Bitib
Stokda olanda mənə xəbər verin.Təsiredici maddə:1 kapsulda 200 mkq budesonid vardır.
Preparat 6 yaşdan etibarən astmalı pasiyentlərdə persistəedici astmanın uzunmüddətli iltihabəleyhinə kontrolu üçün, həmçinin astma kəskinləşməsinin profilaktikası üçün istifadə olunur.
- Preparatın hər-hansı komponentinə qarşı yüksək həssaslıq; - vərəmin aktiv forması olan pasiyentlər; - 6 yaşa qədər uşaqlar. Xüsusi göstərişlər və ehtiyyat tədbirləri Müalicənin profilaktik xarakteri Pasiyentləri məlumatlandırmaq lazımdır ki, preparat tutmaların aradan qaldırılması üçün nəzərdə tutulmayıb, astma simptomlarınln olmadığı halda belə müntəzəm gündəlik profilaktik istifadə üçündür. Budesonid kəskin bronxospazmı aradan qaldırmır və astmatik statusun birincili müalicəsi və ya digər astmatik epizodların müalicəsi üçün yaramır. Yanaşı xəstəliklər Yanaşı pozğunluqları olan pasiyentlərdə, məsələn, remissiya mərhələsində ağciyər vərəmi və tənəffüs yollarının göbələk və virus infeksiyaları olan pasiyentlərdə xüsusi ehtiyatlılıq tələb olunur.
Astma zamanı dəstəkləyici müalicə qismində preparatdan istifa də etdikdə xəstələr diqqətli nəzarət altında olmalıdırlar. Bronxoektazlar və pnevmokonioz kimi ağciyər pozğunluqları olan pasiyentlərin müalicəsi zamanı göbələk infeksiyaları ehtimalı olduğu üçün xüsusi ehtiyatlı olmaq lazımdır. Astmanın kəskinləşməsi Astmanın kəskinləşmələri budesonidin dozasının artırılması və ya qısamüddətli təsirə malik kortikosteroidlərlə və/və ya infeksiya varsa antibiotiklərlə əlavə müalicə tələb edə bilər. Budesonid kəskin astma epizodlarının sürətli yüngülləşdirilməsi üçün nəzərdə tutulmamışdır, bu halda qısamüddətli təsirə malik inhalyasion bronxodilatator tələb olunur.
Paradoksal bronxospazm Digər inhalyasion terapiya metodlarında olduğu kimi, nadir hallarda paradoksal bronxospazm inkişaf edə bilər, bu isə təngnəfəsliyin təcili güclənməsilə təzahür edir. Əgər bu baş verirsə, inhalyasion budesonidlə müalicəni dərhal dayandırmaq, xəstənin vəziyy ətini qiymətləndirmək və ehtiyac olduqda alternativ müalicə təyin etmək lazımdır. Əgər astma ağırlaşarsa (daha tez -tez bronxodilatatorla qısamüddətli inhalyasion terapiya və ya davamlı respirator simptomlar) xəstənin öz həkiminə müraciət etməsi tövsiyə olunur. Xəstənin vəziyyəti yenidən qiymətləndirilməlidir, həmçinin iltihabəleyhinə te rapiyanın artırılmasına ehtiyacın olması müzakirə olunmalıdır.
Həmçinin, inhalyasion və ya peroral kortikosteroidin dozasının artırılması müzakirə olunmalıdır. Sistem effektlər Əsasən, yüksək dozalar uzun müddət ərzində təyin olunduğu halda inhalyasion kortikosteroidlərin sistem effektləri baş verə bilər. Lakin inhalyasion terapiya zamanı bu effektlər daha az ehtimal olunur, nəinki kortikosteroidlərin peroral istifadəsi zamanı. Mümkün olan sistem effektlərə daxildir: hiperadrenokortisizm/Kuşinq sindromu, kuşinqoid görünüş, böyrəküstü vəz funksiyasının ləngiməsi, uşaqlarda və yeniyetmələrdə boy artımı sürətinin azalması, sümüklərin mineral sıxlığının azalması, katarakta və qlaukomanın inkişaf etməsi və nadirən, bir sıra psixoloji və davranış pozğunluqları, o cümlədən, psixomotor hiperaktivlik, yuxunun pozulmaları, narahatlıq, depressiya və ya aqressiya (əsasən uşaqlarda).
