Pantap 40 mg N28 tb

PANTAP, 20 mq enterik örtüklü tabletlər

PANTAP tərkibi

PANTAP tərkibi, 1 tabletin tərkibində 20 mq pantoprazola ekvivalent miqdarda 22,55 mq pantoprazol natrium seskvihidrat vardır

Pantap, istifadəsinə göstərişlər

12 yaşdan yuxarı yeniyetmələr və böyüklərdə: Simptomatik qastroezofaqeal reflüks xəstəliyi (QERX), reflüks ezofaqit xəstəliyin uzun müddətli müalicəsi və qarşısının alınması. Böyüklərdə: Qeyri-selektiv qeyri-steroid iltihabəleyhinə preparatlarla uzun müddətli müalicə nəticəsində qastroduodenal xoraların qarşısının alınması.

Əks göstərişlər

Təsiredici maddəyə, əvəz olunmuş benzimidazollara və ya hər hansı bir digər köməkçi maddəyə və onların kombinasiyasına qarşı hiperhəssaslıq.

Hamiləlik və laktasiya dövründə istifadəsi

Hamiləlik: Mövcud məlumatlara əsasən pantoprazolun dölə qüsur və ya toksik təsiri müəyyən edilməmişdir, lakin reproduktiv toksiklik aşkar edilmişdir. Hər ehtimala qarşı, hamiləlik zamanı istifadə edilməməlidir. Laktasiya: Pantoprazolun insan südünə keçməsi mümkündür. Körpələr üçün risk istisna edilə bilməz. Bu səbəbdən, ana südü ilə qidalanma və ya müalicənin davam etdirilməsi qərarı müvafiq risk/fayda nisbətinə əsasən verilməlidir. Fertillik: Tədqiqatlara əsasən, fertilliyə təsiri yoxdur.

İstifadə qaydası və dozası

12 yaşdan yuxarı yeniyetmələr və böyüklər: gündə 20 mq (1 tablet). Əgər simptomlar 2–4 həftə ərzində yüngülləşməzsə, müalicə davam etdirilir. Uzun müddətli müalicədə: gündə 1 dəfə 20 mq, zərurət olduqda 40 mq-a qədər artırıla bilər. QSİƏP səbəbli xoraların profilaktikası üçün: gündə 1 dəfə 20 mq. Kəskin qaraciyər çatışmazlığı olan xəstələrdə doza gündə 20 mq-dən artıq olmamalıdır. 12 yaşdan aşağı uşaqlarda istifadə tövsiyə olunmur. Tabletlər çeynənmədən, yeməkdən 1 saat əvvəl su ilə udulmalıdır.