Təsiredici maddə: 1 tabletin tərkibində 200 mq karbamazepin vardır.
• Epilepsiya;
-ikincili yayılmış və ya onsuz çətin və ya sadə parsial qıcolma tutmaları (şüurun itirilməsi və ya itirilməməilə);
-yayılmış tonik-klonik qıcolma tutmaları;
-qarışıq formalı qıcolma tutmaları. Karbamazepini monoterapiya qismində olduğu kimi kombinəolunmuş terapiyanın tərkibində də istifadə etmək olar.
• Kəkin maniakal vəziyyət; ağırlaşmanın profilaktikası və ya aşırlaşmanın klinik təzahürünün zəifləməsi məqsədilə biopolyar affektiv pozuntular zamanı dəstəkləyici terapiya.
• Alkoqol abstinensiyası sindromu.
• Dağınıq skleroz zamanı üçlü sinirin idiopatik nevralgiyası və üçlü sinirin nevralgiyası (tipik və atipik).
• Dil-udlaq sinirinin idiopatik nevralgiyası.
• Preparatın istənilən komponentinə və ya kimyəvi cəhətdən oxşar dərman vasitələrinə (trisiklik antidepressantlar) qarşı hiperhəssaslıq;
• atrioventrikulyar blokada;
• sümük iliyinin zəifləməsi olan pasiyentlər;
• anamnezində qaraciyər porfiriyası (məsələn, kəskin fasiləli porfiriya, qarışıq porfiriya, dərinin gecikmiş porfiriyası);
• monoaminoksidazanın (MAO) inhibitorları ilə kombinasiya.
Karbamazepinin heyvanlarda peroral istifadəsi qüsurların meydana çıxmasına səbəb olmuşdur. Anaları epilepsiyadan əziyyət çəkən uşaqlarda bətndaxili inkişaf pozğunluqlarının, o cümlədən, anadangəlmə inkişaf qüsurlarının meydana çıxmasına meyllilik qeyd olunur. Bir çox epilepsiya əleyhinə preparatlar kimi, karbamazepinin də həmin pozğunluqların tezliyini yüksəldə biləcəyi barədə məlumatlar daxil olmuşdur, bununla belə, karbamazepinin monoterapiya şəklində istifadəsinin öyrənilməsi istiqamətində aparılan nəzarət olunan tədqiqatlar çərçivəsində əsaslı dəlillər aşkar edilməmişdir. Eyni zamanda, karbamazepinin istifadəsi ilə assosiasiya olunan bətndaxili inkişaf pozğunluqlarının və anadangəlmə inkişaf qüsurlarının, o cümlədən, onurğa yarığının və digər anadangəlmə çatışmazlıqların, məsələn, üz-çənə qüsurlarının, kardiovaskulyar inkişaf qüsurlarının, hipospadiyanın və orqanizmin müxtəlif sistemlərinin inkişaf qüsurlarının meydana çıxması barədə məlumatlar daxil olmuşdur. Preparatdan istifadə etdikdə, aşağıda göstərilən xəbərdarlıqlar nəzərə alınmalıdır:
- karbamazepindən istifadə edən epilepsiyalı hamilə qadınlara xüsusi diqqət yetirmək tələb olunur;
- karbamazepindən istifadə edən qadın hamilə qaldığı halda, hamilə olmağı planlaşdırdıqda və ya hamiləlik dövründə karbamazepinin istifadəsi üçün zərurət meydana çıxdığı halda, preparatın istifadəsinin potensial faydası ehtimal edilən risklə müqayisədə hərtərəfli qiymətləndirilməlidir (xüsusilə, hamiləlik dövrünün I trimestri müddətində);
- reproduktiv yaş dövründə olan qadınlara karbamazepin, mümkün qədər monoterapiya şəklində təyin edilməlidir;
- preparatı minimal effektiv dozalarda təyin etmək və qan plazmasında karbamazepinin səviyyəsinin monitorinqini həyata keçirmək tövsiyə olunur;
- qadın pasiyentlər uşaqda anadangəlmə inkişaf qüsurlarının meydana çıxma riskinin yüksəlməsi
barədə məlumatlandırılmalıdır və onlara antenatal skrininq həyata keçirmək imkanı verilməlidir;