Bu səbəbdən, vacibdir ki, inhalyasion kortikosteroidlər astma nın kontrolunun təmin edilməsi üçün tələb olunan minimal effektiv dozada istifadə olunsun. Qaraciyər funksiyasının pozulması kortikosteroidlərin xaric olunmasına təsir göstərir, bu isə eliminasiya sürətinin azalmasına və sistem təsirinin artmasına gətirib çıxarır. Mümkün olan sistem arzuolunmaz reaksiyalara diqqət yetirmək lazımdır. İnhalyasion kortikosteroidlərin yüksək dozaları ilə uzunmüddətli müalicə, xüsusən tövsiyə olunduğundan artıq dozalar böyrəküstü vəzin funksiyasının klinik dəyərli ləngiməsinə gətirib çıxara bilər.
Belə xəstələrdə güclü stress zamanı böyrəküstü vəz çatışmazlığının əlamətləri və simptomları üzə çıxa bilər. Stress zamanı və ya planlı əməliyyat müddətində sistem kortikosteroidlərin əlavə istifadəsinə ehtiyacın olması nəzərə alınmalıdır. Sistem steroidin dozasını azaltdıqda, sistem kortikosteroidlərdən inhalyasion kortikosteroidlərə keçid zamanı və uzun müddət ərzində yüksək dozalar istifadə olunan pasiyentlərdə b öyrəkstü vəzin funksiyasını müntəzəm kontrol etmək lazımdır. Böyüməyə təsiri İnhalyasion kortikosteroidlər ilə uzunmüddətli müalicədə olan uşaqların boyunu müntəzəm olaraq yoxlamaq məsləhət görülür.
Əgər böyümə tempində azalma müşahidə olunursa, inhalyasion kortikosteroidin dozasının əgər mümkün olarsa, astma simptomlarının kontrolu üçün ən kiçik effektiv dozaya qədər azaldılması məqsədilə müalicəyə yenidən baxmaq lazımdır. Kortikosteroidlər ilə terapiyanın faydası və böyümənin mümkün yavaşıması riskləri nisbətini diqqətlə nəzərdən keçirtmək lazımdır. Bundan əlavə, pasiyentin respir ator xəstəliklər üzrə mütəxəssisə müraciət etməsinin vacibliyi nəzərdən keçirilməlidir. İnhalyasion kortikosteroidlərin istifadəsilə əlaqəli böyümə tempinin yavaşımasının uzunmüddətli effektləri, o cümlədən, yetkin dövrdə son böyüməyə təsiri məlum deyildir.
İnhalyasion kortikosteroidlər ilə terapiyanın kəsilməsindən sonra boy artımının əldə edilməsinə ehtimal olunan potensial etibarlı şəkildə öyrənilməyib. Yanaşı terapiya Eyni vaxtda itrakonazol, ketokonazol, ritonavir və ya digər güclü CYP3A4 inhibitorların (məsələn, azol qrupundan olan bəzi göbələkəleyhinə preparatlar, İİV proteaza inhibitorları və makrolid antibiotiklər) istifadəsindən qaçmaq lazımdır. İnhalyasion kortikosteroidlər ilə terapiya dövründə ağız boşluğunun kandidozu müşahidə oluna bilər. Bu zaman adekvat göbələkəleyhinə terapiya ilə müalicə, bəzi pasiyentlər üçün isə müalicənin kəsilməsi tələb oluna bilər.
