Adrenalin-Darnitsa 0.18% 1 ml N10 Amp

ADRENALİN-DARNİTSA, inyeksiya üçün məhlul

ADRENALİN-DARNİTSA tərkibi

ADRENALİN-DARNİTSA tərkibi, 1 ml məhlulun tərkibində 1,82 mq epinefrin hidrotartrat (adrenalin hidrotartrat) vardır. Köməkçi maddələr:natrium metabisulfit (Е 223), natrium xlorid, inyeksiya üçün su.

ADRENALİN-DARNİTSA, istifadəsinə göstərişlər

Ləng tipli allergik reaksiyalar: dərman vasitələrinin, zərdabın istifadəsi zamanı və ya allergenlərlə təmas zamanı inkişaf edən аnafilaktik şok; bronxial astma – tutmanın aradan qaldırılması; asistoliya, ürəyin dayanması; yerli anestetiklərin təsir müddətinin uzadılması; kəskin inkişaf edən III dərəcəli AV-blokada.

Əks göstərişlər

Preparatın komponentlərinə qarşı fərdi yüksək həssaslıq; hipertrofik obstruktiv kardiomiopatiya; ağır aortal stenoz; taxiaritmiya; mədəciklərin fibrillyasiyası; feoxromositoma; qapalı bucaqlı qlaukoma; şok (anafilaktik şokdan başqa); inhalyasion vasitələrin istifadəsi ilə ümumi anesteziya: ftorotan, siklopropan, xloroform; doğuşun II mərhələsi; əl və ayaq barmaqları, burun, cinsiyyət üzvləri və sağrı nahiyələrində istifadə (toxumalarda işemik nekroz təhlükəsi), məhlulun rəngini dəyişməsi.

Hamiləlik və laktasiya dövründə istifadəsi

Adrenalinin hamilə qadınlarda istifadəsinə dair nəzarət olunan tədqiqatlar aparılmamışdır. Doğuş zamanı arterial hipotenziyanın korreksiyası üçün istifadə olunmur, çünki preparat uşaqlıq əzələsini boşaltmaqla doğuşun II dövrünü uzada bilər. Uşaqlıq əzələsinin yığılma qabiliyyətini zəiflətmək üçün yüksək dozalarda istifadə zamanı uşaqlığın qanaxma ilə birlikdə uzunmüddətli atoniyasına səbəb ola bilər. Laktasiya dövründə preparatdan istifadə üçün zərurət yaranarsa, o zaman ana südü ilə qidalandırma dayandırılmalıdır. Pediatriyada istifadəsi: Preparat uşaqlarda istifadə oluna bilər.

ADRENALİN-DARNİTSA, istifadə qaydası

Preparat dərialtı, əzələdaxili, bəzən venadaxili və ya venadaxili damcı üsulu ilə təyin edilir. Вöyüklərə. Anafilaktik şok: preparat 0,5 ml dozada durulaşdırılmış şəkildə (birdəfəlik doza 20 ml 40%-li qlükoza məhlulunda həll edilir) tədricən vena daxilinə yeridilir. Sonra, lazım gələrsə, 1 mkq/dəq sürətlə venadaxili damcı üsulu ilə yeridilmə davam etdirilir – bunun üçün 1 ml adrenalin məhlulu 400 ml 0,9%-li natrium-xlorid məhlulunda və ya 5%-li qlükoza məhlulunda həll edilir. Əgər pasiyentin vəziyyəti imkan verirsə, 0,3-0,5 ml preparatın durulaşdırılmış və ya durulaşdırılmamış şəkildə əzələdaxili və ya dərialtı yeridilməsi daha məqsədəuyğundur. ... (qısa formada saxlanılıb)