Fitoton Ağ gil təmizləyici, ağardıcı, parladıcı xüsusiyyətinə görə kosmetologiya sahəsində kosmetik maskaların hazırlanması üçün istifadə olunur. Fitoton Ağ gil, əsasən həssas dərilərdə istifadə olunur. Dəridə mikrobların çoxalmasının və yayılmasının qarşısını alır, dərini ölmüş hüceyrələrdən təmizləyir, sızanaq və səpgiləri qurumasını və sağalmasının sürətləndirir.
Dəri hüceyrələrini minerallarla təmin edir, mübadilə proseslərini stimulə edərək bərpasını sürətləndirir. Dərinin müdafiə xüsusiyyətlərini gücləndirərək onu xarici mühitin zərərli faktorlarından qoruyur. Reseptlər: 1.
Civzə (akne) əleyhinə maska: Aptek çobanyastığı dəmləməsi hazırlanır və ona 1:1 nisbətində gil əlavə edilir (saxsı və ya şüşə qabda). Alınmış maska nazik təbəqə şəklində təmiz üzə çəkilir. 3 dəqiqə ərzində masaj xətləri ilə çənədən gicgaha tərəf masaj edilir.
15 dəqiqə saxlandıqdan sonra maska nəm pambıq ilə silinir, üz ilıq su ilə yuyulur. 2. Sızanaq əleyhinə maska: Üzə gilin qatı məhlulu 1 sm qalınlığında çəkilir.
Tənzif 2-3 qat qatlanaraq üzərinə qoyulur, 1 saat saxlanılır. Maska nəm pambıq ilə silinir, əvvəl isti, sonra isə soyuq su ilə yuyulur. 3.
Təravətləndirici və təmizləyici maska: 1 çay qaşığı ağ gil, 2 çay qaşığı kəsmik və 1 çay qaşığı portağal şirəsi qarışdırılır. Alınmış maska təmiz üzə çəkilir, 20 dəqiqə saxlandıqdan sonra maska nəm pambıq ilə silinir və üz ilıq su ilə yuyulur. 4.
Qırış əleyhinə maska: Şüşə kasada 2 çay qaşığı aptek çobanyastığı, adaçayı, lavanda və cökə çiçəyi qarışığının üzərinə 100 ml (1/2 stəkan) qaynar su əlavə edilərək, 10 dəqiqə dəmlənir və süzülür. Daha sonra üzərinə ağ gil əlavə edilərək xama qatılığında kütlə alınana kimi qarışdırılır. Alınmış kütlə üzə çəkilir, 15-20 dəqiqə saxlandıqdan sonra maska nəm pambıq ilə silinir və üz ilıq su ilə yuyulur.
5. Yağlı dəri üçün ağardıcı maska: 1 yumurta ağı 1/2 çay qaşığı duz ilə qarışdırılır və üzərinə 2 çay qaşığı ağ gil əlavə edilir. Alınmış maska üzə çəkilir, 10 dəqiqə saxlandıqdan sonra maska nəm pambıq ilə silinir və üz ilıq su ilə yuyulur.
6. Dəri məsamələrini daraldıcı və qidalandırıcı maska: 1 xörək qaşığı gil limon şirəsi ilə xama qatılığına qədər qarışdırılır, üzərinə bir yumurta ağı əlavə edilir. Alınmış maska üzə çəkilir.
Üzdə 15-20 dəqiqə saxladıqdan sonra maska nəm pambıq ilə silinir və üz ilıq su ilə yuyulur. 7. Yorğunluq əleyhinə vanna: 100-200 qram ağ gil sıyıq qatılığı alınana qədər isti su ilə həll edilir.
Alınmış gil sıyığı vannaya əlavə olunur. Gil vannasından istifadə etmə müddəti 20-30 dəqiqə olmalıdır. 8.
Əl üçün gil vannası : İlıq suya 1 xörək qaşığı gil qarışdırılır və əllər məhlula biləyə qədər salınır. 10-20 dəqiqə saxlandıqdan sonra əllər ilıq su ilə durulanır və krem çəkilir. Daha yaxşı nəticə almaq üçün suya 1 ovuc dəniz duzu və ya xardal əlavə etmək olar.
9. Yağlı saçlar üçün maska: Saç diblərində piy vəzilərinin aktivliyini azaltmaq üçün tətbiq olunur. 2 diş əzilmiş sarımsaq, 1 xörək qaşığı limon suyu, 2 xörək qaşığı ağ gil və qatı xama şəklində kütlə alınana qədər isti su əlavə olunur.
Maskanın tərkibində olan limon suyu sarımsağın iyini götürür və piy vəzilərinin axacaqlarını büzür. Alınan maska saç diblərinə çəkilib 30 dəqiqə saxlandıqdan sonra ilıq su ilə yuyulur. Qeyd: Üz və saç üçün tətbiq olunan maskalar həftədə 2 dəfə istifadə olunmalıdır.
Ay ərzində 6-8 dəfə istifadədən sonra 1 həftə fasilə verilməlidir. Vanna prosedurları isə ayda 2 dəfə tətbiq olunmalıdır.
| Qablaşdırma çəkisi | 150 q |
|---|
AZ − AZN
