Bitib
Stokda olanda mənə xəbər verin.Təsiredici maddə: 1 ampulda (1 ml) 5 mq haloperidol vardır.
Haloperidol-Rixter inyeksiya üçün məhlul preparatı, böyüklərdə aşağıdakı halların müalicəsi üçün göstərilir: ˗ Peroral müalicə effektiv olmadıqda, psixotik pozğunluqlar və ya I tip bipolyar pozğunluğun maniakal epizodları ilə əlaqədar olan ağır dərəcəli kəskin psixomotor oyanıqlığın sürətlə aradan qaldırılması; ˗ qeyri-farmakoloji üsullar effektiv olmadıqda, deliriumun təxirəsalınmaz müalicəsi; ˗ digər dərman vasitələri effektiv olmadıqda və ya pis keçirildikdə, peroral müalicə isə uyğun gəlmədikdə, yüngül və orta dərəcəli Henttinqton xoreyasının müalicəsi; ˗ digər dərman vasitələri effektiv olmadıqda və ya pis keçirildikdə, orta və ya yüksək riskli pasiyentlərdə monoterapiya şəklində və ya kombinəolunmuş terapiya daxilində, cərrahi əməliyyatdan sonrakı ürəkbulanma və qusmanın profilaktikası; ˗ digər dərman vasitələri effektiv olmadıqda və ya pis keçirildikdə, cərrahi əməliyyatdan sonrakı ürəkbulanma və qusmanın kombinəolunmuş müalicəsi.
- Preparatın istənilən komponentinə qarşı yüksək həssaslıq. - Koma. - Mərkəzi sinir sisteminin (MSS) zəifləməsi. - Parkinson xəstəliyi.
- Levi cisimciklərilə demensiya. - Proqressivləşən supranuklear iflic. - Anamnezdə QT intervalının uzanması və ya anadangəlmə QT intervalının uzanması sindromu. - Yaxınlarda keçirilmiş miokard infarktı.
- Dekompensasiyalı ürək çatışmazlığı. - Mədəcik aritmiyası və ya anamezdə “piruet” tipli polimorf mədəcik taxikardiyası. - Kompensəolunmamış hipokaliemiya. - QT intervalının uzanmasına səbəb olan dərman vasitələrilə eyni vaxtfa istifdəsi (“Digər dərman vasitələri ilə qarşılıqlı təsiri” bölməsinə bax).
Hamiləlik Hamilə qadınlarda haloperidolun istifadəsinə dair müəyyən qədər məlumatlar (məlum nəticə ilə 400-dən artıq hamiləlik halları) preparatın teratogen təsirinin, fetotoksikliyinin və ya neonatal toksikliyinin olmasını təsdiq etmir. Buna baxmayaraq, hamiləlik dövründə haloperidolun digər dərman vasitələri ilə birlikdə istifadəsi fonunda, anadangəlmə inkişaf qüsurları barədə müxtəlif məlumatlar vardır. Heyvanlar üzərində aparılan tədqiqatlarda, preparatın reproduktiv funksiyaya toksik təsiri müəyyən edilib. Ehtiyat tədbiri vasitəsi olaraq, Haloperidol-Rixter preparatının hamiləlik dövründə istifadəsindən çəkinmək lazımdır.
Hamiləliyin üçüncü trimestri müddətində, antipsixotik preparatların (o cümlədən, haloperidolun) təsirinə məruz qalmış yenidoğulmuşlarda, doğuşdan sonra ağırlıq dərəcəsinə və davametmə müddətinə görə fərqlənən ekstrapiramid pozğunluqlar və/və ya ləğvetmə sindromu daxil olmaqla,
Haloperidol-Rixter preparatı nəqliyyat vasitələrini və mexanizmləri idarə etmək qabiliyyətinə mülayim təsir göstərir. Sedativ effekt və ya terapiyanın əvvəlində xüsusilə yüksək dozaların istifadəsi zamanı bu və ya digər dərəcədə diqqət toplanmasının pozulması müşahidə edilə bilər. Təsiri alkoqolla güclənir. Pasiyentlər onların qavrama qabiliyyəti müəyyən edilməyənə qədər nəqliyyat vasitələrini və mexanizmləri idarə etməkdən çəkinməlidirlər.
Dozalanma rejimi Böyüklər Müalicəni aşağı dozadan başlamaq tövsiyə olunur, daha sonra pasiyentin cavabını nəzərə alaraq minimal effektiv doza seçilməlidir (“Farmakokinetikası” bölməsinə baxın). Haloperidol-Rixter preparatının dozalanması üçün tövsiyələr cədvəl 1-də göstərilib. Cədvəl 1.Yaşı 18-dən yuxarı olan böyüklərdə haloperidolun dozalanması üçün tövsiyələr. Peroral müalicə effektiv olmadıqda, psixotik pozğunluqlar və I-ci tip bipolyar pozğunluğun maniakal epizodları ilə əlaqədar olan ağır dərəcəli kəskin psixomotor oyanıqlığın sürətlə aradan qaldırılması - 5 mq əzələdaxili.
