Empa 25 mg N30 tb

Empa, 10 mq; 25 mq örtüklü tabletlər

Empa tərkibi

Təsiredici maddə: 1 tabletin tərkibində 10 mq, 25 mq empaqliflozin vardır.

Əks göstərişlər 

Preparatın təsiredici maddəsinə və ya köməkçi maddələrindən hər hansı birinə qarşı yüksək 
həssaslıq. 

Hamiləlik və laktasiya dövründə istifadəsi 

Hamiləlikdə 
Hamilə qadınlarda empaqliflozin istifadəsi ilə bağlı məlumat yoxdur. Heyvanlar üzərində aparılan 
tədqiqatlar empaqliflozin hamiləliyin son dövrlərində plasentanı çox məhdud dərəcədə keçdiyini, 
lakin erkən embrionun inkişafı ilə bağlı birbaşa və ya dolayı zərərli təsirlərinin olmadığını göstərir. Bununla belə, heyvanlar üzərində aparılan tədqiqatlar postnatal inkişafa mənfi təsir göstərmişdir. 
Ehtiyat tədbiri olaraq, hamiləlik dövründə EMPA-nın istifadəsindən qaçınmaq daha 
məqsədəuyğundur. 

Laktasiya 
İnsanlarda empaqliflozinin südlə xaric olması ilə bağlı heç bir məlumat yoxdur. Heyvanlarla bağlı 
mövcud olan toksikoloji məlumatlar empaqliflozinin südlə xaric olunduğunu göstərir. 
Yenidoğulmuşlar/körpələr üçün riski istisna etmək olmaz. EMPA laktasiya dövründə istifadə 
edilməməlidir. 

Fertillik 
EMPA-nın insanlarda fertilliyə təsiri ilə bağlı heç bir araşdırma aparılmamışdır. Heyvanlar üzərində aparılan tədqiqatlar fertilliyə birbaşa və ya dolayı zərərli təsirin olduğunu  göstərmir.

İstifadə qaydası və dozası 

Pozologiyası 
II tip şəkərli diabet 
Tövsiyə olunan başlanğıc doza diabet müalicəsi üçün dərman vasitələri ilə monoterapiya və əlavə 
kombinə müalicə üçün gündə bir dəfə 10 mq empaqliflozindir.  Gündə bir dəfə 10 mq empaqliflozin qəbul edən, eGFR ≥60 ml/dəq/1,73 m2 olan və daha ciddi qlisemik nəzarətə ehtiyacı olan xəstələrdə doza gündə bir dəfə 25 mq-a qədər artırıla bilər. Maksimum gündəlik doza 25 mq təşkil edir. 
Ürək çatışmazlığı 
Tövsiyə olunan doza gündə bir dəfə 10 mq empaqliflozindir. 
Bütün istifadə göstərişlərində  
Empaqliflozin sulfonilur törəmələri və ya insulinlə birlikdə istifadə edildikdə, hipoqlikemiya riskini azaltmaq üçün sulfonilur  və ya insulinin aşağı dozası nəzərdə tutula bilər.   
Bir doza buraxıldıqda, xəstə xatırlayan kimi qəbul etməlidir; lakin eyni gündə ikiqat doza qəbul etmək olmaz.                                                                                                                                        

Xüsusi xəstə qruplarında istifadə

Böyrək çatışmazlığı:
II tip şəkərli diabeti olan xəstələrdə empaqliflozinin qlisemik effektivliyi böyrək funksiyasından asılıdır. Dozanın tənzimlənməsi eGFR (eQFS) və ya kreatinin klirensinə (KrKl) əsasən aparılmalıdır.

eGFR və ya KrKl ≥60 ml/dəq/1,73 m² olduqda müalicəyə gündə bir dəfə 10 mq empaqliflozin ilə başlanılır. Gündə 10 mq qəbul edən və əlavə qlisemik nəzarətə ehtiyacı olan xəstələrdə doza 25 mq-a qədər artırıla bilər.

