Bitib
Stokda olanda mənə xəbər verin.Təsiredici maddə: 1 tabletin tərkibində 0,5 mq kaberqolin vardır. Köməkçi maddələr: susuz laktoza, leysin.
İstifadəsinə göstərişlər:
Doğuşdan sonra fizioloji laktasiyanın qarşısının alınması; Artıq başlanmış laktasiyanın zəiflədilməsi; Amenoreya, oliqomenoreya, anovulyasiya, qalaktoreya daxil olmaqla hiperprolaktinemiya ilə əlaqəli pozulmaların müalicəsi; Hipofizin prolaktin-sekresiyaedici adenomaları (mikro- və makroprolaktinomalar); idiopatik hiperprolaktinemiya; hiperprolaktinemiya ilə əlaqəli “boş” türk yəhəri sindromu.
Əks göstərişlər:
Kaberqolinə və/və ya preparatın digər komponentlərinə qarşı, həmçinin çovdar mahmızının alkoloidlərinə qarşı yüksək həssaslıq; Əvvəllər pulmonar (ağciyərlər ətrafı), perikardial (ürək ətrafı) və retroperitoneal (periton arxası) fibroz pozulmaların olması; Uzunmüddətli müalicədə: müalicədən əvvəl aparılmış exokardioqrammadan (ExoKQ) göründüyü kimi ürək qapaqlarının zədələnməsinin anatomik dəlilləri (məs., qapaq tayının qalınlaşması, qapaq funksiyasının məhdudlaşması və qapaq funksiyasının qarışıq məhdudlaşması – stenozu); antipsixotik preparatlarla eyni vaxtda istifadəsi; anamnezdə doğuşdan sonra keçirilmiş psixoz; 16 yaşa qədər uşaqlarda və yeniyetmələrdə (preparatın təhlükəsizliyi və effektivliyi müəyyən olunmayıb); Laktoza dözümsüzlüyü, laktaza çatışmazlığı, qlükoza-qalaktoza malabsorbsiyası; Hamiləlik və laktasiya dövrü (kaberqolinin effektlivliyi və təhlükəsizliyinə dair klinik məlumat az olduğu üçün).
Hamiləlik və laktasiya dövründə istifadəsi:
Hamilə qadınlarda kaberqolinin istifadəsi ilə yetərli və nəzarətli tədqiqatlar keçirilməyib. Heyvanlar üzərində aparılmış tədqiqatlar kaberqolinin teratogenlik təsirini göstərməyib, lakin azalmış fertillik və embrionun toksikliyi halları müşahidə olunub. Kaberqolinlə müalicədən sonra hamiləlik nəticələri üzərində 12 illik müşahidəli tədqiqatlar göstərdi ki, 6,6%-i (256 hamiləlikdən 17-si) ciddi anadangəlmə inkişaf qüsurları və ya abortlar ilə nəticələnib (ən çox yayılmış anomaliyalar dayaq-hərəkət aparatının və ürək-ağciyər sisteminin inkişaf qüsurları idi). Hamiləlik zamanı kaberqolin qəbul etmiş anaların körpələrində perinatal pozulmalara və ya uzunmüddətli inkişafa dair məlumat yoxdur. Ona görə də, kaberqolin hamiləlik zamanı, yalnız artıq dərəcədə ehtiyac olduqda və ana və döl üçün fayda/risk nisbətini diqqətlə qiymətləndirdikdən sonra təyin edilə bilər. Preparatın uzun yarımxaricolma dövrünün olmasını və dölə qarşı təsiri barədə məlumatların az olduğunu nəzərə alaraq hamilə qalmaq planlaşdıran qadınlar hamiləlikdən bir ay qabaq kaberqolinin istifadəsini dayandırmalıdırlar. Kaberqolinlə müalicə zamanı hamiləlik baş verərsə, hamiləlik təsdiq edildikdən sonra müalicə dayandırılmalıdır. Kaberqolin laktasiya dövründə olan siçovullarda süd ilə xaric olunmuşdur. kifayət İnsanlarda kaberqolinin ana südü ilə xaric olunması haqda məlumat yoxdur. Lakin laktasiya kaberqolin ilə qədər azaldılmadığı/aradan qaldırılmadığı halda ana südü ilə qidalandırma dayandırılmalıdır. Kaberqolin laktasiyanın qarşısını aldığı üçün ana südü ilə qidalandırmanı planlaşdıran hiperprolaktinemiyalı pasiyentlərdə onun istifadəsi əks göstərişdir.
