İngaliös 30 ml Sprey

İNQALİPT-ZDOROVYE, ağız boşluğu üçün sprey

İnqalipt tərkibi

Təsiredici maddələr: 1 balonda 0,75 q həll olan streptosid, susuz natrium sulfatiazola nəzərən 0,54 q natrium sulfatiazol, 0,015 q timol, 0,015 q evkalipt yağı, 0,015 q istiotlu nanə yağı vardır.
Köməkçi maddələr: 96%-li etanol, şəkər-rafinad, qliserin, polisorbat-80, təmizlənmiş su.

Əks göstərişlər
Preparatın istənilən komponentinə qarşı yüksək həssaslıq, anamnezdə sulfanilamidlərə qarşı ağır toksik-allergik reaksiyalar.

Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi həkim nəzarəti altında mümkündür, bu zaman fayda/risk nisbəti nəzərə alınmalı, preparatın dozalanma rejiminə ciddi əməl edilməlidir.

İnqalipt istifadə qaydası, dozası

Böyüklərə və 3 yaşdan yuxarı uşaqlara 1-2 saniyə ərzində ağız boşluğunu preparatla islatmaq və ya püskürtmək yolu ilə istifadə edilir.
Böyüklərə sutkada 3-4 dəfə təyin edilir. Uşaqlara sutkada 1-2 dəfə tətbiq olunur. Müalicə müddəti 3-10 gündür.

Nəqliyyat vasitəsi ilə istifadəsi
Preparat nəqliyyat vasitələrini idarəetmə qabiliyyətinə mənfi təsir etmir, lakin sürücülərdə alkoqol testlərinin nəticəsini təhrif edə bilər.