Lantus Solostar 100 TV 3 ml N5 şpris-qələm

LANTUS SOLOSTAR, dərialtı yeridilmə üçün məhlul

Lantus Solostar tərkibi

 Təsiredici maddə:   1 ml məhlulun tərkibində 3,6378 mq (100 BV insan insulinə bərabərdir)  insulin qlarqin vardır. Köməkçi maddələr: metakrezol, sink xlorid, qliserin (85%) (E 422), natrium hidroksid (E524),  xlorid turşusu (E507), təmizlənmiş su. İnsulin qlarqin Escherichia coli bakteriyalarının DNT rekombinasiyası üsulu ilə əldə edilir.

İstifadəsinə göstərişlər:

 Böyüklərdə, yeniyetmələrdə və 2 yaşdan yuxarı uşaqlarda insulin ilə müalicəni tələb edən şəkərli diabet

Əks göstərişlər:

 Təsiredici maddəyə və ya istənilən köməkçi maddəyə qarşı yüksək həssaslıq.

Hamiləlik və laktasiya dövrü:

 Hamiləlik Nəzarət olunan kliniki tədqiqatlarda insulin qlarqinin hamilələrdə istifadəsinə dair əldə edilmiş kliniki məlumatlar mövcud deyil. İnsulin qlarqin ilə müalicənin aparıldığı məhdud sayda hamiləlik halı (300-1000 pasient) bu preparatın hamiləliyə, həmçinin, döl və yenidoğulmuş körpənin sağlamlığına əlavə təsirinin olmadığını göstərmişdir. Hazırda digər əhəmiyyətli epidemioloji məlumatlar mövcud deyil.  Heyvanlar üzərində aparılmış tədqiqatlar nəticəsində insulin qlarqinin embriotoksik və ya fetotoksik təsirləri haqqında birbaşa və ya dolayı məlumatlar əldə edilməmişdir. Hamiləlik zamanı Lantus yalnız kliniki göstərişlərə əsasən istifadə oluna bilər. Əvvəldən diabeti olmuş və ya hestasion şəkərli diabet ilə xəstələr üçün hamiləlik dövründə qlükoza mübadiləsinin düzgün tənzimlənməsinin təmin edilməsi vacibdir. İnsulinə tələbat hamiləliliyin birinci trimestrində azala bilər, ikinci və üçüncü trimestrlərdə, ümumiyyətlə, arta bilər. Doğuşdan dərhal sonra insulinə tələbat sürətlə azalır (hipoqlikemiyanın inkişafı riski artır). Belə hallarda qanda qlükoza səviyyəsinin nəzarəti olduqca vacibdir. Laktasiya dövrü İnsulin qlarqinin ana südünə keçməsinə dair məlumat mövcud deyil. İnsulin qlarqin yenidoğulmuşların orqanizminə daxil olduqda hər hansı bir metabolik təsir göstərmir, çünki zülal olan insulin qlarqin insanın mədə-bağırsaq traktında aminturşularına qədər parçalanır. Laktasiya dövründə qadınlarda insulinin dozalama rejiminin və qidalanma rejiminin tənzimlənməsi tələb oluna bilər.

Lantus Solostar istifadə qaydası, dozası

 Lantusun tərkibində insan insulinin uzunmüddətli təsirli analoqu olan insulin qlarqin vardır. Preparat gündə 1 dəfə eyni zamanda yeridilməlidir. Lantusun dozası və yeridilmə vaxtı fərdi olaraq təyin edilir. 2-ci tip şəkərli diabet olan pasiyentlərdə Lantus monoterapiya şəklində, həmçinin, digər hipoqlikemik dərman maddələri ilə kombinasiyada istifadə oluna bilər. Bu dərman preparatının aktivliyi vahidlər (V) ilə ifadə olunur. Bu vahidlər müstəsna olaraq Lantusa aiddir: bunlar insulinin digər analoqlarının aktivliyini ifadə etmək üçün istifadə edilən vahidlərlə eyni deyil ("Farmakodinamika" bölməsinə bax). Yaşlılar (65 yaşdan yuxarı) Yaşlı pasiyentlərdə böyrəklərin funksiyasının pisləşməsi insulinə tələbatın tədricən azalmasına gətirib çıxara bilər. Böyrək funksiyasının pozulması ilə pasiyentlər Böyrək funksiyasının pozulması ilə pasiyentlərdə insulin metabolizminin pisləşməsi nəticəsində insulinə tələbat azala bilər.  Qaraciyər funksiyasının pozulması ilə pasiyentlər Qaraciyər funksiyasının pozulması ilə pasiyentlərdə qlükoneogenez və insulinin metabolizm imkanlarının azalması nəticəsində insulinə tələbat azala bilər.  Uşaqlar Lantusun təhlükəsizliyi və effektivliyi yeniyetmələr və 6 yaşdan yuxarı uşaqlar üçün müəyyən edilmişdir. 2 yaşdan aşağı uşaqlarda Lantusun istifadəsinə dair tədqiqatlar aparılmamışdır.  Yeridilmə qaydası Preparat dərialtı yeridilmə üçün nəzərdə tutulmuşdur. Preparatın venadaxili yeridilməsi yolverilməzdir. Lantusun təsir müddəti onun dərialtı piy toxumasına yeridilməsi ilə bağlıdır. Dərialtı yeridilmə üçün nəzərdə tutulmuş dozanın vena daxili yeridilməsi ağır hipoqlikemiyanın inkişafı ilə nəticələnə bilər.  Lantusun qarın, çiyin və ya bud nahiyələrinin dərialtı piy toxumasına yeridilməsindən sonra qan zərdabındakı insulin və ya qlükoza səviyyələrində kliniki fərq aşkar olunmamışdır. Preparatın eyni sahəyə yeridilməsi çərçivəsində hər dəfə inyeksiyanın yerinin dəyişdirilməsi zəruridir.  Bu preparatı digər insulin preparatları ilə qarışdırılması və ya həll edilməsi tövsiyə olunmur. Qarışdırıldıqda və ya həll olunduqda onun zaman baxımından təsir profili dəyişə bilər, həmçinin, onun digər insulinlər ilə qarışdırılması çöküntünün əmələ gəlməsi ilə nəticələnə bilər.  SoloStar® şpris-qələminin daxilindəki Lantus yalnız şpris-qələm vasitəsi ilə dərialtı yeridilmə üçün nəzərdə tutulmuşdur. Əgər sizə, insulin inyeksiyasının digər üsul ilə yeridilməsi tələb olunursa, həkiminizi bu haqda məlumatlandırın. SoloStar şpris-qələmini istifadə etməzdən əvvəl onun istifadəsinə dair təlimatı diqqətlə oxumaq lazımdır.