IBUFEN-D 20MG 120ML SUSP

100, mq/5 ml daxilə qəbul üçün suspenziya

100 tərkibi

Təsiredici maddə: 5 ml suspenziyanın tərkibində100 mq ibuprofen vardır.

İstifadəsinə göstərişlər

İbufen D preparatı qızdırmasalıcı, ağrıkəsici və iltihabəleyhinə təsirlə malikdir. Preparat, bədən temperaturunun yüksəlməsi, ağrı və ödem kimi simptomların meydana çıxma nahiyəsində təsir göstərərək, həmin simptomların təzahürlərinin zəifləməsinə səbəb olur. Preparatın tərkibində şəkərin olmamasını nəzərə alaraq, onu diabetdən əziyyət çəkən pasiyentlərdə istifadə etmək olar.

İbufen D preparatı südəmər körpələrdə və uşaqlarda aşağıda göstərilən vəziyyətlərdə istifadə edilə bilər:

• Bədən temperaturunun müxtəlif mənşəli yüksəlməsi, məsələn:

− soyuqdəymə ilə əlaqəli xəstəliklər;

− kəskin respirator virus infeksiyaları;

− qrip;

− angina (faringit);

− bədən temperaturunun yüksəlməsi ilə müşayiət olunan uşaq infeksiyaları;

− postvaksinal reaksiyalar.

• Zəif və mülayim intensivliyə malik müxtəlif mənşəli ağrı sindromu zamanı, məsələn:

− orta qulaq iltihabı zamanı qulaq ağrıları;

− diş ağrıları, uşaqlarda dişlərin, ağrı ilə müşayiət olunan çıxması;

− baş ağrısı və miqren;

− əzələ və oynaq ağrıları;

− dayaq-hərəkət aparatı travmaları.

Əks göstərişlər

Aşağıda göstərilən hallarda İbufen D preparatının istifadəsi əks göstərişdir:

− ibuprofenə və ya preparatın tərkibinə daxil olan köməkçi maddələrdən hər hansı birinə qarşı yüksək həssaslıq;

− digər qeyri-steroid iltihabəleyhinə preparatlara (QSİƏP) qarşı yüksək həssaslıq;

− əvvəllər asetilsalisil turşusunun və ya digər qeyri-steroid iltihabəleyhinə preparatların (QSİƏP) istifadəsindən sonra allergiya simptomları, məsələn, zökəm, övrə və ya bronxial astma kimi simptomlar qeyd olunan pasiyentlər;

− mədədə və (və ya) onikibarmaq bağırsaqda aktiv xora xəstəliyi kəskinləşmə mərhələsində və ya anamnezdə, QSİƏP-in istifadəsindən sonra perforasiyanın və ya qanaxmanın qeyd olunması;

− ağır böyrək və ya qaraciyər çatışmazlığı;

− ağır ürək çatışmazlığı (NYHA təsnifatına əsasən IV sinif – Nyu-York Kardioloqlar Assosiasiyasının təsnifatı);

− eyni zamanda digər qeyri-steroid iltihabəleyhinə preparatlardan, o cümlədən SOG-2 (siklooksigenaza-2 fermenti) inhibitorlarından istifadə edən pasiyentlər (əlavə effektlərin meydana çıxma riskinin yüksəlməsi);

− beyin damarlarında qanaxmalar və ya digər kəskin qanaxma qeyd olunan pasiyentlər;

− hemorragik diatez və ya qanyaradıcı sistemin qeyri-müəyyən mənşəli pozğunluqları qeyd olunan pasiyentlər;

− ağır dərəcəli susuzlaşma qeyd olunan pasiyentlər (məsələn, qusma, diareya və ya kifayət qədər mayenin istifadə edilməməsi nəticəsində meydana çıxan);

−

Hamiləlik və laktasiya dövründə istifadəsi

Xüsusi göstərişlər və ehtiyat tədbirləri Aşağıda göstərilən hallarda İbufen D preparatından ehtiyatla istifadə edilməlidir:

