Bitib
Stokda olanda mənə xəbər verin.Təsiredici maddələr: 1 tabletin tərkibində 5 mq amlodipinə müvafiq 6,94 q amlodipin-bezilat və 80 mq valsartan və ya 5 mq amlodipinə müvafiq 6,94 mq amlodipin-bezilat və 160 mq valsartan və ya 10 mq amlodipinə müvafiq 13,87 mq amlodipin-bezilat
və 160 mq valsartan vardır;
Dərman vasitəsinin təsiredici maddələrinə və ya köməkçi maddələrindən hər hansı birinə qarşı yüksək həssaslıq;
Hamiləlik;
II tip şəkərli diabeti olan xəstələrdə angiotenzin reseptorlarının antaqonistlərinin, o cümlədən valsartanın və ya angiotenzinçevirici fermentin (AÇF) inhibitorlarının aliskirenlə eyni zamanda istifadəsi.
Hamiləlik
Renin-angiotenzin-aldosteron sisteminə (RAAS) bilavasitə təsir göstərən istənilən digər dərman vasitəsi kimi Eksforj preparatı hamiləlik dövründə istifadə edilməməlidir. Angiotenzin II reseptorlarının antaqonistlərinin təsir mexanizminə görə döl üçün risk istisna esilmir. İkinci və üçüncü trimestrlərdə AÇF inhibitorlarının in utero ekspozisiyası zamanı inkişaf edən dölün zədələnməsi və ya ölümü müşahidə edilmişdir. Əlavə olaraq, retrospektiv məlumatlarda, AÇF inhibitorlarının birinci üçaylıqda (trimestrdə) istifadəsi anadangəlmə qüsurlarla assosiasiya edilmişdir. Hamilə qadınlar səhvən valsartan qəbul etdikləri zaman spontan abort, oliqohidramnionlar və yeni doğulmuşlarda böyrək disfunksiyası haqqında qeydlər olmuşdur.
Amlodipinin hamilə qadınlarda istifadəsinə dair kifayət qədər klinik məlumat yoxdur. İnsanlarda tövsiyə olunan 10 mq maksimal dozadan 8 dəfə yüksək doza ilə heyvanlar üzərində aparılan tədqiqatlarda reproduktiv toksiklik müşahidə edilmişdir. İnsanlar üçün potensial riski məlum deyil. Əgər müalicə zamanı hamiləlik baş verərsə, Eksforj preparatı ilə müalicə dərhal dayandırılmalıdır.
Klinik nəticələr
Xəstəlik əlaqəli ana və/və ya embrion/döl riski
Hamiləlik zamanı müşahidə olunan hipertoniya, analarda pre-eklampsiya, hamiləlik zamanı diabet, vaxtından əvvəl doğum və doğum əlaqəli fəsadların (məs. Qeysəriyyə əməliyyatına zəruriyyət və post-partum qanaxma) riskini artıra bilər. Hipertoniya bətndaxili inkişaf məhdudluğu və bətndaxili ölüm riskini artırır.
Döl/neonatal risk
Hamiləliyin ikinci və üçüncü üçaylığında renin-angiotenzin sisteminə təsir edən dərman vasitələrini qəbul edən hamilə qadınlarda oliqohidramnionlar aşağıdakılarla nəticələnə bilər: anuriya və böyrək çatışmazlığı ilə nəticələnən dölün böyrək funksiyasının azalması, döldə ağciyər hipoplaziyası, skelet deformasiyaları, həmçinin kəllə hipoplaziyası, hipotenziya və ölüm. ARB ilə təsadüfi ekspozisiya olduqda, dölün müvafiq monitorinqi həyata keçirilməlidir. Anaları ARB ilə müalicə alan körpələr hipotenziv əlamətlərə görə müşahidə olunmalıdırlar.
Laktasiya dövrü
Valsartanın insanlarda ana südünə keçməsinə dair məlumat yoxdur. Amlodipinin insanlarda ana südünə keçməsi müşahidə edilmişdir. Körpələr tərəfindən alınan analardakı doza nisbəti maksimal 15% ilə 3-7%-in interkvartal nisbəti kimi hesablanmışdır. Amlodipinin körpələrə təsiri məlum deyil. Valsartan siçovullarda südə nüfuz etmişdir. Ona görə də Eksforj preparatının laktasiya dövründə istifadəsi tövsiyə edilmir.