eGFR və ya KrKl 45–60 ml/dəq/1,73 m² olduqda empaqliflozinlə müalicəyə başlamaq tövsiyə edilmir. Artıq empaqliflozin qəbul edən xəstələrdə isə gündə bir dəfə 10 mq doza ilə müalicə davam etdirilə bilər.

eGFR və ya KrKl <45 ml/dəq/1,73 m² olduqda empaqliflozinin istifadəsi tövsiyə edilmir.
eGFR və ya KrKl <20 ml/dəq olduqda empaqliflozin istifadəsi əks göstərişdir.

Ürək çatışmazlığı (II tip şəkərli diabetlə və ya onsuz):
Tövsiyə olunan gündəlik doza 10 mq empaqliflozindir. Ağır böyrək funksiyası pozğunluğu olan xəstələrdə empaqliflozin tövsiyə edilmir.                                                                                             Təsir mexanizminə görə empaqliflozinin qlikemik effektivliyi böyrək funksiyasından asılıdır. eQFS 
≥60 ml/dəq/1,73 m2 və ya KrKl ≥60 ml/dəq olan xəstələr üçün dozanın tənzimlənməsi tələb olunmur.  
II tip şəkərli diabet müalicəsi zamanı eQFS <60 ml/dəq/1,73 m2 və ya KrKl <60 ml/dəq olan xəstələrə empaqliflozin təyin edilməməlidir. eQFS davamlı olaraq 60 ml/dəq/1,73 m2 və ya KrKl 60 ml/dəqdən aşağı olan empaqliflozinə tolerantlıq göstərən xəstələrdə empaqliflozinin  dozası gündə bir dəfə 10 mq-a tənzimlənməlidir və ya saxlanılmalıdır. eQFS davamlı olaraq 45 ml/dəq/1,73 m2 və ya KrKl davamlı olaraq 45 ml/dəq-dən aşağı olduqda empaqliflozin qəbulu dayandırılmalıdır. II tip şəkərli diabeti olan və ya olmayan xəstələrdə ürək çatışmazlığının müalicəsi üçün eQFS 20 ml/dəq/1,73 m2 və ya KrKl 20 ml/dəq olana qədər  10 mq dozada empaqliflozinə başlana və ya davam etdirilə bilər. 
Empaqliflozin son mərhələ  böyrək çatışmazlığı olan xəstələrdə və ya dializ xəstələrində istifadə 
edilməməlidir. Bu xəstələrdə preparatın istifadəsini təsdiqləyən kifayət qədər məlumat yoxdur. 
Qaraciyər çatışmazlığı 
Qaraciyər çatışmazlığı olan xəstələrdə dozanın tənzimlənməsi tələb olunmur. Ağır qaraciyər 
çatışmazlığı olan xəstələrdə empaqliflozininin təsiri artır. Ağır qaraciyər çatışmazlığı olan xəstələrdə terapevtik təcrübə məhduddur və buna görə də bu qrup xəstələrdə istifadəsi tövsiyə edilmir. 
Yaşlılarda 
Yaşla əlaqədar dozanın tənzimlənməsi tövsiyə edilmir. 75 yaş və yuxarı xəstələrdə mayenin azalması riskinin artması nəzərə alınmalıdır. 
85 yaş və yuxarı xəstələrdə məhdud terapevtik təcrübə səbəbindən empaqliflozin ilə müalicəyə 
başlamaq tövsiyə edilmir. 
Pediatriyada 
Uşaqlarda və yeniyetmələrdə empaqliflozinin təhlükəsizliyi və effektivliyi hələ müəyyən 
edilməmişdir. Heç bir məlumat yoxdur. 
Qəbul qaydası 
Tabletlər yeməklə və ya yeməksiz qəbul edilə bilər, bütövlükdə su ilə udulur.