ETO 400 400MG N14 TB

ETO, 400 örtüklü tabletlər

ETO tərkibi

Təsiredici maddə: 1 tabletin tərkibində 400 mq etodolak vardır.

İstifadəsinə göstərişlər

Preparat osteoartritin, revmatoid artritin, ankilozlaşan spondilitin simptomlarının və əlamətlərinin, kəskin podaqra artritinin, kəskin skelet -əzələ ağrısının, əməliyyatdan sonrakı ağrının və dismenoreyanın müalicəsi üçün göstərişdir.

Əks göstərişlər

• Etodolaka və ya dərmanın tərkibindəki maddələrə qarşı keçmişdə yüksək həssaslığı olan xəstələrə; • Dərmanların çarpaz qarşılıqlı reaksiyaları səbəbindən, aspirinə və ya digər qeyri -steroid iltihab əleyhinə dərmanlara qarşı keçmişdə yüksək həssaslığı olan xəstələrə və ya anamnezində kə skin astma, rinit, övrə olan xəstələrə; • Həmçinin, anamnezində QSİƏP-lərlə müalicə ilə əlaqədar mədə-bağırsaq qanaxması və ya perforasiyası olan xəstələrə; • Ağır ürək çatışmazlığı olan xəstələr ə, aorta -koronar şuntlamadan və ürəkdə aparılan cərrahiyyə əməliyyatlarından əvvəl və sonra; • Etodolak həmçinin aktiv peptik xorası və ya anamnezində residivləşən peptik xorası (o cümlədən digər qeyri-steroid iltihab əleyhinə dərmanların qəbulu ilə əlaqədar olan mədə-bağırsaq qanaxması) olan xəstələrə; • Hamiləliyin sonuncu trimestrində.

Hamiləlik və laktasiya dövründə istifadəsi

Hamiləlik Heyvanlar üzərində aparılan tədqiqatlar dərmanın hamiləliyə və / və ya embrionun / dölün inkişafına və / və ya doğuşa və /və ya doğuşdan sonrakı inkişafa təsirləri baxımından yetərli deyildir. İnsanlar üçün potensial risk məlum deyildir. Hamiləlik dövründə Etodolak molekulasından istifadə edilməməlidir. Hamilə qadınlar arasında adekvat və yaxşı nəzarət olunan tədqiqatlar mövcud deyildir.

Etodolak hamiləlik dövründə yalnız o halda istifadə edilməlidir ki, onun gələcək ana üçün faydası döl üçün potensial riskindən yüksək olsun. Doğum və arterial axacağın bağlanması ilə əlaqədar dölün ürək-damar sisteminə məlum təsiri səbəbindən Etodolakın hamiləliyin sonuncu trimestrində istifadəsi əks-göstərişdir. Siçovullar üzərində Etodolakla aparılan tədqiqatlarda, prostaqlandin sintezini inhibə etdiyi məlum olan digər dərmanlarda olduğu kimi, patoloji doğuş, doğuşun ləngiməsi və həyatda qalan balaların sayının azalması müşahidə edilmişdir. Etodolakın hamilə qadınlarda doğuşa bu cür təsirləri məlum deyildir.

Laktasiya Etodolakın ana südünə keçib-keçməməsi məlum deyil. Bir çox dərmanların ana südü ilə ifraz olunduğu məlum olduğundan və əmizdirilən yeni doğulmuşlara Etodolakın ciddi arzuolunmaz təsir potensialı səbəbindən dərmanın ana üçün vacibliyi nəzərə alınaraq, ya dərmanın qəbulunun, ya da əmizdirilmənin dayandırılması barədə qərar verilməlidir

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Etodolak başgicəllənməyə, yuxululuğa, halsızlığa və görmə pozğunluqlarna (qeyri-normal görmə) səbəb ola bilər. Xəstələr avtomobili və digər mexanizmləri idarə etməzdən əvvəl dərmanın bu təsirləri barədə məlumatlandırılmalıdırlar.

ETO istifadə qaydası və dozası

Digər QSİƏP-lərdə olduğu kimi, xəstənin Etodolakla aparılan ilkin müalicəyə cavab reaksiyası müşahidə edildikdən sonra, dərmanın dozası və istifadə tezliyi həkimin tövsiyələrinə və xəstənin ehtiyaclarına uyğun olaraq tənzimlənməlidir. Böyüklər üçün adi doza gündə 400 mq-dır, iki dozaya bölünərək gündə iki dəfə və ya birdəfəlik gündəlik doza şəklində qəbul edilə bilər. Peroral istifadə üçündür. Yeməklə və ya yeməkdən sonra qəbul edilməsi tövsiyə edilir.

18 yaşdan aşağı uşaqlarda istifadəsi məsləhət görülmür.