− sistem qırmızı qurdeşənəyi xəstəliyi və birləşdirici toxumanın qarışıq xəstəlikləri qeyd olunan pasiyentlərdə – aseptik meningit riskinin yüksəlməsi meydana çıxa bilər;

− MBT (mədə-bağırsaq traktı) xəstəlikləri və eləcə də bağırsağın xroniki iltihabi xəstəlikləri (xoralı kolit, Kron xəstəliyi) qeyd olunduqda;

− hipertoniya və (və ya) ürək funksiyalarının pozğunluqları qeyd olunan pasiyentlərdə – QSİƏP- in istifadəsi ilə əlaqəli orqanizmdə mayenin ləngiməsi və ödemlər barədə məlumatlar daxil olmuşdur;

− porfirin metabolizminin anadangəlmə pozğunluqları (məsələn, kəskin fasiləli porfiriya);

− cərrahi müdaxilələrdən dərhal sonra;

− böyrək funksiyalarının pozğunluqları;

− qaraciyər funksiyalarının pozğunluqları;

− qanın laxtalanma qabiliyyətinin pozğunluqları (ibuprofen qanaxma müddətinin uzanmasına səbəb ola bilər);

− digər maddələrə qarşı allergiya qeyd olunan pasiyentlərdə – İbufen D preparatı pasiyentlərdə hiperhəssaslıq reaksiyaları riskinin yüksəlməsinə səbəb ola bilər;

