Bitib
Stokda olanda mənə xəbər verin.Təsiredici maddə: 1 ml məhlulun tərkibində 25 mq deksketoprofen (deksketoprofen trometamol şəklində) vardır. 1 ampulda (2 ml məhlul) 50 mq deksketoprofen (deksketoprofen trometamol şəklində) vardır.
Peroral müalicənin aparılması mümkün olmadıqda, orta və şiddətli intensivliyə malik kəskin ağrı sindromunun, məsələn, əməliyyatdan sonrakı ağrıların, böyrək sancılarının və bel nahiyəsində müşahidə olunan ağrıların simptomatik müalicəsi.
- Təsiredici maddəyə və ya digər QSİƏP-ə və ya preparatın tərkibinə daxil olan hər hansı digər komponentə qarşı yüksək həssaslıq; - analoji təsirli preparatlar (məsələn, asetilsalisil turşusu və digər QSİƏP) astma tutmalarının, bronxospazmın, kəskin rinitin inkişaf etməsinə təkan verdikdə və ya burun poliplərinin inkişaf etməsinə, övrənin və ya angionevrotik ödemin meydana çıxmasına səbəb olduqda; - ketoprofenlə və ya fibratlarla aparılan müalicə müddətində fotoallergik və ya fototoksik reaksiyalar inkişaf etdikdə; - anamnezdə, əvvəllər QSİƏP-lə aparılan müalicə ilə əlaqəli mədə-bağırsaq qanaxmaları və ya perforasiyalar; - aktiv mərhələdə peptik xora/mədə-bağırsaq qanaxması və ya anamnezdə mədə-bağırsaq qanaxmasının, xoralaşmanın və ya perforasiyanın olması; - xroniki dispepsiya; - mədə-bağırsaq qanaxması, aktiv mərhələdə digər qanaxma və ya qanaxmaya meylliliyin yüksəlməsi; - Kron xəstəliyi və ya qeyri-spesifik xoralı kolit; - ağır dərəcəli ürək çatışmazlığı; - böyrək funksiyalarının orta və ya ağır dərəcəli pozulması (kreatinin klirensi ≤ 59 ml/dəq); - qaraciyər funksiyalarının ağır dərəcəli pozulması (Çayld-Pyu şkalasına görə 10-15 bal); - hemorragik diatez və qan laxtalanmasının digər pozğunluqları; - şiddətli dehidratasiya (qusma, diareya və ya maye qəbulu çatışmazlığı nəticəsində baş verən); - hamiləliyin üçüncü trimestri və laktasiya dövrü (“Hamiləlik və laktasiya dövründə istifadəsi” bölməsinə bax). Auksilen® preparatının tərkibində etanolun olmasını nəzərə alaraq, neyroaksial (intratekal və ya epidural) yeridilmə üçün preparat əks göstərişdir.
Auksilen® preparatının istifadəsi hamiləliyin üçüncü trimestrində və laktasiya dövründə əks göstərişdir (“Əks göstərişlər” bölməsinə bax). Hamiləlik dövrü Prostaqlandinlərin sintezinin tormozlanması hamiləliyin gedişinə və/və ya rüşeymin və dölün inkişafına mənfi təsir göstərə bilər. Epidemioloji tədqiqatların nəticələrinə əsasən, hamiləliyin erkən mərhələlərində prostaqlandinlərin sintezini tormozlayan preparatların istifadəsi düşüklərin, döldə ürək qüsurlarının və ön qarın divarının bitişməməsinin riskini yüksəldir. Beləliklə, ürək-damar sisteminin anomaliyalarının inkişaf etməsinin mütləq riski < 1 %-dən təxminən 1,5 %-ə qədər yüksəlmişdir.
Hesab edilir ki, doza artdıqca və istifadə müddəti uzandıqca risk yüksəlir. Heyvanlarda prostaqlandin sintezinin inhibitorlarının istifadəsi, pre- və postimplantasion itkilər riskinin yüksəlməsinə və embriofetal ölüm faizinin artmasına səbəb olmuşdur. Bundan əlavə, orqanogenez dövründə prostaqlandin sintezinin inhibitorlarını qəbul edən heyvanlarda, dölün inkişaf qüsurlarının, o cümlədən, ürək-damar anomaliyalarının meydana çıxma tezliyi yüksəlmişdir. Bununla belə, deksketoprofen trometamolun heyvanlar üzərində aparılan tədqiqatları, reproduktiv orqanlarda toksiklik əlamətlərini aşkar etməmişdir.
