Benta Ekstra 200 ml Oral Solution

Benta Extra

Benta Extra tərkibi

BENTA EXTRA® Gigiyenik vasitənin istifadəsi üzrə təlimat 200 ml-də olan komponentlər (Ingredients in each 200 ml): Xlorheksidin diqlükonat (Chlorhexidine Digluconate)- 0,12%, Çay ağacı yarpağının yağı (Melaleuca Alternifolia) Tea Tree leaf oil), Natrium xlorid (Sodium chloride), Deionizə olunmuş su (Deionized water) Məhsul haqqında məlumat: Benta Extra- ağız boşluğunun düzgün gigiyenasını qorumaq, nəfəsi uzunmüddət təravətli saxlamaq, boğaz və ağız boşluğu xəstəliklərinin (stomatit, tonzillit, faringit, angina) və diş əti iltihabının (gingivit) qarşısını almaq üçün nəzərdə tutulub. Oral məhlul- diş ərpinin əmələ gətirdiyi bakteriyaları məhv edir, damaq problemlərini aradan qaldırır, hətta diş fırçasının çata bilmədiyi nahiyələri təmizləmək üçün istifadə olunur. Diş ǝrpini azaldaraq dişlərin vaxtından əvvəl tökülməsinin qarşısını alır, ağ dişləri və cəlbedici təbəssümü qorumağa kömək edir. Xlorheksidin diqlukonat-antiseptik və bakterisid vasitədir.

Qrammənfi və qrammüsbət bakteriyalara effektiv təsir göstərir. Xlorheksidin həmçinin də fungisid təsir göstərir. Mikrob hüceyrəsinin membranına absorbsiya olunur, hüceyrə membranını zədələyərək bakteriyaları məhv edir, onların artmasının qarşısını alır. Ağızda yaranan diş ərpinin və gingivitin azalmasına səbəb olur.

Çay ağacı - antibakterial təsir göstərir, diş ətinin iltihabını aradan qaldırır. Natrium xlorid - ağız boşluğu gigiyenası məqsədi ilə istifadə olunur. Ağız boşluğunda və boğazda olan ağrılı vəziyyəti aradan qaldırır.

İstifadəsinə göstərişlər

-Ağızda selikli qişanın iltihabı, parodont xəstəlikləri (şişmiş və qanamaya meyilli qırmızı rəngli diş əti) zamanı -Dişlər və diş əti arasında irinin varlığı -Gingivitin müalicə və profilaktikası -Diş ǝrpinin azaldılması məqsədi ilə -Sərt yeməklər yeyərkən, diş ipi istifadə edərkən və fırçalama zamanı diş ətində qanama -Ağız boşluğunun gigiyenası məqsədi ilə -Ağız boşluğunda və boğazda olan ağrılı vəziyyət (məs., angina, faringit, tonzillit, aftoz stomatit, qlossit) -Ağız boşluğunda və boğazda aparılan əməliyyatlardan sonra -Xoşagəlməz ağız qoxusu

Əks göstərişlər

Vasitənin tərkibindəki hər hansı bir komponentə qarşı yüksək həssaslıq.

Benta Extra istifadə qaydası və dozası

10-15 ml məhlul 30 saniyədən az olmayaraq ağızda qarqara edilərək xaric olunur. Məhlulu udmaq olmaz. Proseduru hər 1,5-3 saatdan bir təkrar etmək və məhlulun istifadəsindən əvvəl dişləri fırçalamaq tövsiyə olunur.