Diovan 80 mq N14 tablet

DİOVAN, örtüklü tabletlər

Diovan tərkibi

Təsiredici maddə:   1 tabletin tərkibində 80 mq və ya 160 mq valsartan vardır; Köməkçi maddələr: mikrokristallik sellüloza, krospovidon, kolloidal silisium dioksid,  maqnezium  stearat.  Örtük: hipromelloza, titan dioksid (Е 171), makroqol 8000, qırmızı dəmir oksidi (Е  172), sarı dəmir oksidi (Е 172), qara dəmir oksidi  (Е 172 ) ( yalnız)160 mq-lıq  tabletlər üçün).

İstifadəsinə göstərişlər:

 Аrterial hipertenziya  Ürək çatışmazlığı Nyu-York Ürək Assosiasiyası  (NYHA) təsnifatına görə II-IV sinif ürək çatışmazlığının müalicəsi Postinfarkt vəziyyət Sol mədəcik çatışmazlığı və/və ya sol mədəciyin sistolik disfunksiya əlamətləri, simptomları və rentgenoloji nəticələri olan klinik stabil xəstələrdə miokard infarktından sonra.  Ürək-damar riski zamanı qlükozaya qarşı pozulmuş tolerantlıqla və hipertenziya ilə böyük xəstələr Ürək-damar pozğunluqları riski olan, qlükozaya qarşı pozulmuş tolerantlıq və arterial hipertenziyası olan böyük xəstələrdə, 2-ci tip diabetə qədər proqressivləşmənin dayandırılması üçün həyat tərzinin dəyişdirilməsinə əlavə olaraq. 

Əks göstərişlər:

 • Valsartana və ya köməkçi maddələrdən hər hansı birinə qarşı yüksək həssaslıq. • Hamiləlik və laktasiya dövrü. • Uşaqlar. • II tip şəkərli diabeti olan xəstələrdə angiotenzin reseptorlarının blokatorlarının, o cümlədən, Diovan®-ın və ya angiotenzinçevirici fermentin (AÇF) inhibitorlarının aliskirenlə eyni zamanda istifadəsi.

Hamiləlik və laktasiya dövründə istifadəsi:

  Hamiləlik “Renin-angiotenzin-aldosteron” sisteminə (RAAS) bilavasitə təsir göstərən digər preparatlar kimi Diovan® hamiləlik zamanı istifadə olunmamalıdır. Angiotenzin II antaqonistlərinin təsir mexanizmini nəzərə alaraq dölə qarşı risk istisna olunmur. Hamiləliyin II və III trimestrində angiotenzinçevirici fermentin (AÇF) inhibitorlarının istifadəsi zamanı inkişaf edən dölün zədələnməsi və ölümü haqqında qeydlər olmuşdur. Bundan əlavə retrospektiv məlumatlarda AÇF inhibitorlarının I trimestrdə istifadəsi anadangəlmə defektlərin potensial riski ilə bağlı olmuşdur. Valsartanı təsadüfi qəbul edən hamilələrdə spontan abort, dölyanı mayenin azalması və yenidoğulmuşlarda böyrək funksiyasının pozulması barədə məlumatlar olub. Əgər preparatla müalicə zamanı hamiləlik aşkar olunarsa, Diovan® preparatının qəbulu dərhal dayandırılır. Kliniki nəticələr Xəstəlik əlaqəli ana və/və ya embrion/döl riski Hamiləlik zamanı müşahidə olunan hipertoniya, analarda pre-eklampsiya, hamiləlik zamanı diabet, vaxtından əvvəl doğum və doğum əlaqəli fəsadların (məs., keysəriyyə əməliyyatına zəruriyyət və post-partum qanaxma) riskini artıra bilər. Hipertoniya bətndaxili inkişaf məhdudluğu və bətndaxili ölüm riskini artırır. Döl/neonatal risk Hamiləliyin ikinci və üçüncü üçaylığında renin-angiotenzin sisteminə təsir edən dərman vasitələrini qəbul edən hamilə qadınlarda oliqohidramnionlar aşağıdakılarla nəticələnə bilər: anuriya və böyrək çatışmazlığı ilə nəticələnən dölün böyrək funksiyasının azalması, döldə ağciyər hipoplaziyası, skelet deformasiyaları, həmçinin kəllə hipoplaziyası, hipotenziya və ölüm.  ARB ilə təsadüfi ekspozisiya olduqda, dölün müvafiq monitorinqi həyata keçirilməlidir. Anaları ARB ilə müalicə alan körpələr hipotenziv əlamətlərə görə müşahidə olunmalıdırlar. Laktasiya dövrü Valsartanın ana südünə keçməsi barədə məlumat yoxdur. Valsartan siçovullarda südə keçdiyinə görə, süd verən analara preparatdan istifadə tövsiyə edilmir.  Reproduktiv potensialı olan qadınlar və kişilər Renin-angiotenzin-aldosteron sisteminə (RAAS) birbaşa təsir göstərən istənilən digər preparat kimi, Diovan® hamiləlik planlaşdıran qadınlara təyin olunmamalıdır. RAAS-a təsir göstərən istənilən dərman vasitəsinin təyini zamanı reproduktiv yaşda olan qadınları xəbərdar etmək lazımdır ki, bu preparatlar hamiləlik dövründə potensial təhlükə mənbəyidir. Fertillik İnsanlarda Diovan® preparatının fertilliyə təsiri barədə məlumat yoxdur. Siçovullar üzərində aparılan tədqiqatlar zamanı valsartanın fertilliyə təsiri müşahidə edilməmişdir. 

