Bitib
Stokda olanda mənə xəbər verin.Təsiredici maddə: 1 tabletin tərkibində 10 mq, 20 mq və ya 40 mq atorvastatin (müvafiq olaraq 10,85 mq, 21,70 mq və 43,40 mq atorvastatin kalsium şəklində) vardır.
AteroksТМ preparatı aşağıdakı hallarda göstərişdir:
• Hiperxolesterinemiya. Birincili hiperxolesterinemiya, heteroziqot ailəvi hiperxolesterinemiya və ya kombinəolunmuş (qarışıq) hiperlipidemiya olan böyüklərdə, 10 yaş və ondan yuxarı yaşda olan uşaqlarda və yeniyetmələrdə ümumi xolesterinin, ASLP-xolesterinin, apolipoprotein B-nin və triqliseridlərin yüksəlmiş səviyyəsinin azaldılması üçün – dietoterapiya və digər qeyri-farmakoloji üsullar adekvat effekt vermədikdə pəhrizə əlavə olaraq. Homoziqot ailəvi hiperxolesterinemiya olan böyüklərdə ümumi xolesterin, ASLP- xolesterinin və apolipoprotein B-nin yüksəlmiş səviyyəsinin azaldılması üçün – dietoterapiya və digər hipolipidemik müalicələr adekvat effekt vermədikdə pəhrizə əlavə olaraq.
• Ürək-damar xəstəliklərinin profilaktikası. Ürək-damar xəstəliklərinin yaranma riski yüksək olan xəstələrdə ciddi ürək-damar xəstəliklərinin yaranmasının qarşısının alınması – digər risk amillərinin korreksiyasına əlavə olaraq.
Atorvastatinə və ya preparatın tərkibindəki köməkçi maddələrdən hər hansı birinə qarşı yüksək həssaslıq. Qaraciyər xəstəliklərinin aktiv dövründə, zərdab transaminazalarının naməlum səbəblərə görə davamlı artması (normanın yüksək həddindən 3 dəfə artıq). Hamiləlik, laktasiya dövrü. Uyğun kontrasepsiya metodlarından istifadə etməyən, lakin potensial doğuş qabiliyyəti olan qadınlar. Virus əleyhinə olan qlekaprevir/pibrentasvir tərkibli preparatla C hepatitin müalicəsi. 10 yaşdan kiçik uşaqlar.
Atorvastatin hamiləlik və laktasiya dövründə əks göstərişdir. Reproduktiv yaşlı qadınların müalicəsi zamanı adekvat kontraseptiv üsullar tövsiyə olunmalıdır.
Atorvastatin nəqliyyat vasitələrini və digər potensial təhlükəli mexanizmləri idarəetmə qabiliyyətinə əhəmiyyətsiz təsir göstərir.
AteroksТМ tabletləri daxilə, gündə bir dəfə qida qəbulundan asılı olmayaraq günün istənilən vaxtında qəbul edilə bilər. AteroksТМ preparatı ilə müalicəyə başlamazdan əvvəl xəstəyə standart hipolipidemik pəhriz tövsiyə edilməlidir və bu pəhriz müalicə müddətində davam edilməlidir. Preparatın dozası gündə 1 dəfə 10- 80 mq təşkil edir. AteroksТМ preparatının başlanğıc və dəstəkləyici dozası qanda ASLPX-nın ilkin səviyyəsinə, müalicənin məqsədinə və xəstənin müalicəyə cavabına görə fərdi olaraq seçilir. Müalicənin başlanmasından və/və ya doza artmasından sonra hər 2-4 həftə lipidlərin səviyyəsi təyin olunmalıdır və doza müvafiq olaraq tənzimlənməlidir. Birincili hiperxolesterinemiya və kombinəolunmuş (qarışıq) hiperlipidemiya Belə xəstələrin əksəriyyətində atorvastatini gündə 1 dəfə 10 mq dozada qəbul etməklə lipidlərin səviyyəsini nəzarət altında saxlamaq olar. Terapevtik təsir 2 həftə ərzində aşkar olunur və adətən 4 həftə ərzində maksimal terapevtik effekt əldə olunur. Uzunmüddətli müalicə zamanı təsir saxlanılır. Heteroziqot ailəvi hiperxolesterinemiya Tövsiyə olunan başlanğıc dozası gündə 1 dəfə 10 mq təşkil edir. Doza fərdi olaraq seçilməlidir və ehtiyac olduqda hər 4 həftədə 1 dəfə 40 mq/gün-ə qədər tənzimlənməlidir. Sonra ya gündəlik dozanı maksimum 80 mq-a qədər artırmaq