

– Yer kürəsinin saat qurşaqları arasında sürətli yerdəyişmə nəticəsində desinxronoz;
– İşıq rejiminin pozulması, növbəli və ya yerdəyişməli əməklə məşğul olan şəxslər;
– Meteohəssaslıq;
– Zəiflik, yuxu pozğunluğu, depressiv sindrom.

Əks göstərişlər

Melatoninə və digər komponentlərə qarşı yüksək həssaslıq; autoimmun və allergik xəstəliklər; limfoqranulomatoz, leykoz, limfoma, mieloma, epilepsiya, şəkərli diabet, xroniki və ağır böyrək və qaraciyər çatışmazlığı; hamiləlik, laktasiya; 18 yaşa qədər uşaqlar.

Hamiləlik və laktasiya dövründə istifadəsi

Hamiləlik və laktasiya dövründə istifadəsi qadağandır.

Pediatriyada istifadəsi

18 yaşa qədər uşaqlarda istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə dövründə yuxululuq səbəbindən nəqliyyat vasitələri və təhlükəli mexanizmlərin idarəsi yolverilməzdir.

Melarena istifadə qaydası

0,3 mq tabletlər: yatmazdan 30–40 dəq əvvəl 1 tablet, 6–8 həftəlik kurslarla.
3 mq tabletlər: yuxu pozğunluqları və desinxronoz zamanı yatmazdan 30–40 dəq əvvəl 1 tablet; adaptasiya məqsədilə uçuşdan 1 gün əvvəl və sonra 2–5 gün müddətində.
Maksimum doza: 6 mq/gün.
Yaşlılarda preparat yatmazdan 60–90 dəq əvvəl qəbul edilə bilər.