Pantap 40 Mq N1 Ampul

Pantap, 40 mq venadaxili inyeksiya məhlulu üçün liofilizə olunmuş toz

Pantap, beynəlxalq patentləşdirilməmiş adı: Pantoprazole

Pantap tərkibi

Təsiredici maddə: 1 flakonda 40 mq pantoprazola ekvivalent 45,1 mq pantoprazol natrium seskvihidrat vardır.

İstifadəsinə göstərişlər

Reflüks ezofagit, mədə və onikibarmaq bağırsağın xorası, Zollinger-Ellison sindromu və digər patoloji hipersekresiya halları.

Əks göstərişlər

Pantoprazola, əvəz olunmuş benzimidazollara, dinatrium edetata, natrium hidroksidə və ya digər komponentlərə qarşı yüksək həssaslıq.

Hamiləlik və laktasiya dövründə istifadəsi

Hamiləlik zamanı istifadə yalnız zəruri hallarda mümkündür. Ana südünə keçdiyi üçün laktasiya zamanı istifadədən çəkinmək və ya südverməni dayandırmaq barədə qərar fayda-risk dəyərləndirilməsi əsasında verilməlidir.

Pediatriyada istifadəsi

Pantap venadaxili inyeksiya 18 yaşdan kiçik uşaqlarda istifadə üçün tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrinin və digər mexanizmlərin idarəsinə təsiri yoxdur və ya cüzi təsir göstərir.

Pantap istifadə qaydası

Venadaxili inyeksiya üçün istifadə olunur. Peroral qəbul mümkün olduqda müalicə oral formasına keçirilməlidir. Tövsiyə olunan gündəlik doza reflüks ezofagit və xora xəstəlikləri üçün 40 mq, Zollinger-Ellison sindromunda başlanğıc doza 80 mq təşkil edir. Dozalar mədə turşusunun sekresiyasına uyğun olaraq tənzimlənir. Ağır qaraciyər çatışmazlığı olan xəstələrdə gündəlik doza 20 mq-dan artıq olmamalıdır. Hazır məhlul 12 saat ərzində istifadə edilməlidir.