Görmə orqanı tərəfindən pozulmalar Görmə pozğunluqları kortikosteroidlərin sistem və yerli istifadəsi zamanı baş verə bilər. Görmənin qeyri-aydın olması və ya digər görmə pozğunluqları yaranan zaman xəstə oftalmoloqa müraciət etməlidir ki, katarakta, qlaukoma və ya mərkəzi seroz xorioretino patiya kimi nadir xəstəliyin (bunlar sistem və yerli kortikosteroidlərin istifadəsindən sonra qeyd olunmuşdur) mümkün olan səbəbləri müəyyən edilsin. Köməkçi maddələr Preparatın tərkibində laktoza monohidrat var. Qalaktozaya qarşı dözümsüzlüyün nadir irsi formaları, laktaza çatışmazlığı və ya qlükoza -qalaktoza malabsorbsiyası olan pasiyentlər bu dərman preparatını qəbul etməməlidir.
İdmançılarda istifadəsi Preparatın tərkibində elə maddə var ki, dopinqə qarşı müsbət nəticə verə bilər. Xüsusi ehtiyatlılıq tədbirləri Steroidlər ilə müalicəyə başlayan pasiyentlər Adətən terapevtik effekt 10 gün sonra əldə olunur. Bronxlarda həddən artıq selik sekresiyası olan pasiyentlərə peroral kortikosteroidlərin əlavə qısa müalicə kursu (təxminən 2 həftə) tələb oluna bilər. Qlükokortikosteroidlər qəbul edən pasiyentlər Peroral steroidlərdən inhalyasion istifadəyə keçid zamanı bəzi pasiyentlərdə ümumi steroid effektin azalması qeyd olunur.
Allergiyanın əvvəlki simptomları, məsələn rinit və ekzema təkrarlana bilər, pasiyentlər özlərini zəif hiss edə bilər, əzələ və oynaqlarda ağrı, bəzən ürəkbulanma və qusma ola bilər. Bu halda, aktiv tibbi yardım tələb oluna bilər. P asiyentlərə Budekton vasitəsilə müalicəni davam etdirməyə və peroral steroidlərin kəsilməsinə davam etməyə məsləhət görmək lazımdır, əgər bu tibbi nöqteyi nəzərdən özünü sübut edirsə. Allergiya zamanı antihistamin preparatlar və/və ya yerli istifadə edilən, o cümlədən yerli kortikosteroidlər təyin etmək lazımdır.
Həmçinin peroral steroidin dozasının müvəqqəti artırılması özünü doğrulda bilər. Əlavə sistem kortikosteroidlərlə və ya budes onidlə müalicəni qəflətən kəsmək olmaz. Sistem kortikosteroidlərdən budesonidə keçdikdə ilk aylarda pasiyentin məsələn, travma, cərrahi müdaxilələr və ya ciddi infeksiyalar kimi stress vəziyyətlərə adrenokortikal rezervinin adekvat uyğunluğunu kontrol etmək üçün xüsusi ehtiyatlı olmaq lazımdır. Səhv istifadəsi Budesonid kapsullarını inhalyasiya üçün cihaza yerləşdirmək əvəzinə səhvən daxilə qəbul edən pasiyentlər barədə məlumat verilmişdir.
Belə daxilə qəbul edilmələrin əksəriyyəti arzuolunmaz nəticələrə gətirməmişdir. Tibb işçiləri pasiyentləri preparatın düzg ün istifadəsi barədə məlumatlandırmalıdırlar. Digər dərman vasitələrilə qarşılıqlı təsiri CYP3A4 inhibitorları Ehtimal olunur ki, CYP3A4 inhibitorların, o cümlədən, kobisistat tərkibli preparatların eyni vaxtda istifadəsi sistem əlavə təsirlərin baş verməsi riskini yüksəldir. Belə kombinasiyaların istifadəsindən qaçmaq lazımdır, ehtiyac olduqda isə - yalnız o halda təyin etmək lazımdır ki, faydası kortikosteroidlərin artan sistem əlavə təsirləri riskindən üstün olsun.
