ALBUREX 20% 100ML MEHLUL

ALBUREKS, 20 venadaxili infuziya üçün məhlul

ALBUREKS tərkibi

Təsiredici maddə: 1 litr məhlulun tərkibində 200 q (200 q/l) insanın plazma zülalı vardır, bunun ən azı 96%-i insan albuminidir. Normal plazmaya nisbətən hiperonkotikdir. Albureks 20 məhlulunun hər ml-nin tərkibində təxminən 3,2 mq natrium vardır (140 mmol/l).

İstifadəsinə göstərişlər

Kolloidlərin istifadəsinə göstərişin olduğu həcm çatışmazlığı zamanı dövr edən qanın həcminin bərpası və qorunub saxlanması. Süni kolloidin deyil, albuminin seçilməsi rəsmi tövsiyələrə əsasən, ayrı -ayrı pasiyentlərin klinik vəziyyətindən asılı olacaqdır.

Əks göstərişlər

Albumin preparatlarına və ya köməkçi maddələrin hər hansı birinə qarşı yüksək həssaslıq.

Hamiləlik və laktasiya dövründə istifadəsi

Hamiləlik zamanı qadınlarda Albureks 20 preparatının istifadəsi üzrə nəzarət olunan klinik tədqiqatlar aparılmamışdır. Lakin albuminin istifadəsi üzrə klinik təcrübədə onun hamiləliyin gedişinə, dölə və ya yenidoğulmuşa zərərli təsirinə dair hər hansı sübut aşkar edilməmişdir. Heyvanlarda rep roduksiya qabiliyyəti üzrə Albureks 20 ilə bağlı tədqiqatlar aparılmamışdır. Albureks 20-nin ana südü ilə xaric olub -olunmadığı məlum deyil.

İnsan albüminin insan qanının normal tərkib hissəsi olduğundan, laktasiya dövründə ananın Albure ks 20 ilə müalicəsi nin ana südü ilə qidalanan körpəyə risk yaratması gözlənilmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və digər potensial təhlükəli mexanizmləri idarə etmək qabiliyyətinə heç bir təsiri müşahidə edilməmişdir.

ALBUREKS istifadə qaydası və dozası

İstifadə edilən albumin məhlulunun konsentrasiyası, dozası və infuziya sürəti pasiyentin fərdi ehtiyaclarına uyğun olaraq tənzimlənməlidir. Dozalanması Tələb olunan doza pasiyentin bədən çəkisindən, zədələnmənin və ya xəstəliyin ağırlıq dərəcəsindən və davam etməkdə olan maye və ya zülal itkilərindən asılıdır. Tələb olunan dozanı müəyyən etmək üçün yalnız plazmadakı albuminin səviyyəsinin deyil, dövr edən qanın həcminin ölçülməsindən də istifadə edilməlidir. İnsan albumini ciddi hemodinamik nəzarət altında yeridilməlidir; bu parametrlərə aşağıdakılar aiddir: • arterial qan təzyiqi və nəbzin tezliyi, • mərkəzi venoz təzyiq, • ağciyər arteriyasının pərçimlənmə təzyiqi, • diurez, • elektrolitlər, • hematokrit/hemoqlobin.

Pediatrik pasiyentlər qrupu Uşaqlarda və yeniyetmələrdə (0 -18 yaş) preparatın dozası pasiyentin fərdi ehtiyaclarına əsasən tənzimlənməlidir. İstifadə qaydası Albureks 20 venadaxilinə yeridilir. Preparat istifadəyə hazırdır, məhlul ya birbaşa, ya da əvvəlcə izotonik məhlulda (məsələn, 5% -li qlükoza və ya 0,9% -li natrium xlorid) həll olunmaqla yeridilə bilər. İnfuziya sürəti fərdi xüsusiyyətlərə və göstərişlərə uyğun olaraq tənzimlənməlidir, lakin dəqiqədə 1 -2 ml -dən çox olmamalıdır.

Plazma dəyişilməsi zamanı infuziya sürəti plazmanın çıxarılma sürətinə uyğun olaraq tənzimlənməlidir. İstifadəyə dair təlimatlar Albureks 20 vena daxilinə yeridilir. Məhlul ya birbaşa, ya da əvvəlcə izotonik məhlulda (məsələn, 5%-li qlükoza və ya 0,9%-li natrium xlorid) həll olunmaqla yeridilə bilər. Albumin məhlulları inyeksiya üçün su ilə durulaşdırılmamalıdır, çünki bu, pasiyentlərdə hemolizə səbəb ola bilər.

Böyük həcmlər yeridildikdə preparat otaq və ya bədən temperaturuna çatana qədər qızdırılmalıdır. Məhlul şəffaf və bir qədər özlüdür. Rəngi bulanıq və ya tərkibində çöküntülər olan infuziya məhlullarını istifadə etməyin. Bu, zülalın qeyri -sabit olduğunu və ya məhlulun çirkləndiyini göstərə bilər.

Konteyner açıldıqdan sonra, onun içərisindəki məhlul dərhal istifadə olunmalıdır. İstifadə edilməmiş hər hansı məhsul və ya tullantılar yerli qaydalara uyğun olaraq utilizasiya edilməlidir.