Bepanten 50 Mg 30 g Məlhəm

BEPANTEN, xaricə istifadə üçün məlhəm

Bepanten tərkibi

 Təsiredici maddə:    1 q məlhəmin tərkibində 50 mq dekspantenol vardır. Köməkçi maddələr: setil spirti, stearil spirti, ağ arı mumu (E901), ağ yumşaq parafin, badam yağı, duru parafin, lanolin (E913), protegin X2, təmizlənmiş su.

İstifadəsinə göstərişlər:

 Dərinin xırda zədələnmələri: yüngül yanıqlarda və sıyrıntılarda; radio-, fototerapiya və ya UB-şüalanma nəticəsində dərinin iltihabı, qıcıqlanması; xroniki xoralar, yataq yaraları, anal çatlar, dərinin transplantasiyası və uşaqlıq boynunun eroziyası; kortikosteroidlərlə müalicə zamanı sağalma proseslərinin aktivləşdirilməsi, Quru və çatlamış dəriyə qulluq, Çağalarda bişməcələrin profilaktikası və müalicəsi, Uşaq əmizdirən dövrdə süd vəzilərinə müntəzəm qulluq, döş gilələrində əmələ gələn ağrıların və ya çatların müalicəsi.

Əks göstərişlər:

 Preparatın təsiredici maddəsinə və digər komponentlərinə qarşı yüksək həssaslıq. Hemofiliyalı xəstələrdə ağır qanaxma riski olduğu üçün yaralarda istifadəsi əks göstərişdir.

Hamiləlik və laktasiya dövründə istifadəsi:

 Dekspantenolun reproduktivliyə təsiri öyrənilməmişdir. Hamiləlik və laktasiya dövründə məlhəmin istifadəsinə dair heç bir məhdudiyyət yoxdur.

Bepanten istifadə qaydası, dozası

 Xaricə istifadə edilir. Məlhəmi gündə bir, yaxud zərurət yarandıqda bir neçə dəfə nazik təbəqə şəklində dəriyə tətbiq olunmalıdır. Uşaq əmizdirən analarda süd vəzilərinə qulluq: hər əmizdirmədən sonra məlhəmi döş gilələrinə çəkməli. Çağaya qulluq: hər dəfə uşağın bezini dəyişərkən zədələnmiş yerlərə çəkməli. Müalicə müddəti xəstəliyin xüsusiyyətindən və gedişindən asılıdır.