Xəstənin vəziyyətinə qarşı ciddi nəzarət tələb olunur. Budesonid CYP3A4 izofermentin iştirakı ilə metabolizə olunduğu üçün CYP3A4 inhibitorların (məsələn, itrakonazol, ketokonazol, ritonavir, sakvinavir, nelfinavir, amiodaron, klaritromisin, telitromisin və eritromisinin) birgə qəbulu budesonidin sistem təsirl ərini əhəmiyyətli dərəcədə artıra bilər. Güclü CYP3A4 inhibitorların istifadəsindən qaçmaq lazımdır. Əgər bu mümkün deyilsə, qarşılıqlı təsir göstərən dərman preparatlarının istifadəsi arasında interval mümkün qədər çox olmalıdır, və adrenokortikal funksiya nəzarət olunmalıdır.
Həmçinin budesonidin dozasının azaldılması müzakirə olunmalıdır. Yüksək dozada inhalyasiya olunan budesonidin qarşılıqlı təsirinə dair məhdud məlumatlar göstərir ki, itrakonazolun 200 mq dozada gündə bir dəfə, birdəfəlik 1000 mkq inhalyasion budesonid ilə eyni vaxtda istifadəsi zamanı budesonidin plazmada səviyyələri əh əmiyyətli dərəcədə yüksəlir (orta hesabla 4 dəfə). CYP3A4 induktorları Güclü CYP3A4 induktorların (məsələn, rifampisin) eyni vaxtda istifadəsi budesonidin metabolizmini artırır və onun sistem təsirini azaldır. Ağciyərlərə təsirinin müşahidə olunması məlum deyildir.
Eyni vaxtda estrogenlər və steroid kontraseptivlər təyin olunmuş qadınların qan plazmasında qlükokortikosteroidlərin konsentrasiyasının artması və onların təsirinin güclənməsi müşahidə olunmuşdur, lakin budesonidlə terapiya zamanı və kombinəolunmuş oral kontraseptivlərin aşağı dozalarının yanaşı qəbulu zamanı hər-hansı effekt müşahidə olunmamışdır. Böyrəküstü vəzin funksiyası ləngiyə bildiyi üçün hipofizar çatışmazlığın diaqnostikası üçün adrenokortikotrop hormonun (AKTH) stimulyasiyası ilə aparılan test yanlış nəticələr (aşağı göstəricilər) verə bilər.
Hamiləlik Hamilə qadınlarda adekvat nəzarətli tədqiqatlar aparılmayıb. Prospektiv epidemioloji tədqiqatların əksər nəticələri və dünya üzrə postmarketinq istifadəsi göstərir ki, hamiləlik zamanı budesonidin inhalyasion istifadəsi döldə və ya yenidoğulmuşda arzuolunm az effektlərin inkişaf etməsi riskinin yüksəlməsilə müşayiət olunmamışdır. Hamiləlik zamanı adekvat terapiyanın aparılması həm ana üçün, həm də döl üçün vacib hesab olunur. Lakin budesonidin istifadəsinin ana üçün faydası döl üçün riskdən üstün olmalıdır.
Astmanın adekvat kontrolunu təmin etmək üçün tələb olunan budesonidin minimal effektiv dozasını istifadə etmək lazımdır. 2000 hamiləlik hadisələrindən alınan məlumatların analizi inhalyasion budesonidin istifadəsilə əlaqəli yüksək teratogen riskin olmadığını nümayiş etdirir. Heyvanlar üzərində aparılan tədqiqatlarda qlükokortikoidlər inkişaf qüsurlarının baş verməsinə səbəb olmuşdur. Tövsiyə olunan inhalyasion dozaların istifadəsi zamanı insan üçün bu müşahidənin dəyərli olması az ehtimal olunur.
