Bitib
Stokda olanda mənə xəbər verin.Təsiredici maddə: 1 tabletin tərkibində 45,76 mq lozartana ekvivalent 50 mq kalium lozartan, 12,5 mq hidroxlortiazid vardır.
Ko Losar-Denk 50/12,5 preparatı qan təzyiqi tək halda lozartan və ya hidroxlortiazidlə adekvat şəkildə idarə oluna bilməyən pasiyentlərdə arterial hipertenziyanın müalicəsi üçün göstərişdir.
• Təsiredici maddələrə, sulfanilamid törəmələrinə (hidroxlorotiazid kimi) və ya • “Köməkçi maddələr” bölməsində sadalanan köməkçi maddələrdən hər hansı birinə yüksək həssaslıq, • müalicəyə davamlı hipokaliemiya və ya hiperkalsiemiya, • ağır qaraciyər çatışmazlığı, xolestaz və öd yollarının obstruktiv pozğunluqları, • refrakter hiponatriemiya, • simptomatik hiperurikemiya/podaqra, • hamiləliyin 2-ci və 3-cü trimestrləri (“Xüsusi göstərişlər və ehtiyat tədbirləri” və “Hamiləlik və laktasiya dövründə istifadəsi” bölmələrinə bax), • ağır böyrək çatışmazlığı (kreatinin klirensi < 30 ml/dəq), • anuriya, • lozartan/HXT kombinasiyasının aliskiren tərkibli məhsullarla eyni vaxtda istifadəsi əks göstərişdir. • şəkərli diabet və ya böyrək çatışmazlığı olan pasiyentlər (YFS < 60 ml/dəq/1,73 m2) (“Digər dərman vasitələri ilə qarşılıqlı təsiri” bölməsinə bax)
Hamiləlik Angiotenzin II reseptor antaqonistləri (AIIRA-ləri) Hamiləliyin ilk trimestrində AIIRA-nın istifadəsi tövsiyə edilmir (“Xüsusi göstərişlər və ehtiyat tədbirləri” bölməsinə bax). AIIRA-nın istifadəsi hamiləliyin 2-ci və 3-cü trimestrləri zamanı əks göstərişdir (“Əks göstərişlər” və“Xüsusi göstərişlər və ehtiyat tədbirləri” bölmələrinə bax). Hamiləliyin ilk trimestrində AÇF inhibitorlarının istifadəsi ilə əlaqəli teratogen risklə bağlı epidemioloji məlumatlar qəti deyil. Ancaq riskdə cüzi artım istisna oluna bilməz.
Angiotenzin II reseptor antaqonistlərinin riski ilə bağlı nəzarət edilən epidemioloji məlumatlar olmadığı müddətcə, bu sinif dərman vasitələri üçün oxşar riskləri istisna etmək olmaz. Hamiləlik planlaşdıran pasiyentlərdə müalicə, hamiləlik zamanı istifadə üçün müəyyən edilmiş təhlükəsizlik profilinə malik olan alternativ antihipertenziv dərman vasitələri ilə dəyişdirilməlidir. Hamiləlik müəyyənləşdirilərsə, lozartanın qəbulu dərhal dayandırılmalı və göstəriş olarsa, alternativ müalicəyə başlanılmalıdır. İkinci və üçüncü trimestrlərdə lozartanın təsirinə məruz qalmaq, insanda fetotoksiklik (böyrək funksiyasının zəifləməsi, oliqohidramnioz, kəllə sümükləşməsinin ləngiməsi) və neonatal toksiklik (böyrək çatışmazlığı, hipotenziya, hiperkaliemiya) yaratdığı məlumdur.
Əgər pasiyent hamiləliyin son 6 ayı ərzində lozartanın təsirinə məruz qalmışsa, böyrək funksiyasının və kəllə sümüyünün ultrasəs müayinəsi tövsiyə olunur. Anaları hamiləlik dövründə lozartan qəbul etmiş yenidoğulmuşlar hipotenziyaya görə diqqətlə izlənilməlidir (“Əks göstərişlər” və“Xüsusi göstərişlər və ehtiyat tədbirləri” bölmələrinə bax). Hidroxlortiazid Hamiləlik dövründə, xüsusən də birinci trimestrdə hidroxlortiazidin istifadəsi ilə bağlı yalnız məhdud təcrübə var. Heyvanlar üzərində aparılan tədqiqatların nəticələri kifayət deyil.
Hidroxlortiazid plasentadan keçir. Hidroxlortiazidin farmakoloji təsirinə görə, onun ikinci və üçüncü trimestrdə istifadəsi fetal plasentar perfuziyanı poza bilər və fetal və neonatal təsirlərə səbəb ola bilər, məsələn, sarılıq, elektrolit balansının pozulması və trombositopeniya. Hidroxlortiazid xəstəliyin gedişatına müsbət təsir göstərmədən, plazma həcminin azalması və plasentar hipoperfuziya riski səbəbindən hamiləlik ödemi, hamiləlik hipertenziyası və ya preeklampsiyası olduqda istifadə edilməməlidir. Hidroxlorotiazid hipertenziyalı hamilə qadınlarda yalnız başqa müalicənin tətbiqinin mümkün olmadığı nadir hallarda istifadə edilməlidir.