− yaz allergiyası (pollinoz), burun boşluğunda poliplər və ya xroniki obstruktiv tənəffüs pozğunluqları qeyd olunan pasiyentlərdə – allergik reaksiyaların inkişaf etmə riskinin yüksəlməsi. Həmin reaksiyalar boğulma tutmaları (aspirin astması adlandırılan), Kvinke ödemi və ya övrə şəklində meydana çıxa bilər. Preparatın simptomlarının yüngülləşdirilməsi üçün tələb olunan minimal effektiv dozada və ən qısa müddət ərzində istifadəsi, əlavə effektlərin meydana çıxma riskini aşağı salır (aşağıda, “Preparatın MBT-yə və qanyaradıcı sistemə təsiri” hissəsinə bax). Yaşlı pasiyentlə Gənc yaşlı pasiyentlərlə müqayisədə, yaşlı pasiyentlərdə ibuprofenin istifadəsi nəticəsində əlavə effektlərin meydana çıxma riski daha yüksəkdir. Preparatı minimal terapevtik dozada və ən qısa effektiv müddət ərzində istifadə etməklə, əlavə reaksiyaların baş vermə tezliyinin və intensivliyinin aşağı salınması mümkündür. MBT-də qanaxmalar, xoralaşmalar və perforasiya Mədə-bağırsaq traktından qanaxmaların, xoralaşmaların və ölümlə nəticələnə bilən və hər zaman qabaqlayıcı simptomlarla müşayiət olunmayan perforasiyaların meydana çıxma riski mövcuddur və ya həmin riskin mövcudluğu qabaqlayıcı simptomlar müşahidə olunan pasiyentlərdə qeyd oluna bilər. Mədə-bağırsaq traktında qanaxma və ya xoralaşma meydana çıxdığı halda, preparatın istifadəsini dərhal dayandırmaq lazımdır. Anamnezlərində mədə-bağırsaq traktı xəstəlikləri qeyd olunan pasiyentlər, xüsusilə, yaşlı pasiyentlər, ilk növbədə, müalicənin başlanğıc dövründə mədə-bağırsaq traktı ilə əlaqəli bütün qeyri-tipik simptomlar (xüsusilə, qanaxmalar) barədə həkimin məlumatlandırılmasının zəruriliyi barədə xəbərdar olunmalıdırlar. Həmin pasiyentlərdə preparatın mümkün qədər aşağı dozası istifadə edilməlidir. QSİƏP-in dozası artırıldıqda, anamnezlərində xoralaşma, xüsusilə, qanaxma və ya perforasiya ilə ağırlaşmış vəziyyət qeyd olunan pasiyentlərdə və eləcədə, yaşlı pasiyentlərdə mədə-bağırsaq traktında qanaxmaların, xoralaşmanın və ya perforasiyanın meydana çıxma riski yüksəlir. Həmin pasiyentlərin müalicəsini mümkün qədər ən aşağı dozanın istifadəsi ilə başlamaq lazımdır. Eyni zamanda asetilsalisil turşusunun aşağı dozalarının və ya mədə-bağırsaq traktı nahiyəsində dəyişikliklər riskini yüksəldə bilən təsiredici maddələrin istifadəsi ilə müalicənin aparılması tələb olunan pasiyentlərdə olduğu kimi, həmin pasiyentlərdə də qoruyucu preparatların (məsələn, mizoprostolun və ya proton pompası inhibitorlarının) istifadəsi ilə kombinəolunmuş müalicənin təyin edilməsi nəzərdən keçirilməlidir. Preparatı mədə-bağırsaq pozğunluqları və ya qanaxmalar riskini yüksəldə bilən digər dərman preparatları ilə, məsələn kortikosteroidlərlə və ya varfarin kimi antikoaqulyantlarla, serotoninin geriyə udulmasının selektiv inhibitorları ilə və ya asetilsalisil turşusu kimi antiaqreqantlarla eyni zamanda istifadə etdikdə, ehtiyat tədbirlərinə riayət etmək lazımdır. Mədə-bağırsaq traktı xəstəliklərinin kəskinləşmə ehtimalını nəzərə alaraq, anamnezlərində mədə-bağırsaq traktı xəstəlikləri (xoralı kolit, Kron xəstəliyi) qeyd olunan pasiyentlərə QSİƏP-lər ehtiyatla təyin edilməlidir. Ürək-damar sistemində və beyin qan dövranında qeyd olunan pozğunluqlar Klinik tədqiqatların nəticələrində göstərilmişdir ki, ibuprofenin, xüsusilə yüksək dozalarda (2400 mq/sutkada) istifadəsi, arterial trombotik ağırlaşmalar (məsələn, miokard infarktı və ya insult) riskinin əhəmiyyətsiz yüksəlməsi ilə assosiasiya oluna bilər. Ümumiyyətlə, epidemioloji tədqiqatların nəticələrində ibuprofenin aşağı dozalarda (məsələn, ≤1200 mq/sutkada) istifadəsinin arterial trombotik ağırlaşmaların inkişaf etmə riskinin yüksəlməsi ilə assosiasiya olunması göstərilməmişdir. Pis nəzarət olunan arterial hipertenziya, durğunluq ürək çatışmazlığı (NYHA təsnifatına əsasən, II- III sinif), diaqnozu təsdiq olunmuş ürəyin işemik xəstəliyi, periferik arteriyaların xəstəlikləri və/və ya serebrovaskulyar çatışmazlıq qeyd olunan pasiyentlərə ibuprofen yalnız risklər hərtərəfli qiymətləndirildikdən sonra təyin edilə bilər və bu zaman, preparatın yüksək dozalarının (2400 mq/sutkada) istifadəsindən çəkinmək lazımdır. Kardiovaskulyar ağırlaşmaların risk faktorları (məsələn, arterial hipertenziya, hiperlipidemiya, şəkərli diabet, tütün istifadəsi) qeyd olunan pasiyentlərə, xüsusilə, ibuprofenin yüksək dozalarının (2400 mq/sutkada) istifadəsi tələb olunduğu hallarda, ibuprofenin istifadəsi ilə uzunmüddətli müalicə təyin edilməzdən əvvəl həmçinin, risk/fayda nisbətinin hərtərəfli qiymətləndirilməsi aparılmalıdır. Dəridə qeyd olunan reaksiyalar

