Nozeylin-ns 15 ml nazal sprey

NOZEYLİN-NS nazal sprey

Nozeylin tərkibi

Təsiredici maddə: 1 ml məhlulun tərkibində 0,5 mq nafazolin hidroxlorid, 5,0 mq xlorfenamin vardır.
Köməkçi maddələr: kalium dihidrofosfat, susuz kalium hidrofosfat, limon turşusu monohidrat, natrium xlorid, benzalkonium xlorid, təmizlənmiş su.

Əks göstərişlər
Preparatın hər hansı komponentinə qarşı yüksək həssaslıq, arterial hipertenziya, taxikardiya, hipertireoidizm, ağır ateroskleroz, bağlıbucaqlı qlaukoma, həmçinin monoaminooksidazanın inhibitorları ilə eyni vaxtda istifadəsi və onların qəbulu dayandırıldıqdan sonrakı 14 gün ərzində istifadəsi qadağandır. Altı yaşa qədər uşaqlarda istifadə edilməməlidir.

Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi yalnız həkim məsləhəti ilə mümkündür. Bu hallarda fayda-risk nisbəti nəzərə alınmalıdır. Ana südü ilə qidalanma zamanı preparatın uşağa təsiri tam öyrənilmədiyindən, istifadə ehtiyatla edilməlidir.

Nozeylin istifadə qaydası, dozası

Nozeylin-NS yalnız intranazal tətbiq olunur. Böyüklər və 6 yaşdan yuxarı uşaqlar üçün hər burun dəliyinə sutkada 2-3 dəfə 1-2 püskürtmə təyin edilir. Püskürtmələr arasında ən azı 3 saat fasilə olmalıdır. Sutkada 6 dəfədən artıq istifadə tövsiyə edilmir. Altı yaşdan kiçik uşaqlarda istifadəsi qadağandır.

Əlavə təsirləri
Məsləhət görülən dozada preparat adətən yaxşı tolere edilir. Bəzi hallarda burun selikli qişasında yanma, quruluq, güclü tutulma hissi, həmçinin taxikardiya, arterial hipertenziya, ürəkdöyünmə, yüksək tərləmə kimi sistemik təsirlər müşahidə edilə bilər. Uşaqlarda uzunmüddətli istifadəsi burun tutulmasının xronikləşməsinə səbəb ola bilər. Doza həddinin aşılması əsəbilik, tremor, yüksək tərləmə, başağrısı, ürəkbulanma, taxikardiya, hətta tənəffüs pozuntuları və şokla müşayiət oluna bilər. Belə hallarda müalicə simptomatik aparılmalıdır.