Kolimizol 150 mq N1

Kolimizol, inyeksiya və inhalyasion məhlul hazırlamaq üçün həlledici və liofilizəolunmuş toz

Kolimizol tərkibi

Təsiredici maddə:  1 flakonda 150 mq  kolistinə ekvivalent kolistimetat natrium vardır.

Əks göstərişlər 

Kolistimetat natriuma və ya preparatın tərkibindəki digər maddələrdən hər hansı birinə qarşı hiperhəssaslıq.

Hamiləlik və laktasiya dövründə istifadəsi 

Bu dərman vasitəsini istifadə etməzdən əvvəl həkiminizə və ya əczaçınıza müraciət edin. Kolimizol  ilə müalicə zamanı hamiləsinizsə və ya hamilə qalarsınızsa və ya uşaq sahibi olmağı planlaşdırırsınızsa, həkiminizə məlumat verin. Həkiminiz sizə hamiləlik dövründə bu preparatın istifadəsinin potensial risklərini izah edəcəkdir. Preparat zəruri olmadıqda hamiləlik dövründə istifadə olunmamalıdır. 
Müalicə müddətində hamilə olduğunuzu öyrənsəniz, dərhal həkiminizə və ya əczaçınıza müraciət edin. Kolimizol  dərman vasitəsinin aktiv maddəsinin ana südü ilə xaric olub-olunmadığı bilinmir. Riskləri və faydalarını nəzərə alaraq tibbi ehtiyac olduqda həkim nəzarəti altında istifadə edin.

İstifadə qaydası və dozası 

Müvafiq tətbiq metodu və dozası /tezliyi üçün təlimat 
Həkiminiz xəstəliyinizə, bədən çəkinizə və böyrəyin funksional vəziyyətinə əsasən preparatın dozasını, tətbiq formasını və müddətini müəyyənləşdirəcək və tətbiq edəcəkdir. Kolimizol , böyrək funksiyaları normal olan xəstələrdə infeksiyanın ağırlıq dərəcəsinə əsasən 5 mq/kq/gün ikiyə və ya üçə bölünmüş doza şəklində istifadə olunur.  Artıq çəkili xəstələrdə dozalanma ideal bədən çəkisinə müvafiq tənzimlənməlidir. 
Tətbiq metodu və yolu: 
Kolimizol  əzələdaxili inyeksiya və ya venadaxili yavaş infuziya ilə tətbiq olunur. 
Kolimizol  (150 mq/flakon) 2 ml inyeksiya üçün su ilə hazırlanır. Hazırlanmış məhlul 75 mq/ml kolistinin aktivliyinə ekvivalent kolistimetat natrium ehtiva edir. 
Məhlul hazırlanarkən köpüyün yaranmaması üçün ehtiyatla fırladılmalıdır. 
İnhalyasiya: 
Kolimizol , aşağı tənəffüs yolu infeksiyalarının müalicəsi üçün nebulayzer vasitəsi ilə gündə 50-75 mq dozada 2-3 dəfə 3-4 ml fizioloji məhlul ilə tətbiq olunur.  
Fərqli yaş qrupları 
Uşaqlarda istifadəsi 
Yetkinlər üçün tövsiyə olunan doza tətbiq oluna bilər. 
Yaşlılarda istifadəsi 
Yaşlı xəstələrdə böyrəklərin funksional aktivliyi azaldığı üçün doza seçimi zamanı ehtiyatlı olmaq lazımdır. Doza aralığının aşağı dozasından başlayaraq böyrək funksiyaları izlənilməlidir. 
Qaraciyər çatışmazlığı 
Qaraciyər çatışmazlığı olan xəstələrdə dozanın tənzimlənməsi tələb olunmur. 
Böyrək çatışmazlığı 
Böyrək çatışmazlığı olan xəstələrdə gündəlik doza azaldılmalıdır.                                       Böyrək çatışmazlığı olan xəstələr üçün təklif olunan doza dəyişiklikləri kreatinin klirensinə uyğun olaraq tənzimlənir. Kreatinin klirensi 60 mL/dəq olduqda ümumi gündəlik dozanın minimumu 300 mq, maksimumu isə 420 mq təşkil edir. Kreatinin klirensi 50 mL/dəq olduqda gündəlik doza 262,5–367,5 mq aralığında olur. Klirens 40 mL/dəq olduqda tövsiyə olunan gündəlik doza 225–315 mq, 30 mL/dəq olduqda isə 187,5–262,5 mq təşkil edir. Kreatinin klirensi 20 mL/dəq olan xəstələrdə gündəlik doza 150–210 mq arasında olmalıdır. Kreatinin klirensi ≤10 mL/dəq olduqda isə ümumi gündəlik doza 112,5–157,5 mq təşkil edir. Preparat adətən hər 12 saatdan bir və ya gündə bir dəfə qəbul edilir.                                                                                                  Ümumi gündəlik doza = Qandakı hədəf konsentrasiya (mq/L) x [1,5 x KrKln) + 30] (qandakı hədəf konsentrasiya minimum dozalarda 2,5 mq/L, maksimum dozalarda 3,5 mq/L olaraq qəbul edilir). 
Dozalar ortalama bədən səthinin sahəsi 1,73 m2 (BSA) olan bir nəfər üçün hesablanır (təxminən 70 kq). Dəqiq hesablamalar üçün BSA ilə tənzimlənmiş kreatinin klirensindən istifadə edilməlidir (KrKln = KrKl x BSA /1,73 m2).                                                               Kolimizol 150 mq ə.d./v.d. inyeksion və inhalyasion məhlul üçün liofilizə olunmuş toz və həlledicinin hemodializdə olan xəstələrdə istifadə ediləcək dozası və dozalanma intervalları aşağıdakı kimi tövsiyə olunur.                                                                    Hemodializ fasiləsiz aparılan xəstələrdə hemodializ olmayan günlərdə ümumi gündəlik doza hər 12 saatdan bir 105 mq olmaqla tətbiq edilir. Dializ günlərində isə ümumi 150 mq doza iki yerə bölünür: dozanın birinci yarısı dializin son saatında, ikinci yarısı isə növbəti 12 saat ərzində verilir.                                                                            Ambulator peritoneal dializ (FAPD) alan xəstələr üçün 160 mq birdəfəlik doza tövsiyə olunur.Fasiləsiz böyrək əvəzedici müalicə (FBƏM) alan xəstələrdə orta sabit serum konsentrasiyasının 3,5 µq/mL səviyyəsində saxlanması məqsədilə ümumi doza 672 mq təşkil edir və bu doza hər 12 saatdan bir bölünmüş dozalarda tətbiq olunur.                    Sizdə Kolimizol  dərman vasitəsinin təsirinin çox güclü və ya çox zəif olduğu təəssüratı varsa, həkiminiz və ya əczaçınızla danışın. 
Lazım olduğundan daha çox Kolimizol  preparatı istifadə etmisinizsə həkim və ya əczaçınızla danışın. 
Kolimizol  preparatını istifadə etməyi unutmusunuzsa, unutduğunuz dozanın əvəzinə ikiqat doza qəbul etməyin. 
Kolimizol  preparatı ilə müalicə dayandırıldıqda yarana biləcək təsirlər 
Kolimizol  preparatı ilə müalicəni dayandırmaq istəyirsinizsə, əvvəlcə həkiminizə müraciət edin.