Hamiləliyin birinci və ikinci trimestrlərində deksketoprofen trometamolu yalnız, ciddi zərurət yarandıqda təyin etmək olar. Deksketoprofen trometamolu hamiləliyi planlaşdıran qadınlara və ya hamiləliyin birinci və ya ikinci trimestrində təyin etdikdə, preparatı minimal müddət ərzində və mümkün qədər aşağı dozada istifadə etmək lazımdır. Hamiləliyin üçüncü trimestrində prostaqlandin inhibitorlarının istifadəsi fonunda döldə aşağıda göstərilən dəyişikliklər baş verə bilər: - ürək-ağciyər toksikliyinin meydana çıxması (məsələn, arterial axacağın vaxtından əvvəl bağlanması və ağciyər arteriyası sistemində hipertenziya); - proqressivləşərək, oliqohidramnion ilə müşayiət olunan böyrək çatışmazlığına keçə bilən böyrək disfunksiyası. Hamiləliyin sonunda anada və yenidoğulmuş körpədə aşağıdakı halların baş verməsi mümkündür: - qanaxma müddətinin uzanması – trombositlərin aqreqasiyasının inhibə olunması effekti, preparatı hətta çox aşağı dozalarda istifadə etdikdə belə, meydana çıxa bilər; - uşaqlığın yığılma aktivliyinin tormozlanması, doğuşun ləngiməsinə və ya doğuş fəaliyyətinin uzanmasına səbəb ola bilər.
Laktasiya dövrü Deksketoprofenin ana südünə nüfuz etməsi barədə heç bir məlumat yoxdur. Fertillik Bütün QSİƏP kimi, deksketoprofen trometamol qadın fertilliyini aşağı sala bilər, bu səbəbdən, hamilə olmağı planlaşdıran qadınlara preparatı təyin etmək tövsiyə olunmur. Hamilə olmaq problemləri ilə üzləşən və ya sonsuzluğa görə müayinələrdən keçən qadınlarda, deksketoprofen trometamolun istifadəsinin dayandırılması ehtimalını nəzərdən keçirmək lazımdır.
Auksilen® preparatının istifadəsi fonunda başgicəllənməsi və yuxuya meyllilik meydana çıxa bilər, bu səbəbdən preparat, nəqliyyat vasitəsini və digər potensial təhlükəli mexanizmləri idarəetmə qabiliyyətinə yüngül və ya orta dərəcəli təsir göstərə bilər.
Dozalanması Böyüklər Tövsiyə olunan doza 8-12 saatlıq intervalla 50 mq təşkil edir. Zərurət yarandıqda, təkrar dozanı 6 saatdan sonra yeritmək olar. Ümumi sutkalıq doza 150 mq-dan artıq olmamalıdır. Auksilen® preparatı qısamüddətli müalicə üçün nəzərdə tutulur: preparatı yalnız kəskin ağrı dövründə istifadə etmək olar (2 sutkadan artıq olmamaq şərti ilə).
Pasiyentləri peroral analgetiklərin istifadəsinə mümkün qədər tez keçirmək lazımdır. Vəziyyətin yaxşılaşdırılması üçün tələb olunan minimal müddət ərzində ən aşağı effektiv dozadan istifadə etməklə, preparatın əlavə təsirlərini azaltmaq mümkündür. Əməliyyatdan sonrakı dövrdə orta və şiddətli intensiv ağrı olduqda, Auksilen® preparatını opioid analgetiklərlə birlikdə, göstərişlərə müvafiq böyüklər üçün tövsiyə olunan eyni dozalarda istifadə etmək olar (“Farmakoloji xüsusiyyətləri” bölməsinə bax). Uşaqlar Auksilen® preparatı uşaqlarda və yeniyetmələrdə tədqiq olunmayıb.
Bu səbəbdən, uşaqlar və yeniyetmələr üçün preparatın təhlükəsizliyi və effektivliyi müəyyən olunmayıb və göstərilən yaş qrupu pasiyentlərində preparatı istifadə etmək olmaz. Yaşlı pasiyentlər Bir qayda olaraq, yaşlı pasiyentlər üçün preparatın dozasının korreksiyası tələb olunmur. Lakin, yaşlı pasiyentlərdə böyrək funksiyalarının fizioloji pisləşməsini nəzərə alaraq, böyrək funksiyalarının yüngül dərəcəli pozulması olduqda belə, preparatın ümumi sutkalıq dozasının aşağı salınması tövsiyə olunur: ümumi sutkalıq doza 50 mq-dır (“Xüsusi göstərişlər və ehtiyat tədbirləri” bölməsinə bax). Qaraciyər funksiyalarının pozulması Yüngüldən orta dərəcəyə qədər qaraciyər funksiyalarının pozulması (Çayld-Pyu şkalasına görə 5-9 bal) olan pasiyentlərdə ümumi sutkalıq dozanı 50 mq-a qədər aşağı salmaq və qaraciyər funksiyalarına diqqətlə nəzarət etmək lazımdır (“Xüsusi göstərişlər və ehtiyat tədbirləri” bölməsinə bax).