Laktasiya dövrü Angiotenzin II reseptor antaqonistləri (AIIRA-ləri) Lozartan və hidroxlortiazidin kombinasiyasının laktasiya dövründə istifadəsinə dair məlumat olmadığı üçün bu kombinasiyasının istifadəsi tövsiyə edilmir və ana südü ilə qidalandırma zamanı təhlükəsizlik profilləri xüsusilə körpələri və ya vaxtından əvvəl doğulmuş körpələri əmizdirərkən istifadə olunan müəyyən edilmiş digər müalicə alternativlərinə üstünlük verilməlidir. Hidroxlorotiazid Hidroxlortiazid az miqdarda insan südünə keçir. Güclü diurezə səbəb olan yüksək dozada tiazidlər süd sintezini inhibə edə bilər. Laktasiya zamanı lozartan/hidroxlortiazid kombinasiyasının istifadəsi tövsiyə edilmir.
Əgər laktasiya dövründə lozartan/hidroxlortiazid kombinasiyası istifadə edilərsə, dozalar mümkün qədər aşağı olmalıdır.
Nəqliyyat vasitələrini və digər potensial təhlükəli mexanizmləri idarə etmək qabiliyyətinə təsiri ilə bağlı heç bir tədqiqat aparılmamışdır. Bununla belə, nəqliyyat vasitəsini və ya digər potensial təhlükəli mexanizmləri idarə edərkən bəzən antihipertenziv dərman vasitələrini qəbul etdikdə, xüsusən müalicənin başlanğıcında və ya dozanın artırılması zamanı baş verə bilən başgicəllənmə və ya yorğunluq nəzərə alınmalıdır.
Hipertenziya Lozartan/HXT kombinasiyasının ilkin müalicə kimi istifadəsi uyğun deyil, yalnız kalium lozartan və ya hidroxlortiazidlə qan təzyiqi adekvat şəkildə idarə olunmayan pasiyentlərin müalicəsi üçün göstərişdir. Fərdi komponentlərlə (lozartan və hidroxlortiazid) dozanın titrlənməsi tövsiyə olunur. Klinik cəhətdən məqsədəuyğun olduqda, qan təzyiqi adekvat şəkildə idarə olunmayan pasiyentlərdə monoterapiyadan sabit kombinasiyaya birbaşa dəyişiklik nəzərdə tutula bilər. Adi müalicəvi doza gündə bir dəfə bir Ko Losar-Denk 50/12,5 (50 mq kalium lozartan və 12,5 mq HXT) tabletidir.
Müalicəyə adekvat cavab verməyən pasiyentlər üçün bu doza gündə bir dəfə 2 Ko Losar Denk 50/12,5 (100 mq lozartan kalium və 25 mq HXT) tabletinə qədər artırıla bilər. Maksimum doza gündə bir dəfə 2 Ko Losar-Denk 50/12,5 tabletidir. Ümumiyyətlə, qan təzyiqini azaldıcı təsiri müalicənin başlanmasından sonra üç-dörd həftə ərzində əldə edilir. Böyrək çatışmazlığı olan pasiyentlərdə və hemodializ pasiyentlərində istifadəsi Orta dərəcədə böyrək çatışmazlığı olan pasiyentlərdə (məsələn, kreatinin klirensi 30-50 ml/dəq) ilkin dozanın tənzimlənməsinə ehtiyac yoxdur.
Lozartan/HXT kombinasiyası hemodializ qəbul edən pasiyentlərə tövsiyə edilmir. Lozartan/HXT kombinasiyası ağır böyrək çatışmazlığı olan pasiyentlərdə (məsələn, kreatinin klirensi < 30 ml/dəq) istifadə edilməməlidir (“Əks göstərişlər” bölməsinə bax). Damardaxili həcmin azalması olan pasiyentlərdə istifadəsi Lozartan/HXT kombinasiyasının istifadə etməzdən əvvəl həcm azalması və/və ya natrium itkisi korreksiya edilməlidir. Qaraciyər çatışmazlığı olan pasiyentlərdə istifadəsi Ağır qaraciyər çatışmazlığı olan pasiyentlərdə lozartan/HXT kombinasiyasının istifadəsi əks göstərişdir (“Əks göstərişlər” bölməsinə bax).
Yaşlı pasiyentlərdə istifadəsi Yaşlı pasiyentlər üçün dozanın tənzimlənməsi, ümumiyyətlə, tələb olunmur. Pediatrik populyasiya Uşaqlarda və yeniyetmələrdə (18 yaşdan kiçik) istifadə Uşaqlarda və yeniyetmələrdə istifadəsinə dair təcrübə yoxdur. Buna görə də, lozartan/HXT kombinasiyası uşaqlara və ya yeniyetmələrə təyin edilməməlidir. İstifadə qaydası Bu dərman vasitəsi digər antihipertenziv dərman vasitələri ilə birlikdə istifadə oluna bilər (“Əks göstərişlər”, “Xüsusi göstərişlər və ehtiyat tədbirləri” və “Digər dərman vasitələri ilə qarşılıqlı təsirləri” bölmələrinə bax).
Tabletlər bir stəkan su ilə udulmalıdır. Tabletlər qida qəbulundan asılı olmayaraq qəbul edilə bilər.
AZ − AZN
