Fluxidin 30 ml Sprey

FLUKSİDİN, oral sprey

FLUKSİDİN tərkibi

Təsiredici maddə: 30 ml sprey məhlulunun tərkibində 0,075 q flurbiprofen və 0,036 q xlorheksidin qlükonat vardır.

İstifadəsinə göstərişlər

FLUKSİDİN -dən aşağıdakı halların müalicəsi üçün istifadə edilir: • Ağız boşluğunun və boğazın selikli qişasında ağrı və iltihabla müşayiət olunan gingivit, stomatit, faringit, tonzillit və aftoz yaralar. • Diş əti xəstəlikləri və udma funksiyasının pozulmaları zamanı simptomatik vasitə kimi, • Ağız boşluğunun və boğazın selikli qişasında mikrobların çoxalmasının qarşısını almaq üçün antiseptik vasitə kimi • Paradontal müdaxilələrdən əvvəl və sonra. • Stomatoloji prosedurlardan əvvəl və sonra • Radioterapiya, kimyaterapiya və digər səbəblər nəticəsində yaranan mukozitlər. • Diş ərpinin yaranmasının qarşısının alınması.

Əks göstərişlər

Flurbiprofenə, xlorheksidin qlükonata və ya dərmanın tərkibindəki köməkçi maddələrdən hər hansı birinə qarşı yüksək həssaslıq. Asetilsalisil turşusuna və ya digər qeyri-steroid iltihab əleyhinə dərmanlara qarşı yüksək həssaslıq. Əvvəllər asetilsalisil turşusunun və ya digər qeyri-steroid iltihab əleyhinə dərmanın qəbulu ilə əlaqədar olaraq yaranan bronxospazm (bronxların daralması səbəbindən tənəffüsün çətinləşməsi), yaxud rinit və ya övrə. Hazırda və ya keçmişdə mədə və ya on iki barmaq bağırsaqda peptik xora.

Hamiləlik və ya laktasiya dövrü. 12 yaşdan aşağı olan uşaqlar

Hamiləlik və laktasiya dövründə istifadəsi

FLUKSİDİN spreyinin hamiləlik dövründə istifadəsi əks göstərişdir. FLUKSİDİN spreyinin laktasiya dövründə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Flurbiprofenin avtomobili və digər mexanizmləri idarə etmə qabiliyyətinə təsiri öyrənilməmişdir. Lakin dərmanın farmakodinamik xüsusiyyətləri və ümumi təhlükəsizlik profilinə əsasən, hər hansı bir əlavə təsir gözlənilmir. Xlorheksidin qlükonatın avtomobili və digər mexanizmləri idarəetmə qabiliyyətinə təsiri ilə əlaqədar heç bir tədqiqat aparılmamışdır.

FLUKSİDİN istifadə qaydası və dozası

FLUKSİDİN sprey ağız boşluğunun və ya boğazın zədələnmiş müvafiq nahiyəsinə gündə 3 dəfə, hər istifadə zamanı 2 dəfə püskürdülərək istifadə edilir, udulmamalıdır. Hər bir püskürtmə 0,2 ml olub, tərkibində 0,50 mq flurbiprofen və 0,24 mq xlorheksidin qlükonat vardır. İstifadə üzrə təlimatlar • Birinci dəfə istifadə etməzdən əvvəl, normal püskürtmə əldə edilənədək bir neçə dəfə püskürtmə nasosunu sıxın. Spreyi üzdən uzaq istiqamətdə tutun.

• Spreyin ucundakı applikatoru ağız boşluğunda və/ və ya boğazda lazımi nahiyəyə doğru tutaraq püskürdün. İstifadədən sonra dərmanı orijinal qablaşmasında, dik vəziyyətdə saxlamaq lazımdır.