Ağır dərəcəli qaraciyər disfunksiyasından (Çayld-Pyu şkalasına görə 10-15 bal) əziyyət çəkən pasiyentlər üçün Auksilen® preparatının istifadəsi əks göstərişdir (“Əks göstərişlər” bölməsinə bax). Böyrək funksiyalarının pozulması Böyrək funksiyalarının yüngül dərəcəli pozulmasından (kreatinin klirensi 60-89 ml/dəq) əziyyət çəkən pasiyentlərdə ümumi sutkalıq dozanı 50 mq-a qədər aşağı salmaq lazımdır (“Xüsusi göstərişlər və ehtiyat tədbirləri” bölməsinə bax). Böyrək funksiyalarının orta və ağır dərəcəli pozulmasından (kreatinin klirensi ≤ 59 ml/dəq) əziyyət çəkən pasiyentlər üçün Auksilen® preparatının istifadəsi əks göstərişdir (“Əks göstərişlər” bölməsinə bax). İstifadə qaydası Auksilen® preparatının inyeksiya/infuziya üçün məhlulu əzələ daxilinə və ya vena daxilinə istifadə olunur.
Əzələ daxilinə istifadəsi: Auksilen® preparatının 1 ampulunun (2 ml) möhtəviyyatını tədricən əzələyə dərin yeritmək lazımdır. Vena daxilinə istifadəsi: Venadaxili inyeksiya (bolyus vasitəsi ilə yeridilmə): zərurət yarandıqda, Auksilen® preparatının 1 ampulunun (2 ml) möhtəviyyatını vena daxilinə ən azı 15 saniyə müddətində yeritmək lazımdır. Venadaxili infuziya: aşağıda təsvir olunduğu kimi hazırlanmış hazır məhlulu, vena daxilinə tədricən 10-30 dəqiqə müddətində yeritmək lazımdır. Məhlul təbii gün işığının təsirinə məruz qalmamalıdır.
İstifadədən əvvəl dərman preparatının durulaşdırılması, utilizasiyası və istifadəsi üzrə digər təlimatlar Auksilen® preparatını kiçik həcmlərdə (məsələn, şprisdə) heparinin, lidokainin, morfinin və teofillinin inyeksiya üçün məhlulları ilə qarışdırmaq olar. Venadaxili infuziya şəklində istifadə etmək üçün Auksilen® preparatının 1 ampulunun (2 ml) möhtəviyyatını 30-100 ml fizioloji məhlulda, qlükoza məhlulunda və ya Ringer-laktat məhlulunda durulaşdırmaq lazımdır. İnfuziyanı aseptik şəraitdə, gün işığından qoruyaraq hazırlamaq lazımdır. Hazırlanmış məhlul şəffaf olmalıdır.
100 ml fizioloji məhlulda və ya qlükoza məhlulunda durulaşdırılmış Auksilen® preparatını dofaminlə, heparinlə, hidroksizinlə, lidokainlə, morfinlə, petidinlə və teofillinlə qarışdırmaq olar. Auksilen® preparatının durulaşdırılmış məhlullarını polietilen paketlərdə və ya yeridilmə üçün etilvinilasetatdan (EVA), sellüloza propionatdan (SP), aşağı sıxlıqlı polietilendən (ASPE) və polivinilxloriddən (PVX) hazırlanmış qurğularda saxladıqda, sorbsiya nəticəsində təsiredici maddənin tərkibində heç bir dəyişiklik müşahidə olunmamışdır. Auksilen® preparatı birdəfəlik istifadə üçün nəzərdə tutulmuşdur, bu səbəbdən, hazır məhlulun qalıqlarını axıtmaq lazımdır. Preparatı yeritməzdən əvvəl, məhlulun şəffaf və rəngsiz olmasına əmin olmaq lazımdır; tərkibində bərk hissəciklər olan məhlulu istifadə etmək olmaz.
Təlimatlar müvafiq hazırlanmış məhlul, təbii gün işığından qorunmaq şərti ilə, 25° C temperaturda özünün kimyəvi xüsusiyyətlərini 24 saat müddətində saxlaya bilir. Mikrobioloji təmizlik aspekti nəzərə alaraq, məhlulu hazırladıqdan dərhal sonra iatifadə etmək lazımdır. Daha sonra, saxlanma şəraitinə, müddətinə və istifadə olunmasına görə məsuliyyəti, tibb işçisi daşıyır. Bir qayda olaraq, nəzarət olunan və təlimatlara müvafiq şəraitdə hazırlanmış məhlullar istisna olmaqla, məhlulları 2-8° C temperaturda 24 saatdan artıq saxlamaq olmaz.
Hər bir istifadə olunmayan preparatı və ya onun qalıqlarını yerli tələblərə uyğun utilizasiya etmək lazımdır. Ampulu necə açmaq lazımdır 1) Ampulun üzərində olan rəngli nöqtəni özünə tərəf çevirmək lazımdır. Ampulun yuxarı hissəsini barmaqla yüngül döymək lazımdır ki, məhlul ampulun aşağı hissəsinə keçsin. 2) Ampulu açmaq üçün hər iki əldən istifadə etmək lazımdır: ampulun aşağı hissəsini bir əldə saxlayaraq, digər əllə ampulun yuxarı hissəsinə rəngli nöqtə istiqamətində sıxmaq lazımdır (aşağıdakı şəkilə bax).
AZ − AZN