- hamiləlik dövründə xəstəliyin kəskinləşməsi həm ananın, həm də uşağın sağlamlığı üçün təhlükəli ola bilər və bu səbəbdən, effektiv epilepsiya əleyhinə müalicənin aparılması fasiləsiz davam etdirilməlidir. Müşahidə və profilaktika Məlumdur ki, hamiləlik dövründə fol turşusu çatışmazlığının inkişaf etmə ehtimalı mövcuddur. Epilepsiya əleyhinə preparatlar fol turşusu çatışmazlığı səviyyəsinin yüksəlməsinə gətirib çıxara bilər və bu səbəbdən, hamiləlikdən əvvəl və hamiləlik dövründə fol turşusunun əlavə təyin olunması tövsiyə edilir. Yenidoğulmuş uşaqlar Yenidoğulmuş uşaqlarda qanın laxtalanma pozğunluqlarının profilaktikası məqsədi ilə hamiləlik dövrünün son həftələri müddətində analara və yenidoğulmuş uşaqlara K1 vitamininin təyin edilməsi tövsiyə olunur. Yenidoğulmuş uşaqlarda bir neçə qıcolma və/və ya tənəffüs tormozlanması hadisəsi, yenidoğulmuşlarda karbamazepinin və digər qıcolma əleyhinə preparatların istifadəsi ilə əlaqələndirilən bir neçə qusma, diareya və/və ya iştahasızlıq halları barədə məlumatlar mövcuddur. Laktasiya dövrü Karbamazepin ana südünə nüfuz edir (qan plazmasında qeyd olunan konsentrasiyanın 25-60 %-i). Yenidoğulmuş uşaqda əlavə effektlərin inkişaf etməsinin uzunmüddətli ehtimalı və ana südü ilə qidalanmanın üstünlükləri hərtərəfli qiymətləndirilməlidir. Karbamazepindən istifadə edən qadınlar uşaqlarda ehtimal edilən əlavə reaksiyaların (məsələn, yuxuya həddindən artıq meyllilik, allergik dəri reaksiyaları) inkişaf etməsinə nəzarət etmək şərti ilə onları ana südü ilə qidalandıra bilərlər. Fertillik Çox nadir hallarda kişilərdə fertillik pozğunluqları və/və ya spermatogenez göstəricilərinin norma çərçivəsinə nisbətən dəyişməsi barədə məlumatlar daxil olmuşdur.
Başgicəllənmə və yuxululuq nəticəsində karbamazepin qəbul edən pasiyentin sürətli reaksiya (xüsusilə terapiyanın əvvəlində və ya doza seçimi dövründə) vermək qabiliyyəti pozula bilər, bu səbəbə görə avtomobil və ya digər mexanizmləri idarə edərkən pasiyentlər ehtiyatlı olmalıdırlar.
Karbamazepin peroral istifadə üçün nəzərdə tutulmuşdur; adətən, preparatın sutkalıq dozası 2 və ya 3 dəfəlik qəbula bölünür. Preparat qida qəbulu zamanı, yeməkdən sonra və ya qida qəbulu arasında bir qədər maye, məsələn, bir stəkan su ilə birlikdə qəbul edilə bilər. Müalicəyə başlamazdan əvvəl, mənşəyinə görə HLA-A*3101 allelinin daşıyıcıları olan pasiyentlər, allelin mövcudluğunun müəyyən edilməsi məqsədi ilə müayinədən keçməlidirlər, çünki bu halda, ağır dərəcəli əlavə reaksiyaların, məsələn, dəri reaksiyalarının inkişaf etməsi təhrik edilə bilər. Epilepsiya Müalicəni preparatın aşağı sutkalıq dozasının istifadəsindən başlamaq və dozanı, hər bir pasiyentin tələbatının nəzərə alınması ilə korreksiya edərək, tədricən artırmaq lazımdır. Preparatın optimal dozasını seçmək məqsədi ilə qan plazmasında karbamazepinin səviyyəsinin müəyyən edilməsi faydalı ola bilər. Xüsusilə, kombinəolunmuş müalicə aparıldığı halda, preparatın terapevtik dozaları qan plazmasında karbamazepin səviyyəsinin və müalicənin effektivliyinin müəyyən edilməsi əsasında hesablanmalıdır. Böyüklər – preparatın tövsiyə olunan başlanğıc dozası sutkada 1-2 dəfə 100-200 mq təşkil edir. Daha sonra, preparatın dozası optimal effekt əldə olunana qədər tədricən artırılmalıdır; əksər hallarda sutkalıq doza 800-1200 mq təşkil edir. Bəzi pasiyentlərdə preparatın sutkada 1600 mq-a və ya hətta 2000 mq-a qədər dozalarının istifadəsi tələb oluna bilər. Yaşlı pasiyentlər – yaşlı pasiyentlərdə dərman preparatları arasında qarşılıqlı təsirlərin mövcudluğunu nəzərə alaraq, preparatın dozası ehtiyatla seçilməlidir. Uşaqlar – preparatın istifadəsini 100 mq/sutkada dozadan başlamaq olar; doza tədricən – hər həftə
100 mq artırılmalıdır. Preparatın adətən istifadə edilən dozası sutkada 10-20 mq/kq bədən kütləsinə təşkil edir (bir neçə dəfəyə qəbul edilir).
