Bitib
Stokda olanda mənə xəbər verin.Təsiredici maddə: 1 tabletin tərkibində 10 mq, 25 mq empaqliflozin vardır.
Preparatın təsiredici maddəsinə və ya köməkçi maddələrindən hər hansı birinə qarşı yüksək
həssaslıq.
Hamiləlikdə
Hamilə qadınlarda empaqliflozin istifadəsi ilə bağlı məlumat yoxdur. Heyvanlar üzərində aparılan
tədqiqatlar empaqliflozin hamiləliyin son dövrlərində plasentanı çox məhdud dərəcədə keçdiyini,
lakin erkən embrionun inkişafı ilə bağlı birbaşa və ya dolayı zərərli təsirlərinin olmadığını göstərir. Bununla belə, heyvanlar üzərində aparılan tədqiqatlar postnatal inkişafa mənfi təsir göstərmişdir.
Ehtiyat tədbiri olaraq, hamiləlik dövründə EMPA-nın istifadəsindən qaçınmaq daha
məqsədəuyğundur.
Laktasiya
İnsanlarda empaqliflozinin südlə xaric olması ilə bağlı heç bir məlumat yoxdur. Heyvanlarla bağlı
mövcud olan toksikoloji məlumatlar empaqliflozinin südlə xaric olunduğunu göstərir.
Yenidoğulmuşlar/körpələr üçün riski istisna etmək olmaz. EMPA laktasiya dövründə istifadə
edilməməlidir.
Fertillik
EMPA-nın insanlarda fertilliyə təsiri ilə bağlı heç bir araşdırma aparılmamışdır. Heyvanlar üzərində aparılan tədqiqatlar fertilliyə birbaşa və ya dolayı zərərli təsirin olduğunu göstərmir.
İstifadə qaydası və dozası Pozologiya II tip şəkərli diabet Diabetin müalicəsi üçün monoterapiya və əlavə kombinə müalicə zamanı tövsiyə olunan başlanğıc doza gündə bir dəfə 10 mq empaqliflozindir. Gündə bir dəfə 10 mq empaqliflozin qəbul edən, eGFR ≥60 ml/dəq/1,73 m² olan və daha ciddi qlisemik nəzarətə ehtiyacı olan xəstələrdə doza gündə bir dəfə 25 mq-a qədər artırıla bilər. Maksimum gündəlik doza 25 mq təşkil edir.
Ürək çatışmazlığı
Ürək çatışmazlığının müalicəsi üçün tövsiyə olunan doza gündə bir dəfə 10 mq empaqliflozindir.
Bütün istifadə göstərişlərində
Empaqliflozin sulfonilur törəmələri və ya insulinlə birlikdə istifadə edildikdə hipoqlikemiya riskini azaltmaq məqsədilə sulfonilur törəmələrinin və ya insulinin dozasının azaldılması nəzərdə tutula bilər.
Bir doza buraxıldıqda, xəstə xatırlayan kimi preparatı qəbul etməlidir. Lakin eyni gündə ikiqat doza qəbul edilməməlidir.
Xüsusi xəstə qruplarında Böyrək çatışmazlığı II tip şəkərli diabetli xəstələrdə empaqliflozinin qlisemik effektivliyi böyrək funksiyasından asılıdır. Dozanın tənzimlənməsi üçün eGFR və ya kreatinin klirensi (KrKl) göstəricilərinə əsaslanmaq tövsiyə olunur.
Doza tənzimlənməsinə dair tövsiyələr
II tip şəkərli diabet zamanı eGFR və ya KrKl ≥60 ml/dəq/1,73 m² olduqda müalicəyə gündə bir dəfə 10 mq empaqliflozin ilə başlanılır. Əlavə qlisemik nəzarət tələb olunduqda doza gündə bir dəfə 25 mq-a qədər artırıla bilər.
eGFR və ya KrKl 45–<60 ml/dəq olduqda empaqliflozinlə müalicəyə başlanması tövsiyə edilmir. Artıq empaqliflozin qəbul edən xəstələrdə müalicə gündə bir dəfə 10 mq doza ilə davam etdirilməlidir.
eGFR və ya KrKl <45 ml/dəq olduqda empaqliflozin istifadəsi tövsiyə edilmir. Göstərici <20 ml/dəq olduqda preparatın istifadəsi qətiyyən məsləhət görülmür.
Ürək çatışmazlığı (II tip şəkərli diabet ilə və ya onsuz)
Ürək çatışmazlığı zamanı tövsiyə olunan gündəlik doza gündə bir dəfə 10 mq empaqliflozindir. Böyrək funksiyasının ciddi pozulması hallarında empaqliflozin istifadəsi tövsiyə edilmir.
Təsir mexanizminə görə empaqliflozinin qlikemik effektivliyi böyrək funksiyasından asılıdır. eQFS ≥60 ml/dəq/1,73 m2 və ya KrKl ≥60 ml/dəq olan xəstələr üçün dozanın tənzimlənməsi tələb olunmur. II tip şəkərli diabet müalicəsi zamanı eQFS <60 ml/dəq/1,73 m2 və ya KrKl <60 ml/dəq olan xəstələrə empaqliflozin təyin edilməməlidir. eQFS davamlı olaraq 60 ml/dəq/1,73 m2 və ya KrKl 60 ml/dəqdən aşağı olan empaqliflozinə tolerantlıq göstərən xəstələrdə empaqliflozinin dozası gündə bir dəfə 10 mq-a tənzimlənməlidir və ya saxlanılmalıdır. eQFS davamlı olaraq 45 ml/dəq/1,73 m2 və ya KrKl davamlı olaraq 45 ml/dəq-dən aşağı olduqda empaqliflozin qəbulu dayandırılmalıdır. II tip şəkərli diabeti olan və ya olmayan xəstələrdə ürək çatışmazlığının müalicəsi üçün eQFS 20 ml/dəq/1,73 m2 və ya KrKl 20 ml/dəq olana qədər 10 mq dozada empaqliflozinə başlana və ya davam etdirilə bilər.
Empaqliflozin son mərhələ böyrək çatışmazlığı olan xəstələrdə və ya dializ xəstələrində istifadə
edilməməlidir. Bu xəstələrdə preparatın istifadəsini təsdiqləyən kifayət qədər məlumat yoxdur.
Qaraciyər çatışmazlığı
Qaraciyər çatışmazlığı olan xəstələrdə dozanın tənzimlənməsi tələb olunmur. Ağır qaraciyər
çatışmazlığı olan xəstələrdə empaqliflozininin təsiri artır. Ağır qaraciyər çatışmazlığı olan xəstələrdə terapevtik təcrübə məhduddur və buna görə də bu qrup xəstələrdə istifadəsi tövsiyə edilmir.
Yaşlılarda
Yaşla əlaqədar dozanın tənzimlənməsi tövsiyə edilmir. 75 yaş və yuxarı xəstələrdə mayenin azalması riskinin artması nəzərə alınmalıdır.
85 yaş və yuxarı xəstələrdə məhdud terapevtik təcrübə səbəbindən empaqliflozin ilə müalicəyə
başlamaq tövsiyə edilmir.
Pediatriyada
Uşaqlarda və yeniyetmələrdə empaqliflozinin təhlükəsizliyi və effektivliyi hələ müəyyən
edilməmişdir. Heç bir məlumat yoxdur.
Qəbul qaydası
Tabletlər yeməklə və ya yeməksiz qəbul edilə bilər, bütövlükdə su ilə udulur.
AZ − AZN
