Bitib
Stokda olanda mənə xəbər verin.Təsredici maddə: 5 ml (1 ampul) inyeksiya məhlulunun tərkibində 1q levokarnitin (L-karnitin) vardır. Köməkçi maddələr: 10%-li xlorid turşusu, inyeksiya üçün su.
İstifadəsinə göstərişlər:
İnyeksiya üçün məhlul Böyüklər, uşaqlar, körpələr və yenidoğulmuşlarda birincili və ikincili karnitin çatışmazlığı. Hemodializ xəstələrdə ikincili karnitin çatışmazlığı. Uzun müddət ərzində hemodializdən keçən xəstələrdə aşağıdakı əlamətlər meydana çıxarsa karnitin çatışmazlığından şübhələnmək lazımdır: 1. Dializ zamanı ağır və davamlı əzələ qıcolmaları və/və ya hipotenziv epizodlar. 2. Həyatın keyfiyyətinə nəzərəçarpacaq dərəcədə mənfi təsir göstərən ümumi enerji çatışmazlığı. 3. Skelet əzələlərinin zəifliyi və/və ya miopatiya. 4. Kardiomiopatiya. 5. Müalicəsi böyük dozalarda eritropoetin tələb edən və ya hətta buna belə rezistent olan anemiya və uremiya. 6. Qidalanmasının pozulması nəticəsində əzələ kütləsinin azalması.
Əks göstərişlər:
Preparatın komponentlərindən hər hansı birinə qarşı yüksək həssaslıq.
Hamiləlik və laktasiya dövründə istifadəsi:
Reproduktiv funksiyaya təsiri siçovul və dovşanlarda öyrənilmişdir. Növlərdən hər hansı birinə teratogen təsiri aşkar edilməyib. Yalnız preparatın maksimal dozası (gündə 600 mq/kq) yeridilmiş dovşanlarda kontrol dovşanlarla müqayisədə post-implantasion itkilərin (döl itkiləri) əhəmiyyətsiz dərəcədə artması baş verib. İnsanlarda bu effektin nəzərəçarpma dərəcəsi məlum deyil. Birincili karnitin çatışmazlığı olan hamilə qadınların preparatı qəbul etməsi ilə bağlı müşahidələr aparılmayıb. Birincili karnitin çatışmazlığı olan hamilə qadınların müalicəni dayandırmasının təhlükəli nəticələrini nəzərə alsaq belə qənaətə gəlmək olar ki, müalicəni vaxtından əvvəl dayandıran ana üçün risk, müalicə davam etdirilərsə döl üçün təxmin edilən nəzəri riskdən qat-qat böyükdür. Levokarnitin, insan südünün təbii komponentidir. Laktasiya dövründə levokarnitinin istifadəsi öyrənilməmişdir.
• İNYEKSİYA MƏHLULU: VENADAXİLİ VƏ YA ƏZƏLƏDAXİLİ TƏYİN ÜÇÜNDÜR. Böyüklər, uşaqlar, körpələr və yenidoğulmuşlar: Preparat azı 2-3 dəq. ərzində, tədricən yeridilməlidir. Müvafiq müalicə aparmaq üçün sidik və plazmada sərbəst və asilləşmiş karnitini yoxlamaq məqsədəuyğundur. Anadangəlmə metabolizm qüsurlarının korreksiyası: Anadangəlmə mübadilə pozğunluqları zamanı preparatın tələb olunan dozası patologiyanın ağırlıq dərəcəsindən asılıdır. Ancaq hər halda aşağıdakı dozalanmadan istifadə etmək olar: Kəskin dekompensasiya zamanı bir gündə, preparatın 3-4 hissəyə bölünmüş şəkildə 100 mq/kq-a qədər doza təyin edilməlidir. Arzuolunmaz halların, xüsusilə ishalın artmasına baxmayaraq daha yüksək dozadada istifadə oluna bilər. Hemodializli xəstələrdə ikincili karnitin çatışmazlığı: İnestom ilə müalicəni başlamazdan qabaq plazmada karnitinin miqdarı mütləq ölçülməlidir. Ikincili karnitin çatışmazlığının əsas əlaməti, plazmadakı asilləşmiş və sərbəst karnitinin miqdarlarının nisbətinin 0,4 –dən böyük olması və/və ya sərbəst karnitinin miqdarının 20 μmol/litr-dən az olmasıdır. Hər dializ prosesinin sonunda venadaxili 20 mq/kq dozada preparat yeridilməlidir (xəstə həftədə 3 dəfə dializdən keçir). İntravenoz müalicə azı 3 ay davam etməlidir, belə ki, əzələlərdə sərbəst karnitinin normal səviyyəsi adətən bu müddətə bərpa olunur. Müalicənin ümumi nəticəsini plazmada asilləşmiş və sərbəst karnitin miqdarlarının nisbətinə və kliniki simptomlara əsasən qiymətləndirmək lazımdır. Karnitinin artımı dayandıqdan sonra miqdarının tədricən azalması baş verəcəkdir. Plazma karnitinini mütəmadi olaraq yoxlamaqla və xəstənin simptomlarına nəzarət etməklə təkrar kurs müalicənin tələb olunub-olunmaması təyin oluna bilər. Hemodializ zamanı dəstəkləyici müalicə: İnestomun venadaxili yeridilməsi ilə bir kursluq vüalicə klinik mənzərənin yaxşılaşmasına səbəb olarsa gündə 1q İnestomun daxilə qəbulu ilə dəstəkləyici müalicə aparıla bilər. Xəstənin dializ olunan günü, İnestom proses qurtardıqdan sonra qəbul edilməlidir.
AZ − AZN