Uşağın yaşı Preparatın sutkalıq dozası 5-10 yaş 400-600 mq (2-3 dəfəyə qəbul edilir) 10-15 yaş 600-1000 mq (2-5 dəfəyə qəbul edilir)
15 yaşdan yuxarı uşaqlara preparat böyüklər üçün istifadə edilən dozalarda təyin edilir. Mümkün olduğu halda, karbamazepin monoterapiya şəklində təyin edilməlidir; lakin, digər dərman preparatları ilə eyni zamanda istifadə edildikdə, preparatın dozasının tədricən artırılması rejiminin istifadəsi tövsiyə olunur. Epilepsiya əleyhinə cari müalicəyə əlavə olaraq karbamazepin təyin edildikdə, hazırda istifadə edilən epilepsiyaəleyhinə preparatın(preparatların) dozalarını dəyişmədən, preparatın dozasını tədricən artırmaq və ya zərurət yarandığı halda, dozanı korreksiya etmək lazımdır. Kəskin maniakal vəziyyətlər və bipolyar affektiv pozğunluqlar zamanı dəstəkləyici müalicənin aparılması Dozalar diapazonu – sutkada təxminən 400 mq-dan 1600 mq-a qədər, adətən, sutkada 2-3 dəfəlik qəbula bölünmüş 400 mq-dan 600 mq-a qədər təşkil edir. Kəskin maniakal vəziyyətlər zamanı preparatın dozasının kifayət qədər sürətlə artırılması tövsiyə olunduğu təqdirdə, bipolyar pozğunluqlar zamanı dəstəkləyici müalicə çərçivəsində optimal tolerantlığın təmin edilməsi məqsədi ilə kiçik dozalarla tədricən artırılması tövsiyə olunur. Alkoqol mənşəli abstinensiya sindromu Preparatın orta dozası sutkada 3 dəfə 200 mq təşkil edir. Ağır vəziyyətlərdə preparatın dozası, müalicənin ilk bir neçə günü müddətində artırıla bilər (məsələn, sutkada 3 dəfə 400 mq-a qədər). Alkoqol mənşəli abstinensiyanın ağır təzahürləri qeyd olunduğu hallarda müalicəni, dozalanmaya dair yuxarıda qeyd edilən göstərişlərə riayət etməklə, Karbamazepin preparatının sedativ- yuxugətirici preparatlarla (məsələn, klometiazol, xlordiazepoksid) kombinasiya şəklində istifadəsi ilə başlamaq lazımdır. Kəskin mərhələ tamamlandıqdan sonra, müalicəni Karbamazepin preparatının monoterapiyada istifadəsi ilə davam etdirmək lazımdır. Üçlü sinirin idiopatik nevralgiyası və dağınıq skleroz zamanı üçlü sinirin nevralgiyası (tipik və atipik), dil-udlaq sinirinin idiopatik nevralgiyası Preparatın başlanğıc dozası sutkada 200-400 mq (yaşlı pasiyentlərdə sutkada 2 dəfə 100 mq) təşkil edir. Preparatın dozası, ağrı hissi aradan qalxana qədər tədricən artırılmalıdır (adətən, sutkada 3-4 dəfə 200 mq-a qədər). Pasiyentlərin əksəriyyətində ağrı qeyd olunmayan vəziyyətin qorunub saxlanılması üçün preparatın sutkada 3 və ya 4 dəfə 200 mq dozasının istifadəsi yetərlidir. Bəzi hallarda preparatın 1600 mq dozasının istifadəsi tələb oluna bilər. Ağrı hissi aradan qalxdıqdan sonra, preparatın dozası tədricən, minimal dəstəkləyici dozaya qədər aşağı salına bilər. Uşaqlar Uşaqlarda karbamazepinin daha sürətli eliminasiyasını nəzərə alaraq, böyüklərlə müqayisədə, preparatın daha yüksək dozalarının (kiloqram bədən kütləsi hesabı ilə) istifadəsi tələb oluna bilər. Karbamazepin tabletləri 5 yaşdan yuxarı uşaqlarda istifadə edilə bilər.
AZ − AZN