Çox nadir hallarda QSİƏP qrupuna daxil olan preparatların istifadəsi ilə əlaqəli bəzi hallarda ölümlə nəticələnən ağır dəri reaksiyaları, o cümlədən eksfoliativ dermatit, Stivens-Conson sindromu və toksik epidermal nekroliz kimi reaksiyalar təsvir olunmuşdur. İbuprofen tərkibli preparatların istifadəsi zamanı kəskin generalizəolunmuş ekzantematoz pustullyoz (AGEP) barədə məlumatlar daxil olmuşdur. Göstərilən ağır reaksiyaların meydana çıxmasının ən yüksək riski müalicənin əvvəlində, əksər hallarda preparatın istifadəsinin ilk ayı müddətində müşahidə olunur. Dəri üzərində səpgilərin, selikli qişaların zədələnməsinin və ya digər allergiya simptomlarının ilk əlamətləri meydana çıxdıqdan sonra, preparatın istifadəsini dayandırmaq lazımdır. Gizli infeksiya simptomlarının maskalanması İbufen D preparatı infeksion xəstəlik simptomlarını maskalaya bilər ki, bu da müvafiq müalicənin başlanmasının ləngiməsinə gətirib çıxara bilər və bununla, xəstəliyin gedişinin ağırlaşmasına səbəb ola bilər. Göstərilən hal, xəstəxanadan kənar bakterial pnevmoniya və suçiçəyi infeksiyasının bakterial ağırlaşmaları qeyd olunan pasiyentlərdə müşahidə edilmişdir. İbufen D preparatını infeksiya zamanı bədən temperaturu yüksəldikdə və ya ağrının yüngülləşdirilməsi məqsədi ilə istifadə etdikdə, infeksion xəstəliyin monitorinqini aparmaq tövsiyə olunur. Müalicə tibb müəssisəsindən kənarda aparılarsa, simptomlar saxlanıldıqda və ya gücləndiyi təqdirdə, pasiyent həkimə müraciət etməlidir. Digər qeydlər Müxtəlif ağrıkəsici dərman preparatlarının eyni zamanda uzunmüddətli istifadəsi, böyrək çatışmazlığının inkişaf etmə riski ilə müşayiət olunan böyrəklərin zədələnməsinə (analgetik nefropatiyaya) gətirib çıxara bilər. Çox nadir hallarda ağır kəskin allergik reaksiyalar (məsələn, anafilaktik şok) müşahidə oluna bilər. İbufen D preparatının istifadəsindən sonra, allergik reaksiyanın ilk simptomları meydana çıxdıqda, müalicəni dayandırmaq lazımdır. Meydana çıxan simptomlardan asılı olaraq, ixtisaslı personal tərəfindən tələb olunan bütün tibbi proseduralar aparılmalıdır. İbufen D preparatının təsiredici maddəsi olan ibuprofen trombositlərin aktivliyinin müvəqqəti inhibə olunmasına (trombositlərin aqreqasiyasına) səbəb ola bilər. Bunu nəzərə alaraq, qanın laxtalanma qabiliyyətinin pozğunluqları qeyd olunan pasiyentləri diqqətlə müşahidə etmək tövsiyə olunur. Preparatı uzun müddət ərzində istifadə etdikdə, qaraciyər funksiyalarının, böyrək funksiyalarının və qanın morfoloji tərkibi göstəricilərinin müntəzəm nəzarəti aparılmalıdır. Analgetiklərin uzunmüddətli istifadəsi zamanı baş ağrıları meydana çıxa bilər ki, bunlar da həmin preparatın yüksək dozalarının istifadəsi ilə müalicə olunmamalıdır. Siklooksigenaza fermentini (prostaqlandinlərin sintezini) inhibə edən dərman preparatlarının ovulyasiya prosesinə təsir göstərməsi və bununla, qadın fertilliyinin pozğunluqlarına səbəb olması barədə təsdiq olunmuş məlumatlar mövcuddur. Bu təsir müvəqqətidir və müalicə dayandırıldıqdan sonra aradan qalxır. İbuprofendən istifadə etdikdə, tək-tək hallarda toksik ambliopiya qeyd olunmuşdur və bu səbəbdən, görmə qabiliyyətinin pozulmasının bütün halları barədə həkimi məlumatlandırmaq lazımdır. Susuzlaşma qeyd olunan uşaqlarda və yeniyetmələrdə böyrək çatışmazlığının inkişaf etmə riski mövcuddur. Köməkçi maddələr barədə məlumat İbufen D preparatının tərkibində maye maltitol (E965) vardır və bu səbəbdən, fruktozaya qarşı dözümsüzlük kimi nadir irsi xəstəlikdən əziyyət çəkən pasiyentlərə bu preparat təyin edilməməlidir. İbufen D preparatının 5 ml suspenziyasının tərkibində 9,67 mq natrium vardır ki, bunu da natriumun miqdarına nəzarətli pəhriz saxlayan pasiyentlərdə nəzərə almaq lazımdır.