Heyvanlar üzərində aparılan tədqiqatlarda müəyyən olunmuşdur ki, prenatal dövrdə qlükokortikoidlərin həddən artıq istifadəsi bətndaxili inkişafın ləngiməsi riskini yüksəldir, böyüklərdə ürək -damar xəstəliklərinin baş verməsinə, qlükokortikoid reseptorların sıxlığının geridönməz dəyişikliyinə, neyromediatorların metabolizminin pozulmasına, teratogen diapazon dozalarına nisbətən, daha aşağı dozaların təsiri zamanı davranışın dəyişməsinə gətirib çıxarır. Laktasiya Budesonid ana südünə keçir. Lakin terapevtik dozalarda istifadəsi zamanı ana südü ilə qidalanan uşaq üçün hər -hansı təsiri ehtimal olunmur. Ana südü ilə qidalandırma zamanı budesonid inhalyasiyaların istifadəsinə yol verilir.
Astmalı südverən qadınların dəstəkləyici terapiyası (200 və ya 400 mkq gündə 2 dəfə) südəmər uşaqlarda budesonidin dəyərli sistem təsirinə gətirmir. Farmakokinetik tədqiqatda uşaqda budesonidin hesablanmış gündəlik dozası hər iki doza səviyyələri üçün anada gündəlik dozanın 0,3% -ni tə şkil etmişdir, uşaqda qan plazmasında budesonidin orta konsentrasiyası isə ananın qan plazmasında müşahidə olunan konsentrasiyaların 0,17%-i kimi qiymətləndirilmişdir, südəmər uşaqlarda daxilə qəbulu zamanı preparatın biomənimsənilməsinin tam olduğu nəzərə alınmaqla. Uşaqların qan plazması nümunələrində budesonidin konsentrasiyası miqdarı təyini həddindən aşağı olmuşdur. İnhalyasion budesonidin öyrənilməsi zamanı əldə olunan məlumatlar əsasında, həmçinin intranazal, inhalyasion, peroral və ya rektal istifadəsindən sonra terapevtik diapazonda budesonidin xətti farmakokinetikası nəzərə alınmaqla ehtimal olunur ki, terapevtik dozalarda preparatın istifadəsi zamanı onun körpəyə təsiri aşağı olacaqdır.
Fertillik Budesonidin istifadəsinə və onun insanda fertilliyə təsirinə dair məlumatlar mövcud deyil. Budesonidi dərialtı qəbul edən siçov ullarda fertilliyə mənfi təsiri qeyd olunmamışdır. Doğum potensialına malik qadınar üçün xüsusi tövsiyələr yoxdur.
Nəqliyyat vasitəsi və digər mexanizmləri idarəetmə qabiliyyətinə təsirinə dair tədqiqatlar aparılmayıb. Preparatın nəqliyyat vasitəsi və cəld psixomotor reaksiyalar tələb edən mexanizmləri idarəetmə qabiliyyətinə təsiri az ehtimal olunur.
Preparatın dozasını xəstəlik üzərində tam kontrolu əldə edənə qədər fərdi olaraq seçmək lazımdır, bundan sonra isə onu minimal effektiv dozaya qədər tədricən azaltmağa başlamaq lazımdır. Budesonidin minimal effektiv dozası bir kapsulda 200 mkq təşkil edir. 200 mkq -dan aşağı dozanın istifadəsinə ehtiyac olduqda Budekton preparatının istifadəsi məsləhət görülmür. Böyüklər Astmanın yüngül forması olan pasiyentlərdə müalicəni minimal effektiv doza ilə- 200 mkq gündə bir dəfə başlamaq olar.
Tövsiyə olunan gündəlik doza adətən gündə 200 -1600 mkq təşkil edir, iki qəbula bölünür. Dəstəkləyici doza astmanın effektiv kontrolu üçün tələb olunan minimal dozaya qədər korreksiya olunmalıdır. Xüsusi qruplar 6 yaşdan yuxarı uşaqlar 6 yaşa qədər uşaqlarda preparatın istifadəsinə dair klinik təcrübə olmadığı üçün bu yaş qrupunda preparatın istifadəsi əks göstəriş hesab olunur. Yüngül formada astmalı 6 yaşdan yuxarı uşaqların müalicəsinə 200 mkq doza ilə gündə bir dəfə başlamaq lazımdır.
