Bitib
Stokda olanda mənə xəbər verin.Тəsiredici maddə: 1 şamın tərkibində 125 mq və ya 250 mq parasetamol vardır.
Arfen, ağrıkəsici və/və ya qızdırmasalıcıların tətbiqini tələb edən klinik vəziyyətlərin simptomatik müalicəsi üçün istifadə edilir: diş ağrısı, qulaq ağrısı, yüksək hərarət, qrip kimi vəziyyətlər ilə əlaqəli simptomlar, aybaşı ağrıları (dismenoreya), travmatik ağrılar, əzələ və oynaq ağrıları, cərrahi müdaxilələrdən əvvəl və sonra ağrıkəsici vasitə kimi, peyvənddən sonrakı hiperergik reaksiya zamanı. Arfen 250 mq rektal şamlar 2-12 yaş uşaqlarda rektal istifadə üçün nəzərdə tutulub. Arfen 125 mq rektal şamlar 2 yaşdan kiçik uşaqlarda rektal istifadə üçün nəzərdə tutulub.
Dərman vasitəsinin təsiredici və ya köməkçi maddələrindən hər hansı birinə qarşı yüksək həssaslıq. Ağır qaraciyər xəstəliyi. Hematopoezin pozulması.
Hamiləlik dövrü Hamilə qadınlara dair çoxlu məlumatlarda hər hansı bir malformativ, feto/neonatal toksikliyi qeyd edilməmişdir. Ana bətnində parasetamolun təsirinə məruz qalan uşaqlarda sinir sisteminin inkişafına dair aparılan epidemioloji tədqiqatlar sübutlu nəticələr göstərməmişdir. Klinik olaraq ehtiyac olarsa, parasetamol hamiləlik dövründə istifadə edilə bilər, ancaq mümkün qədər ən qısa müddətdə, ən minimal təsiredici dozada və ən minimal qəbul tezliyi ilə istifadə edilməlidir. Laktasiya dövrü Parasetamol ana südünə keçir, lakin terapevtik dozalarda uşağa təsir etmə ehtimalı azdır. 650 mq tək dozadan sonra ana südündə konsentrasiyası orta hesabla 11 μg/ml təşkil etmişdir. Körpələrdə heç bir əlavə təsir müşahidə edilmədiyinə görə, parasetamol ilə müalicə zamanı ana südü ilə qidalanmanı dayandırmağa ehtiyac yoxdur.
Parasetamol nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir etmir. Buna baxmayaraq, parasetamol ilə müalicə zamanı əlavə təsirlər, yüngül yuxululuq və başgicəllənmə müşahidə oluna biləcəyi nəzərə alınmalıdır.
İstifadə qaydası Rektal istifadə üçündür. Şamlar yumşalarsa, folqalı qablaşdırmasından çıxarılmadan əvvəl soyuq su altında saxlamaq lazımdır. İstifadə etməzdən əvvəl şamı qırmayın. Dozası Tövsiyə olunan doza yaşdan və bədən çəkisindən asılıdır.
Tövsiyə olunan birdəfəlik doza 10-20 mq/kq bədən çəkisinə görə, ümumi gündəlik dozanın maksimum 60 mq/kq-a qədər olmaq şərtilə. Dozalar arasındakı interval simptomlardan və maksimal gündəlik dozadan asılıdır. Ən azı 6 saat olmalıdır. Tibbi baxımdan başqa bir göstəriş olmadıqda, aşağıdakı dozalar tövsiyə olunur:
Yaş Təxmini bədən çəkisi Doza Maksimal gündəlik doza (24 saat) 6-9 aylıq uşaqlar 7-8 kq 125 mq dozada 1 şam 3 şam (375 mq parasetamola bərabər dozada) 9 aylıq-2 yaş uşaqlar 8-12 kq 125 mq dozada 1 şam 3-4 şam (375-500 mq parasetamola bərabər dozada) 2-4 yaş uşaqlar 12-16 kq 250 mq dozada 1 şam 3 şam (750 mq parasetamola bərabər dozada) 4-8 yaş uşaqlar 16-25 kq 250 mq dozada 1 şam 3-4 şam (750-1000 mq parasetamola bərabər dozada) 8-12 yaş uşaqlar 25-40 kq 250 mq dozada 1-2 şam 4 şam (1000 mq parasetamola bərabər dozada)
Qeyd olunan dozalar yalnız yönləndiricidir və tibbi göstərişləri nəzərə almaq lazımdır. Bu dərman vasitəsinin 3 gündən çox müddətə istifadəsi tələb olunarsa və ya simptomlar pisləşərsə xəstəyə həkimə müraciət etmək tövsiyə olunur. Böyüklər və 12 yaşdan yuxarı və bədən çəkisi 40 kq-dan çox olan uşaqlar üçün tərkibində daha kifayət edəcək miqdarda parasetamol olan digər buraxılış formaları mövcuddur. Parasetamolun maksimal gündəlik dozası aşılmamalıdır. Parasetamol bir neçə kombinəolunmuş dərmanların tərkibində tez-tez rast gələn bir komponentdir. Maksimal gündəlik dozanı aşmamaq üçün bu nəzərə alınmalıdır. Qaraciyər çatışmazlığı Qaraciyər çatışmazlığı və ya Gilbert xəstəliyi olan xəstələrdə doza azaldılmalı və ya istifadə arasındakı intervallar artırılmalıdır. Böyrək çatışmazlığı Ağır böyrək çatışmazlığı zamanı (kreatinin klirensi <10 ml/dəq) dozalar arasındakı intervallar ən azı 8 saat olmalıdır.
AZ − AZN