Digər dərman vasitələri ilə qarşılıqlı təsiri İbuprofen (QSİƏP qrupuna daxil olan digər dərman preparatları kimi) aşağıda göstərilən dərman preparatları ilə birlikdə istifadə edilməməlidir:

− digər qeyri-steroid iltihabəleyhinə preparatlar – nəzərə almaq lazımdır ki, bir neçə QSİƏP-in eyni zamanda istifadəsi, sinergetik təsir nəticəsində mədə-bağırsaq traktında xoralaşmanın və qanaxmanın meydana çıxma riskinin yüksəlməsinə səbəb ola bilər;

− aşağı dozalarda asetilsalisil turşusu – eksperimental məlumatlarda göstərilmişdir ki, eyni zamanda istifadə edildikdə, ibuprofen asetilsalisil turşusunun aşağı dozalarının trombositlərin aqreqasiyasına təsirini inhibə edə bilər. Həmin məlumatların məhdud olmasına baxmayaraq və eləcədə, ex vivo şəraitdə əldə olunan məlumatların klinik vəziyyətə ekstrapolyasiyası ilə bağlı qeyri-müəyyənlikləri nəzərə alaraq, ibuprofenin müntəzəm istifadəsi barədə hər hansı birmənalı

nəticənin çıxarılması mümkün deyildir. Bununla belə, ibuprofenin təcili istifadəsinin klinik əhəmiyyətə malik təsir göstərməyəcəyi ehtimal edilir;

− hipotenziv preparatlar – QSİƏP qrupuna daxil olan preparatlar arterial qan təzyiqini aşağı salan preparatların effektivliyinin zəifləməsinə səbəb ola bilər;

− sidikqovucu preparatlar – sidikqovucu preparatların effektivliyinin aşağı düşməsini təsdiq edən azsaylı məlumatlar mövcuddur;

− antikoaqulyantlar – azsaylı klinik məlumatlar əsasında nəticə çıxarmaq olar ki, QSİƏP qanın laxtalanma qabiliyyətini zəiflədən preparatların təsirlərinin güclənməsinə səbəb ola bilər;

− litium və metotreksat – təsdiq edilmişdir ki, qeyri-steroid iltihabəleyhinə preparatlar qan plazmasında həm litiumun, həm də metotreksatın konsentrasiyalarının yüksəlməsinə səbəb ola bilər – qan plazmasında litiumun və metotreksatın konsentrasiyalarına nəzarət etmək tövsiyə olunur;

− zidovudin – ibuprofenlə və zidovudinlə eyni zamanda müalicə qəbul edən pasiyentlərdə qanaxma müddətinin uzanmasını təsdiq edən məlumatlar mövcuddur;

− kortikosteroidlər – mədə-bağırsaq traktı nahiyəsində əlavə təsirlərin meydana çıxma riski yüksəlir;

− diqoksin – ibuprofenin və diqoksin tərkibli preparatların eyni zamanda istifadəsi, qan zərdabında həmin preparatların konsentrasiyalarının yüksəlməsinə səbəb ola bilər;

− fenitoin – ibuprofenin və fenitoin tərkibli preparatların eyni zamanda istifadəsi, qan zərdabında həmin preparatların konsentrasiyalarının yüksəlməsinə səbəb ola bilər;