Tövsiyə olunan gündəlik doza adətən gündə 200 -400 mkq, iki dəfə qəbula bölünməklə təşkil edir. Ağır astma zamanı gündə 800 mkq -a qədər doza tələ b oluna bilər, bir neçə qəbula bölünməklə. Dəstəkləyici doza astmanın effektiv kontrolu üçün tələb olunan minimal dozaya qədər korreksiya olunmalıdır. Peroral qlükokortikosteroidlər qəbul edən pasiyentlər Budekton preparatının istifadəsi astma kontrolu saxlanılmaqla daxilə qəbul edilən qlükokortikosteroidləri əvəz edə bilər və ya onların dozasını azalda bilər.
Daxilə qəbul edilən qlükokortikosteroidlər ilə terapiyadan Budekton preparatının istifadəsinə keçid zamanı pasiyent stabilləşmiş vəziyyətdə olmalıdır. Budesonidin yüksək dozasını əvvəllər təxminən 10 gün istifadə edilən peroral steroidlər ilə kombinasiyada qəbul etmək lazımdır. Nəticədə peroral doza tədricən mümkün olan minimal səviyyəyə qədər azaldılmalıdır (məsələn, hər ay prednizolonun dozasını 2,5 mq və ya digər preparatın dozasını ekvi valent ölçüdə azaltmaqla). Bir çox hallarda peroral steroidlərin istifadəsini Budekton preparatının qəbulu ilə tamamən əvəz etmək olar.
Böyrək çatışmazlığı olan pasiyentlər Böyrək çatışmazlığı olan pasiyentlərdə doza korreksiyasının tələb olunduğunu təsdiq edən məlumatlar yoxdur. Daxilə qəbul edilən budesonidin farmakokinetik məlumatlarına əsasən, belə pasiyentlərdə preparatın sistem təsirinin klinik dəyərli səviyyədə dəyişə bilməsi az ehtimal olunur. Qaraciyər çatışmazlığı olan pasiyentlər Qaraciyər çatışmazlığı olan pasiyentlərdə doza korreksiyasının tələb olunduğunu təsdiq edən məlumatlar yoxdur. Lakin budesonid əsasən qaraciyərdə metabolizə olunduğu üçün ağır qaraciyər çatışmazlığı olan pasiyentlərdə preparatın istifadəsi zamanı ehtiyatlı olmaq lazımdır.
Daxilə qəbul edilən budesonidin farmakokinetik məlumatlarına əsasən, qaraciyər funksiyasının yüngül və ya orta pozulmaları olan pasiyentlərdə dərman vasitəsinin təsirinin klinik dəyərli dəyişilməsi çox guman ki müşahidə olunmayacaqdır. Yaşlı pasiyentlər (65 yaşdan yuxarı) 65 yaşdan yuxarı pasiyentlərə daha cavan yaşlı pasiyentlərdə istifadə olunduğundan fərqli dozanın tələb olunduğunu sübut edən hər-hansı dəlillər yoxdur. İstifadə qaydası Pasiyent bir inhalyasiya cihazından digərinə keçdiyi zaman doza fərdi şəkildə korreksiya olunmalıdır. Budekton inhalyasion istifadə üçün nəzərdə tutulmuşdur.
Preparatı daxilə qəbul etmək olmaz. Preparat içində inhalyasiya üçün toz olan kapsul şəklində təqdim olunur, onu qablaşdırma dəstinə daxil olan yalnız xüsusi cihazın yardımı ilə istifadə etmək lazımdı r. Kapsulun dağılması səbəbindən örtüyün kiçik hissələri inhalyasiya nəticəsində ağıza və ya boğaza düşə bilər. Belə vəziyyəti minimuma endirmək üçün kapsulu 1 dəfədən çox deşmək olmaz.