Reproduktiv potensiala malik kişilər və qadınlar
Renin-angiotenzin-aldosteron sisteminə (RAAS) bilavasitə təsir göstərən istənilən digər dərman vasitəsi kimi Eksforj preparatı hamiləliyi planlaşdıran qadınlarda istifadə edilməməlidir. RAAS-a təsir göstərən istənilən preparatı təyin edən həkimlər reproduktiv yaşda olan qadınlara bu preparatların hamiləlik dövründə potensial riski barədə məlumat verməlidirlər.
Fertillik
İnsanlarda amlodipinin və ya valsartanın reproduktiv funksiyaya təsiri barədə məlumat yoxdur. Siçovullar üzərində aparılan tədqiqatlar amlodipin və ya valsartanın fertilliyə təsirini əks etdirməmişdir.
18 yaşa qədər uşaqların bu preparatla müalicəsinə dair tədqiqat işi aparılmamışdır. Ona görə də tam məlumat alınana qədər Eksforjdan uşaqların müalicəsi üçün istifadə edilməsi tövsiyə olunmur.
Arterial qan təzyiqi monoterapiya ilə adekvat nəzarət edilməyən xəstələr Eksforjla kombinə edilmiş müalicəyə keçirilə bilər. Tövsiyə edilən doza gündə bir tabletdir. Eksforj preparatını su ilə qəbul etmək məsləhət görülür. Hər ikisi – ampodipin və valsartan qida qəbulundan asılı olmayaraq qəbul edilə bilər.
Valsartanı və amlodipini ayrı-ayrı qəbul edən xəstələri tərkibində komponentlərin eyni dozaları olan Eksforj preparatının qəbuluna keçirmək olar.
Arterial təzyiqin lazımı səviyyəsini əldə etmək üçün bir neçə preparatların istifadəsi tələb olunan xəstələrə Eksforj preparatı birinci xətt müalicə kimi təyin oluna bilər. Essensial hipertenziyanın müalicəsi üçün Eksforj preparatı birinci xətt müalicə kimi təyin edildikdə preparatın istifadəsinin risk/fayda nisbətini qiymətləndirmək lazımdır.
Müalicəyə adətən gündə 1 dəfə 5 mq/80 mq doza ilə başlanılır. Bu doza 1-2 həftə sonra gündə bir dəfə qəbul edilən 10 mq/320 mq maksimal dozaya qədər artırıla bilər. Maksimal doza 10 mq/320 mq-dır.
Ayrı-ayrı qrup xəstələrdə dozalanması
Böyrək funksiyasının pozulması olan xəstələr
Yüngül və orta dərəcədə böyrək funksiyasının pozulması olan xəstələrdə Eksforjun dozasına düzəliş edilməsi tələb olunmur.
Qaraciyər funksiyasının pozulması olan xəstələr
Eksforju qaraciyər çatışmazlığı və ya öd yollarının obstruktiv xəstəlikləri olan xəstələrə təyin etdikdə ehtiyatlı olmaq lazımdır. Amlodipinin mümkün olan ən kiçik dozası ilə müalicəyə başlamaq tövsiyə olunur. Ekforjun tərkibində amlodipinin ən kiçik dozası 5 mq təşkil edir.
Uşaqlar (18 yaşa qədər)
Uşaqlarda istifadə zamanı təhlükəsizlik və effektivlik barədə məlumat az olduğu üçün Eksforjdan uşaqların müalicəsi üçün istifadə edilməsi tövsiyə olunmur.
Yaşlı xəstələr (65 və 65 yaşdan yuxarı )
Yaşlı (65 və 65 yaşdan yuxarı) və cavan xəstələrdə eyni dozalarda istifadə edildikdə preparatın hər iki komponenti eyni dərəcədə yaxşı mənimsəndiyindən, müalicəyə başladıqda dozaya düzəliş edilməsinə ehtiyac yoxdur. Amlodipinin mümkün olan ən kiçik dozası ilə müalicəyə başlamaq tövsiyə olunur. Ekforjun tərkibində amlodipinin ən kiçik dozası 5 mq təşkil edir.
AZ − AZN