− siklosporin – bəzi qeyri-steroid iltihabəleyhinə preparatları və siklosporini eyni zamanda istifadə etdikdə, siklosporinin istifadəsi nəticəsində böyrəklərə zədələyici təsir riski mövcuddur. Siklosporinin və ibuprofenin eyni zamanda istifadəsi nəticəsində, həmin təsirin mövcudluğu istisna edilməməlidir;

− takrolimus – bu iki preparat eyni zamanda istifadə edildiyi halda, nefrotoksik təsir riskinin güclənməsi qeyd olunur;

− xinolon sırasından olan antibiotiklər – QSİƏP, xinolon qrupu antibiotiklərin istifadəsi ilə əlaqəli qıcolmalar riskinin yüksəlməsinə səbəb ola bilər. QSİƏP-dən və xinolonlardan eyni zamanda istifadə edən pasiyentlər, qıcolmaların meydana çıxma riskinin yüksəlməsi ilə üzləşə bilərlər;

− probenesid və sulfinpirazon – probenesid və ya sulfinpirazon tərkibli preparatlar ibuprofenin orqanizmdən xaric olmasını tormozlaya bilər;

− antitrombositar preparatlar və selektiv serotoninin geriyə udulmasının bəzi inhibitorları (SGUSİ) – mədə-bağırsaq traktından qanaxmaların meydana çıxma riskinin yüksəlməsi qeyd oluna bilər;

− mifepriston – QSİƏP mifepristonun təsirini zəiflədə bilər və bu səbəbdən, mifepristonun istifadəsindən sonra 8-12 gün müddətində QSİƏP-dən istifadə edilməməlidir;

− kaliumtutucu diuretiklər – İbufen D preparatının və kaliumtutucu diuretiklərin eyni zamanda istifadəsi hiperkaliemiyanın meydana çıxmasına gətirib çıxara bilər (qan zərdabında kaliumun konsentrasiyasına nəzarət etmək tövsiyə olunur).

Hamiləlik və laktasiya dövründə istifadəsi Hamiləlik Hamiləliyin I və II trimestrində vacib olmadığı halda ibuprofendən istifadə etmək olmaz. Hamiləlik planlaşdıran və ya hamiləliyin I və ya II trimestrində olan qadınlarda ibuprofenin istifadəsi vacib olduqda, mümkün qədər qısa müddətə və ən kiçik dozanı istifadə etmək lazımdır. Hamiləliyin III trimestrində ibuprofenin istifadəsi əks göstərişdir. Laktasiya İbuprofen və onun metabolitləri kiçik konsentrasiyada (qəbul edilən dozanın 0,0008%-i) ana südünə nüfuz edir. Hazırkı dövrə qədər ibuprofenin körpəyə zərərli təsiri barədə məlumat olmadığı üçün ağrının və qızdırmanın müalicəsi üçün istifadə edilən dozada ibuprofenlə qısamüddətli müalicə zamanı ana südü ilə qidalandırmanı dayandırmaq vacib deyil.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

İbufen D preparatının yüksək dozada istifadəsi zamanı mərkəzi sinir sistemində yorğunluq və başgicəllənmə kimi, ayrı-ayrı hallarda reaksiya vermək və yol hərəkətində aktiv iştirak etmək və

mexanizmlərlə işləmək qabiliyyətinin pozulmasına qədər gəlib çata bilən əlavə təsirlər təzahür edə bilər. Yuxarıda qeyd edilən xəbərdarlıq xüsusilə preparatın alkoqolla istifadəsinə aiddir.