- Simptomlara nəzarəti əldə edənə qədər saatda bir dəfə təkrar istifadə edilə bilər. - Pasiyentlərin əksəriyyətində lazımi effekt sutkada 15 mq-a qədər dozada əldə edilir. Maksimal sutkalıq doza 20 mq təşkil edir. - Haloperidol-Rixrter preparatının daha uzunmüddətli təyin olunmasının vacibliyini müalicənin erkən mərhələsində qiymətləndirmək lazımdır (“Xüsusi göstərişlər və ehtiyat tədbirləri” bölməsinə baxın).
Klinik göstərişlər olduqda, Haloperidol-Rixter inyeksiya üçün məhlul preparatının istifadəsini dayandırmaq lazımdır. Müalicənin davam edilməsi tələb olunduqda, haloperidolun qəbulunu eyni dozada (dozanın təkrar hesablanma əmsalı 1:1) tablet şəklində başlamaq və daha sonra, dozanı klinik cavaba uyğun tənzimləmək lazımdır. Qeyri-farmakoloji üsullar effektiv olmadıqda, deliriumun təxirəsalınmaz müalicəsi - 1-10 mq əzələdaxili. - Müalicəni mümkün minimal dozadan başlamaq lazımdır.
Oyanıqlıq saxlanıldığı halda, 10 mq maksimal sutkalıq doza əldə olunana qədər dozanı 2-4 saat intervalı ilə artırmaq lazımdır. Digər dərman vasitələri effektiv olmadıqda və ya pis keçirildikdə, peroral müalicə isə uyğun gəlmədikdə, yüngül və orta dərəcəli Henttinqton xoreyasının müalicəsi - 2-5 mq əzələdaxili. - Simptomlara nəzarəti əldə edənə qədər və ya 10 mq maksimal sutkalıq dozanı əldə edənə qədər saatda bir dəfə təkrar istifadə etmək olar. Digər dərman vasitələri effektiv olmadıqda və ya pis keçirildikdə, orta və ya yüksək riskli pasiyentlərdə monoterapiya şəklində və ya kombinəolunmuş terapiya daxilində, cərrahi əməliyyatdan sonrakı ürəkbulanma və qusmanın profilaktikası - İnduksiya zamanı və ya anesteziyanın sonuna 30 dəqiqə qalmış, 1-2 mq dozada əzələdaxili.
Digər dərman vasitələri effektiv olmadıqda və ya pis keçirildikdə, cərrahi əməliyyatdan sonrakı ürəkbulanma və qusmanın kombinəolunmuş müalicəsi - 1-2 mq əzələdaxili. Terapiyanın dayandırılması Haloperidolun dozasının tədricən aşağı salınması tövsiyə olunur (“Xüsusi göstərişlər və ehtiyat tədbirləri” bölməsinə baxın). Xüsusi pasiyentlər qrupları Böyrək çatışmazlığı olan pasiyentlər Böyrək çatışmazlığının haloperidolun farmakokinetikasına təsiri öyrənilməyib. Dozanın tənzimlənməsi tələb olunmur, lakin böyrək çatışmazlığı olan pasiyentlərin müalicəsində ehtiyat tədbirlərinə riayət etmək lazımdır.
Bununla belə, ağır dərəcəli böyrək çatışmazlığı olan pasiyentlərdə, daha aşağı başlanğıc doza tələb oluna bilər və gələcəkdə preparatın təyin olunması və dozanın tənzimlənməsi pasiyentin cavabına müvafiq aparılmalıdır (“Farmakokinetikası” bölməsinə baxın). Qaraciyər çatışmazlığı olan pasiyentlər Qaraciyər çatışmazlığının haloperidolun farmakokinetikasına təsiri öyrənilməyib. Haloperidolun qaraciyərdə intensiv metabolizmə məruz qaldığını nəzərə alaraq, başlanğıc dozanı iki dəfə aşağı salmaq tövsiyə olunur. Gələcəkdə, dozanı pasiyentin cavabına müvafiq seçmək olar (“Xüsusi göstərişlər və ehtiyat tədbirləri” və “Farmakokinetikası” bölmələrinə baxın).
Axıl yaşlı pasiyentlər (65 yaşdan yuxarı) Haloperidolun yaşlı pasiyentlər üçün tövsiyə olunan başlanğıc dozası, böyüklər üçün minimal dozanın yarısını təşkil edir. Daha sonra doza pasiyentin cavabına müvafiq seçilə bilər. Yaşlı pasiyentlərdə dozanın ehtiyatla və tədricən yüksəldilməsi tövsiyə olunur. Maksimal sutkalıq doza 5 mq təşkil edir.
Sutkada 5 mq-dan yüksək dozaların istifadəsini, yalnız daha yüksək dozaları yaxşı keçirən pasiyentlərdə və yalnız pasiyent üçün fərdi fayda və risk nisbətinin təkrar qiymətləndirilməsindən sonra, nəzərdən keçirmək olar. 18 yaşdan kiçik uşaqlar və yeniyetmələr Uşaqlarda və 18 yaşdan kiçik yeniyetmələrdə Haloperidol-Rixter inyeksiya üçün məhlul preparatının istifadəsinin təhlükəsizliyi və effektivliyi müəyyən edilməyib. Heç bir məlumat yoxdur. İstifadə qaydası Haloperidol-Rixter inyeksiya üçün məhlul preparatı yalnız əzələdaxili yeridilmə üçün nəzərdə tutulub (“Xüsusi göstərişlər və ehtiyat tədbirləri” bölməsinə baxın).
AZ − AZN