olar, ya da öd turşularının sekvestrantları atorvastatinin 40 mq 1 dəfə/gün doza ilə kombinəolunmuş şəkildə istifadə etmək olar. Homoziqot ailəvi hiperxolesterinemiya Məhdud məlumat mövcuddur. Homoziqot ailəvi hiperxolesterinemiya olan xəstələrdə atorvastatinin dozası gündə bir dəfə 10-80 mq təşkil edir. Bu xəstələrdə AteroksТМ preparatı digər hipolipidemik müalicələrə (məs. ASLP-aferezi) əlavə olaraq və ya bu müalicəni aparmaq mümkün olmadıqda təyin edilməlidir. Ürək-damar xəstəliklərinin profilaktikası Birincili profilaktika zamanı doza gündə 1 dəfə 10 mq təşkil edir. Klinik tövsiyələrdə göstərilən ASLPX-nın hədəf səviyyəsinə nail olmaq üçün daha yüksək dozalara ehtiyac ola bilər. Xüsusi qrup xəstələrə dair əlavə məlumat Böyrək çatışmazlığı olan xəstələr Böyrək çatışmazlığı atorvastatinin nə plazma konsentrasiyasına, nə də hipolipidemik effektinə təsir göstərmir və beləliklə doza korreksiyası tələb olunmur. Qaraciyər çatışmazlığı olan xəstələr Qaraciyər çatışmazlığı olan xəstələrdə ehtiyatla istifadə edilməlidir. Aktiv qaraciyər xəstəliyi olan xəstələrə əks göstərişdir. 10-17 yaşda olan pediatrik xəstələrdə heteroziqot ailəvi hiperxolesterinemiya Tövsiyə olunan başlanğıc dozası gündə 1 dəfə 10 mq-dır; maksimum tövsiyə olunan doza 20 mq/gün təşkil edir (20 mq-dan çox dozalarda və kombinəolunmuş şəkildə istifadəsi həmin populyasiyada öyrənilməmişdir). Doza xəstənin müalicəyə cavabına görə uyğun olaraq gündə 80 mq-a qədər artırıla bilər. Doza müalicənin məqsədinə görə fərdi olaraq seçilməlidir. Dozanı ən azı 4 həftəlik interval ilə tənzimlənmək lazımdır. Gündə 80 mq-a qədər dozanın tənzimlənməsi böyüklərdə aparılan tədqiqatın məlumatları və heteroziqot ailəvi hiperxolesterinemiyası olan uşaqlarda aparılan məhdud klinik tədqiqat məlumatları ilə təsdiqlənir. 6-10 yaş arası heteroziqot ailəvi hiperxolesterinemiyası olan uşaqlarda təhlükəsizlik və effektivliliyə dair məhdud məlumatlar mövcuddur. Atorvastatin 10
yaşınadək xəstələrin müalicəsində təyin edilmir. Dərman vasitəsinin digər formaları/dozalanmaları bu populyasiya üçün daha uyğun ola bilər. Yaşlı xəstələrdə istifadəsi Yaşlılarda tövsiyə edilən dozalarda istifadəsinin təsiri və təhlükəsizliyi ümumi populyasiyada kimi olmuşdur. Hipolipidemik dərman vasitələri ilə birgə istifadəsi Additiv təsirə nail olmaq üçün AteroksТМ preparatı öd turşularının sekvestrantları (hipolipidemik vasitələri) ilə birgə istifadə etmək olar. HMQ-KoA-reduktazanın inhibitorlarının və fibratların (gemfibrozil və fenofibrat kimi) kombinəolunmuş şəkildə istifadəsindən çəkinmək lazımdır. Siklosporin, klaritromisin, itrakonazol, proteazanın inhibitorları qəbul edilən xəstələrdə dozalanması Siklosporin, İİV proteazanın inhibitorları (tipranavir/ritonavir) və ya hepatit C proteazanın inhibitorları (telaprevir) qəbul edən xəstələr AteroksТМ preparatının istifadəsindən çəkinməlidirlər. Klaritromisin, itrakonazol qəbul edən xəstələrdə və ya İİV olan və saqvinavir+ritonavir, darunavir+ritonavir, fosamprenavir və ya fosamprenavir+ritonavir qəbul edən xəstələrdə AteroksТМ preparatının dozası 20 mq-dan çox olmamalıdır. İİV proteazanın inhibitoru nelfinavir və ya ya hepatit C proteazanın inhibitoru boseprevir qəbul edən xəstələrdə AteroksТМ preparatının dozası 40 mq-dan çox olmamalıdır.
AZ − AZN