100 istifadə qaydası və dozası

Dozalanma rejimi Preparatın sutkalıq dozası – 20-30 mq/kq bədən kütləsinə təşkil edir və bölünmüş dozalarda təyin edilir. Tövsiyə olunan dozalanma sxemi: Ağrı sindromu və bədən temperaturunun yüksəlməsi

Uşağın yaşı (bədən kütləsi) Dozalanması 3 aydan 6 aya qədər (5 kq-dan, 7,6 kq-a qədər) sutkada 3 dəfə 2,5 ml 6 aydan 12 aya qədər (7,7 kq-dan, 9 kq-a qədər) sutkada 3-4 dəfə 2,5 ml 1 yaşdan 3 yaşa qədər (10 kq-dan, 15 kq-a qədər) sutkada 3 dəfə 5 ml 4 yaşdan 6 yaşa qədər (16 kq-dan, 20 kq-a qədər) sutkada 3 dəfə 7,5 ml 7 yaşdan 9 yaşa qədər (21 kq-dan, 29 kq-a qədər) sutkada 3 dəfə 10 ml 10 yaşdan 12 yaşa qədər (30 kq-dan, 40 kq-a qədər) sutkada 3 dəfə 15 ml

Vaksinasiyadan sonra bədən temperaturunun yüksəlməsi Suspenziya 1 dəfə 2,5 ml dozada təyin edilir, zərurət yarandığı halda, 6 saatdan sonra preparatı təkrar istifadə etmək olar. 24 saat müddətində 2,5 ml suspenziyanın 2-dən artıq dozası qəbul edilməməlidir. Bədən temperaturu aşağı düşmədiyi halda, həkimə müraciət etmək lazımdır. Preparatın tövsiyə olunan dozasını aşmaq olmaz! İstifadə qaydası Preparat qida qəbulundan sonra, maye ilə birlikdə daxilə qəbul edilməlidir. İstifadə etməzdən əvvəl preparatı bircinsli suspenziya əldə olunana qədər çalxalamaq lazımdır. Preparatın dozaları 6-8 saatlıq intervallarla istifadə edilməlidir (və ya zərurət yarandığı hallarda, preparatın istifadəsi arasında ən azı 4 saatlıq zaman intervalına riayət edilməlidir). Preparatın istifadəsi simptomatik müalicə üçün nəzərdə tutulmuşdur. Preparatı, simptomların yüngülləşdirilməsi və əlavə effektlərin meydana çıxma riskinin aşağı salınması üçün tələb olunan ən aşağı effektiv dozada və ən qısa müddət ərzində istifadə etmək lazımdır. Yaşı 6 aya qədər olan uşaqlarda dərman preparatı yalnız, həkim məsləhətindən sonra və həkim təyinatı əsasında istifadə edilməlidir. 3 aydan 5 aya qədər uşaqlarda preparatın istifadəsindən sonra 24 saat müddətində simptomlar saxlanıldıqda və ya gücləndiyi təqdirdə, həkimə müraciət etmək lazımdır. 6 aydan yuxarı uşaqlarda preparatın istifadəsi fonunda simptomlar 3 gündən artıq müddət ərzində saxlanıldığı və ya gücləndiyi halda, həkimə müraciət edilməlidir. Dozalayıcı-şprisin istifadəsi üzrə təlimat 1. Flakonun qapağını buraraq açmaq (aşağı sıxmaq və saat əqrəbi istiqamətinin əksinə burmaq) lazımdır. 2. Dozalayıcı, flakonun dəliyinə möhkəm sıxılmalıdır. 3. Flakonu bircinsli suspenziya əldə olunana qədər çalxalamaq lazımdır. 4. Dozalayıcını doldurmaq məqsədi ilə flakonu başı aşağı çevirmək və porşeni ehtiyatla aşağı salaraq, ölçü şkalası üzərində tələb olunan göstəriciyə qədər suspenziya ilə doldurmaq lazımdır. 5. Flakon ilkin vəziyyətə qaytarılmalı və dozalayıcı, ehtiyatla əks istiqamətdə burularaq, flakondan çıxarılmalıdır. 6. Dozalayıcının ucluğunu uşaqın ağız boşluğuna yerləşdirmək və sonra, porşeni ehtiyatla sıxaraq, dozalayıcının möhtəviyyatını tədqicən boşaltmaq lazımdır. 7. Preparatın istifadəsindən sonra, flakonu burulan qapaqla bağlamaq və dozalayıcını yumaq və qurulamaq lazımdır.