Kapsulu blister qablaşdırmadan istifadəsindən bilavasitə əvvəl çıxartmaq lazımdır. İnhalyasiyanın aparılma qaydası Uşaqlarda və yeniyetmələrdə Budektonun inhalyasiyası böyüklərin müşahidəsi altında aparılmalıdır. Əmin olmaq lazımdır ki, uşaq inhalyasiya texnikasını düzgün icra edir. Budesonid inhalyasiyasından sonra ağız boşluğunun su ilə yaxalanması ağız və udlaq seli kli qişasının qıcıqlanmasının qarşısını ala bilər, həmçinin sistem əlavə təsirlərin inkişaf etməsi riskini azalda bilər.
İnhalyasiya üçün cihazın istifadəsi üzrə təlimat 1. İnhalyasiya üçün cihazın qapağını çıxardın. 2. İnhalyasiya üçün cihazı əsasından möhkəm tutun və müştüyü ox istiqamətində çevirin.
3. İnhalyasiya üçün cihazın əsasında yerləşən yuvacığa (o kapsul formasında olur) kapsulu yerləşdirin. Yadda saxlamaq lazımdır ki, kapsulu blister qablaşdırmadan inhalyasiyasın aparılmasından bilavasitə əvvəl çıxartmaq lazımdır. 4.
Müştüyü çevirməklə inhalyasiya üçün cihazı bağlayın. 5. Cihazı dəqiq şaquli vəziyyətdə saxlayaraq, yan tərəflərdə olan qırmızı düymələrə axıra qədər bir dəfə basın. Sonra onları buraxın.
Bu mərhələdə kapsul deşilən zaman o dağıla bilər ki, bunun nəticəsində örtüyün kiçik hissəcikləri ağıza və ya boğaza düşə bilər. Kapsulun tam dağılmaması üçün aşağıdakı tələbləri yerinə yetirmək lazımdır: kapsulu bir dəfədən artıq deşmək olmaz; saxlanma qaydalarına riayət etmək; kapsulu blisterdən yalnız inhalyasiyadan bilavasitə əvvəl çıxartmaq lazımdır. 6. Tam nəfəs alın.
7. Müştüyü ağıza alıb başınızı azca arxaya atın. Müştüyü dodaqlarınızla sıx şəkildə tutaraq sürətlə, bərabər şəkildə, maksimal dərindən nəfəs alın. Bu zaman pasiyent kapsulun dövr etməsi və tozun püskürdülməsi zamanı yaranan xarakter səsi eşitməlidir.
Əgər xarakter səs olmadısa, o zaman inhalyasiya üçün cihazı açıb kapsulla nə baş verdiyinə baxmaq lazımdır. Ola bilər ki, o yuvacıqda ilişib qalsın. Bu halda kapsulu səliqəli şəkildə çıxartmaq lazımdır. Heç bir halda kapsulu yan düymələrə təkrar-təkrar basmaqla azad etməyə çalışmayın.
8. Əgər nəfəsə alınan zaman xarakter səs eşidilirsə, nəfəsi mümkün qədər çox saxlamaq lazımdır. Eyni vaxtda ağızdan müştüyü çıxardın. Sonra isə nəfəsi verin.
Cihazı açın və baxın kaspulda toz qalıb ya yox. Əgər kapsulda toz qalıbsa, o zaman 6-8 bəndlərində təsvir olunan hərəkətləri təkrar edin. 9. İnhalyasiya proseduru qurtardıqdan sonra cihazı açın, boş kapsulu çıxardın, müştüyü bağlayın və cihazın qapağını bağlayın.
Toz qalıqlarını kənarlaşdırmaq üçün müştüyü və yuvacığı quru parça ilə silmək lazımdır. Yumşaq fırçadan da istifadə etmək olar.
AZ − AZN
