Bitib
Stokda olanda mənə xəbər verin.Təsiredici maddə: 1 flakonda 500 mq amikasin sulfat (amikasin hesabı ilə) vardır.
Qrammənfi mikroorqanizmlərin (gentamisinə, sizomisinə və kanamisinə qarşı davamlı) və ya qrammüsbət və qrammənfi mikroorqanizm assosiasiyalarının törətdikləri infeksion-iltihabi xəstəliklər: tənəffüs yolları infeksiyaları (bronxit, pnevmoniya, plevranın empieması, ağciyər abssesi), sepsis, septik endokardit, mərkəzi sinir sisteminin (MSS-in) infeksiyaları (meningit daxil olmaqla), qarın boşluğu infeksiyaları (o cümlədən, peritonit), sidik-cinsiyyət orqanlarının infeksiyaları (pielonefrit, sistit, uretrit, prostatit), dərinin və yumşaq toxumaların irinli infeksiyaları (o cümlədən, infeksiyalaşmış yanıqlar, infeksiyalaşmış xoralar və müxtəliv mənşəli yataq yaraları), öd yollarının, sümüklərin və oynaqların infeksiyaları (o cümlədən, osteomielit), yara infeksiyaları, əməliyyatlardan sonrakı infeksiyalar.
Amikasinə (o cümlədən, anamnezdə digər aminoqlikozidlərə) qarşı yüksək hiperhəssaslıq, e şitmə sinirinin nevriti, azotemiya və uremiya ilə müşayiət olunan ağır dərəcəli xroniki böyrək çatışmazlığı.
Hamiləlik dövründə amikasinin istifadəsi əks göstərişdir. Amikasin ana südünə ifraz olunur və körpələrini ana südü ilə qidalandıran qadınlara təyin edilməməlidir. Laktasiya dövründə ana tərəfindən amikasinin istifadəsi üçün zərurət yarandığı hallarda, müalicəyə başlamazdan əvvəl körpənin ana südü ilə qidalandırılması dayandırılmalıdır.
Müalicə müddətində nəqliyyat vasitəsini idarə etdikdə və yüksək diqqət konsentrasiyası və sürətli psixomotor reaksiyalar tələb edən, potensial təhlükəli digər fəaliyyət növləri ilə məşğul olduqda, ehtiyat tədbirlərinə riayət etmək lazımdır.
Böyüklərə və 6 yaşdan yuxarı uşaqlara ə/d, v/d (şırnaq üsulu ilə 2 dəqiqə müddətində və ya damcı üsulu ilə) – hər 8 saatdan bir 5 mq/kq və ya hər 12 saatdan bir 7,5 mq/kq dozalarda; sidik yollarının (ağırlaşmamış) bakterial infeksiyaları zamanı – hər 12 saatdan bir 250 mq təyin olunur; hemodializ seansından sonra əlavə olaraq 3-5 mq/kq dozada təyin edilə bilər. Böyüklər üçün maksimal dozaları – 15 mq/kq/sutkada, lakin 1,5 q/sutkada dozadan artıq olmamaqla 10 gün müddətində təyin olunur. Müalicənin davametmə müddəti v/d yeridilmə zamanı– 3-7 gün, ə/d yeridildikdə – 7-10 gün təşkil edir. Preparatın başlanğıc dozası vaxtından əvvəl doğulmuş yenidoğulmuşlarda – 10 mq/kq və daha sonra, hər 18-24 saatdan bir 7,5 mq/kq; yenidoğulmuşlarda və 6 yaşa qədər uşaqlarda başlanğıc doza – 10 mq/kq və daha sonra hər 12 saatdan bir 7,5 mq/kq təşkil edir – preparat 7-10 gün müddətində təyin olunur.
Yanıqlar qeyd olunan pasiyentlərdə T1/2 göstəricisinin daha qısamüddətli (1-1,5 saat) olmasını nəzərə alaraq, həmin pasiyentlərə hər 4-6 saatdan bir 5-7,5 mq/kq dozanın təyin edilməsi tələb oluna bilər. Preparatın ə/d yeridilməsi üçün 250 mq və ya 500 mq dozalı flakonun möhtəviyyatının üzərinə 2- 3 ml inyeksiya üçün su əlavə edilən məhlul istifadə olunur. Vena daxilinə amikasin damcı üsulu ilə 30-60 dəqiqə müddətində, zərurət yarandığı hallarda şırnaq üsulu ilə yeridilməlidir. V/d (şırnaq üsulu ilə) yeritmək üçün 250 mq və ya 500 mq dozalı flakonun möhtəviyyatının üzərinə 2-3 ml inyeksiya üçün suyun və ya 0,9%-li natrium xlorid məhlulunun və ya 5%-li dekstroza məhlulunun əlavə edilməsi ilə hazırlanmış məhlul istifadə edilir.
V/d (damcı üsulu ilə) yeritmək üçün flakonun möhtəviyyatını 200 ml 5 %-li dekstroza məhlulunda və ya 0,9 %-li natrium xlorid məhlulunda durulaşdırılaraq, istifadə etmək lazımdır. V/d yeridiləcək məhlulun içərisində amikasinin konsentrasiyası 5 mq/ml-dən yüksək olmamalıdır. Böyrəklərin ifrazedici funksiyası pozulduğu hallarda preparatın dozalarının aşağı salınması və ya məhlulun yeridilməsi arasında zaman intervallarının uzadılması tələb olunur. Məhlulun yeridilməsi arasında zaman intervalları uzadıldığı hallarda (kreatinin klirensi məlum olmadığı təqdirdə pasiyentin vəziyyəti stabil qaldığı halda), preparatın istifadəsi arasında zaman intervalı aşağıda göstərildiyi kimi müəyyən edilir: interval (saat) = qan zərdabında kreatinin konsentrasiyası × 9.
Qan zərdabında kreatinin konsentrasiyası 2 mq/100 ml olduğu halda, preparatın tövsiyə olunan birdəfəlik dozasını (7,5 mq/kq) hər 18 saatdan bir yeritmək lazımdır. İnterval uzadıldığı halda, birdəfəlik doza dəyişdirilmir. Dozalanma rejimi dəyişdirilmədiyi təqdirdə birdəfəlik dozanın aşağı salınması Böyrək çatışmazlığından əziyyət çəkən pasiyentlərdə preparatın ilk dozası 7,5 mq/kq təşkil edir. Növbəti dozaların hesablanması üçün pasiyentin kreatinin klirensinin göstəricisi (ml/dəqiqədə) kreatinin klirensinin normada olan göstəricisinə bölünməlidir və daha sonra, əldə olunan qiymət başlanğıc dozanın mq-da ifadə olunmuş qiymətinə vurulmalıdır, yəni: Pasiyentdə müəyyən edilmiş kreatinin klirensi (ml/dəqiqədə) Növbəti doza (mq) = -------------------------------------------- × hər 12 saatdan bir yeridilən Kreatinin klirensinin normada ilkin doza (mq) olan göstəricisi (ml/dəqiqədə)
AZ − AZN