Diovan istifadə qaydası, dozası

 Аrterial hipertenziya Etnik qrupdan, yaşdan və ya genderdən asılı olmayaraq, Diovan®ın tövsiyə olunan başlanğıc dozası gündə 80 və ya 160 mq doza təşkil edir. Antihipertenziv təsir 2 həftə ərzində, maksimal təsir isə, 4 həftədən sonra əldə olunur. Arterial təzyiqinə adekvat nəzarət olunmayan bəzi xəstələrdə doza 320 mq maksimal dozaya qədər yüksəldilə və ya əlavə olaraq diuretiklər təyin oluna bilər.  Diovan® həmçinin digər antihipertenziv dərman vasitələri ilə birlikdə istifadə oluna bilər.  Ürək çatışmazlığı Diovanın tövsiyə olunan başlanğıc dozası gündə 2 dəfə 40 mq təşkil edir. Dozanın gündə 2 dəfə 80 mq və 160 mq-a qədər artırılması pasiyentin qəbul edə biləcəyi (dözümlülük) ən yüksək dozaya müvafiq olaraq həyata keçirilməlidir. Yanaşı istifadə olunan diuretiklərin dozasının azaldılması nəzərə alınmalıdır. Klinik tədqiqatlarda istifadə olunan maksimal gündəlik doza 320 mq (bir neçə qəbula bölünməklə) təşkil etmişdir.  Ürək çatışmazlığı olan pasiyentlərdə böyrək funksiyalarının monitorinqi aparılmalıdır. Postinfarkt vəziyyət Müalicə miokard infarktından 12 saat sonra başlanıla bilər. Valsartanın gündə 2 dəfə 20 mq başlanğıc dozasından sonra dozanı sonrakı bir neçə həftə ərzində 40 mq-a, 80 mq-a və 160 mq-a qədər artırmaq lazımdır. Маksimal hədəf doza gündə 2 dəfə 160 mq təşkil edir. Ümumilikdə, xəstələrin müalicəyə başladıqdan sonra 2 həftə ərzində gündə 2 dəfə 80 mq doza almaları və maksimal hədəf dozanın, xəstənin dözümlülüyünə əsasən 3 ay müddətində əldə edilməsi tövsiyə edilir. Əgər simptomatik arterial hipotenziya və ya böyrək disfunksiyası baş verərsə, dozanın azaldılması nəzərə alınmalıdır.  Valsartan miokard infarktından sonra digər preparatlarla, məsələn, trombolitiklərlə, asetilsalisil turşusu ilə, β-blokatorlarla, statinlərlə və diuretiklərlə müalicə olunan xəstələrdə istifadə oluna bilər.  Miokard infarktı keçirmiş xəstələrdin müayinəsi zamanı, böyrək funksiyalarının da monitorinqini keçirmək lazımdır.  Qlükozaya qarşı pozulmuş tolerantlıqla ürək-damar riski olan hipertenziyalı böyük xəstələr  Diovan preparatının tövsiyə edilən başlanğıc dozası gündə 1 dəfə 80 və ya 160 mq təşkil edir. Müalicəni 80 mq doza ilə  başlayan xəstələr üçün dozanın gündə 1 dəfə 160 mq-a qədər titrlənməsi xəstənin preparata qarşı dözümlülüyündən asılı olaraq aparılır. Əgər hipertenziyaya nəzarəti əldə etmək mümkün olmursa, müalicə Hipertenziya bölməsində göstərilən kimi aparılır.  Bütün göstərişlərə dair qeyd: Böyrək funksiyasının pozulması ilə xəstələrə və ya xolestazsız və qeyribiliar mənşəli qaraciyər çatışmazlığı ilə xəstələrə preparatın dozasının korreksiyası tələb olunmur. İstifadə qaydası: Diovan® qida qəbulundan asılı olmayaraq qəbul oluna bilər. Tabletlər daxilə su ilə qəbul edilir.