Daxilə, yemək zamanı. Laktasiyanın ləngidilməsi: birdəfəlik 1 mq (0,5 mq-lıq iki ədəd tablet), doğuşdan sonra ilk gün (doğuşdan sonra ilk yemək zamanı qəbul olunmasına üstünlük verilir). Başlanmış laktasiyanın qarşısının alınması: 0,25 mq (1/2 tablet) sutkada 2 dəfə hər 12 saatdan bir 2 gün ərzində (ümumi doza 1 mq-a bərabərdir). Qadınlarda ortostatik hipotenziyanın riskini aşağı salmaq üçün kaberqolinin birdəfəlik dozası 0,25 mq-dan yüksək olmamalıdır. Hiperprolaktinemiya ilə bağlı pozulmaların müalicəsi: tövsiyə olunan başlanğıc doza həftədə 0,5 mq təşkil edib birdəfəlik (0,5 mq-lıq bir ədəd tablet) və ya iki dəfəyə (0,5 mq-lıq 1/2 tablet, məsələn birinci və dördüncü gün) qəbul edilə bilər. Həftəlik dozanın artırılması tədricən aparılmalıdır – hər həftə 0,5 mq artırmaqla 1 aylıq fasilə ilə optimal terapevtik effektin alınmasına qədər. Terapevtik doza adətən həftədə 1 mq təşkil edir və 0,25-2 mq arasında dəyişir. Hiperprolaktinemiya ilə pasiyentlərdə maksimal doza həftədə 4,5 mq-dan artıq olmamalıdır. Pasiyentlərin dözümlülüyündən asılı olaraq həftəlik dozanı birdəfəlik və ya bölərək həftədə 2 dəfə və daha çox olmaqla qəbul etmək olar. Həftəlik dozanın bir neçə qəbula bölünməsi preparatın 1 mq-dan çox olduğu zaman tövsiyə edilir. Dofaminergik preparatlara qarşı yüksək həssaslığı olan pasiyentlərdə əlavə təsirlərin əmələ gəlməsinin azalması mümkündür, bunun üçün kaberqolinlə terapiya kiçik doza ilə başlanılır (məsələn, 0,25 mq həftədə 1 dəfə), sonra isə terapevtik dozaya qədər tədricən artırılır. Kəskin əlavə təsirlər əmələ gəldikdə preparata dözümlülüyü gücləndirmək üçün dozanın müvəqqəti azaldılması mümkündür, sonra isə doza tədricən artırılır (məsələn, hər həftə və ya 2 həftədən bir 0,25 mq artım). Dozanı artıran zaman pasiyentlər kaberqolinin ən aşağı effektiv dozasını təyin etmək üçün müntəzəm müayinə olunmalıdırlar. Qan plazmasında prolaktin konsentrasiyasını ən azı ayda bir dəfə müəyyən etmək tövsiyə olunur, çünki o, adətən kaberqolinin effektiv dozasını seçdikdən sonra 2-4 həftə ərzində bərpa olunur. Dostineks preparatının qəbulunun dayandırılmasından sonra adətən hiperprolaktinemiyanın residivi müşahidə olunur. Bununla belə, bəzi qadın pasiyentlərdə bir neçə ay ərzində prolaktin konsentrasiyasının davamlı azalması müşahidə olunur. Əksər qadınlarda müalicə dayandırıldıqdan sonra ovulyasiya siklləri ən azı 6 ay davam edir. Xüsusi əhali qrupunda istifadəsi Uşaqlarda və yeniyetmələrdə 16 yaşa qədər uşaqlarda və yeniyetmələrdə kaberqolinin təhlükəsizliyi və effektivliyi müəyyən olunmayıb. Yaşlı pasiyentlərdə Kaberqolinin terapevtik göstərişlərini nəzərə alaraq yaşlı pasiyentlərdə istifadəsi çox məhduddur. Mövcud məlumatlar kaberqolinlə bağlı xüsusi bir risk göstərmir. Qaraciyər çatışmazlığı olan pasiyentlərdə Kəskin qaraciyər çatışmazlığı olan pasiyentlərdə kaberqolinin aşağı dozalarının istifadəsi nəzərdən keçirilməlidir (“Xüsusi göstərişlər və ehtiyat tədbirləri” bölməsinə bax.
AZ − AZN
