Bitib
Stokda olanda mənə xəbər verin.Təsiredici maddə: 1 flakon liofilizəolunmuş tozun tərkibində 8 mq lornoksikam vardır.
− Yüngül əməliyyatsonrası ağrının qısamüddətli müalicəsi.
− Lornoksikama və preparatın hər-hansı komponentinə qarşı hiperhəssaslıq; − digər QSİƏP, o cümlədən asetilsalisil turşusuna qarşı yüksək həssaslıq (bronxial astma, rinit, angionevrotik ödem və ya övrə zamanı olan simptomlara oxşar simptomlar); − trombositopeniya; − ürək çatışmazlığının ağır forması; − mədə-bağırsaq qanaxmaları, serebro-vaskulyar qanaxmalar və ya digər hematoloji pozğunluqlar; − anamnezdə əvvəllər QSİƏP istifadəsilə əlaqədar mədə- bağırsaq qanaxmaları və ya perforasiyanın olması; − aktiv peptik xora və ya anamnezdə xoranın/qanaxmanın residivləri (≥2 sübut olunmuş xora və ya qanaxmanın yaranması epizodları); − qaraciyər çatışmazlığının ağır forması; böyrək çatışmazlığının ağır forması (plazma kreatininin səviyyəsi >700 μmol/L); − hamiləliyin üçüncü trimestri.
Hamiləlik Lornoksikam hamiləliyin üçüncü trimestrində istifadəsi əks göstərişdir. Lornoksikamın hamiləliyin birinci və ikinci trimestrlərində və doğuş zamanı istifadəsi arzuolunmaz hesab olunur, çünki preparatın bu kateqoriya pasiyentlərdə istifadəsinə dair əldə olunan klinik məlumatlar yoxdur. Lornoksikamın hamilə qadınlarda istifadəsinə dair adekvat məlumatlar yoxdur. Heyvanlar üzərində aparılan tədqiqatlar reproduktiv toksikliyi göstərmişdir.
Prostaqlandinlərin sintezinin inhibə edilməsi hamiləliyə və/və ya dölün/embrionun inkişafına mənfi təsir göstərə bilər. Epidemioloji tədqiqatlardan alınan məlumatlar hamiləliyin erkən müddətində prostaqlandin sintezi inhibitorunun qəbulundan sonra düşük və ürəyin inkişaf qüsurunun yaranması riskinin yüksək olmasını göstərir. Dozanın və müalicə müddətinin artması ilə risk yüksəlir. Heyvan modelləri üzərində aparılan tədqiqatların məlumatları göstərir ki, prostaqlandin sintezi inhibitorunun yeridilməsi embrionun uşaqlıq boşluğuna bitişməsi qabiliyyətinin azalmasına və embrion və dölün itirilməsinə gətirib çıxarır.
Hamiləliyin birinci və ikinci trimestrində prostaqlandin sintezi inhibitorlarını qəbul etmək olmaz, həddsiz ehtiyac olduğu hallar istisna olmaqla. Hamiləliyin üçüncü trimestrində yeridilən prostaqlandin sintezinin inhibitorları döldə ürək -ağciyər toksikliyi (arterial axacağın bağlanması və ağciyər hipertenziyası) və böyrəklərin funksiyasının pozulmasını yarada bilər ki, bu isə böyrək çatış mazlığına və müvafiq olaraq amniotik mayenin miqdarının azalmasına gətirib çıxara bilər. Hamiləliyin gecikmiş dövrlərində prostaqlandin sintezinin inhibitorları anaya və dölə təsir göstərə bilir, qanaxma vaxtını artırmaqla və uşaqlığın yığılmasını zəiflətməklə doğuşun uzanamsına gətirib çıxarır. Beləliklə, lornoksikamın hamiləliyin üçüncü trimestri ərzində istifadəsi əks göstərişdir.
Laktasiya Lornoksikamın ana südünə ifraz olunması barədə məlumatlar yoxdur. Südverən siçovullarda lornoksikam nisbətən yüksək konsentrasiyalarda ana südünə ifraz olunur. Bu səbəbdən lornoksikamı südverən qadınlarda istifadə etmək olmaz.
Preparatın qəbulundan sonra başhərlənmə və/və ya yuxululuq yaranan zaman nəqliyyat vasitəsini idarə etmək və ya digər mexanizmlərlə işləmək olmaz.
Bu buraxılış forması yalnız o halda istifadə olunmalıdır ki, ağrının tez bir zamanda aradan qaldırılması tələb olunsun və ya peroral forma və ya şamların istifadəsi mümkün olmasın. Yalnız müalicənin başlanması üçün, müalicə birdəfəlik inyeksiyadan ibarət olmalıdır. Bütün pasiyentlər üçün dozalanma rejimi müalicəyə qarşı fərdi cavaba əsaslanmalıdır. Ağrı Tövsiyyə olunan doza: 8 mq venadaxili və ya əzələdaxili.
Gündəlik doza 16 mq-dan çox olmamalıdır. Bəzi pasiyentlərə ilk 24 saat ərzində əlavə 8 mq doza tələb oluna bilər. İstifadə qaydası: venadaxili və ya əzələdaxili inyeksiya. Venadaxili inyeksiya formasında istifadəsi zamanı inyeksiya vaxtı 15 saniyədən az olmamalıdır, əzələdaxili inyeksiya zamanı isə – 5 saniyədən az olmamalıdır.
Məhlulun hazırlanmasından sonra iynəni dəyişmək lazımdır. Əzələdaxili inyeksiya üçün kifayət qədər uzun iynədən istifadə olunur. Preparat yalnız birdəfəlik istifadə üçün nəzərdə tutulmuşdur. İnyeksiya üçün məhlul flakonun içindəki tozun 2 ml inyeksiya üçün suda həll etməklə, istifadəsindən bilavasitə öncə hazırlanır.
Hazır məhlul şəffaf yaşılımtıl- sarı rəngli, içində görünən hissəciklər olmayan məhluldur. Dərman vasitəsinin korlanmasını göstərən əlamətlər yarandıqda məhsulu yerli tələblərə uyğun şəkildə utilizasiya etmək lazımdır. Hazır məhlulun kimyəvi və fiziki stabilliyi 21°C (±2°C) temperaturda 24 saat ərzində nümayiş olunmuşdur. Mikrobioloji nöqteyi nəzərdən hazır məhlulu hazırlandıqdan dərhal sonra istifadə etmək lazımdır.
Əgər məhlul hazırlandıqdan dərhal sonra istifadə olunmasa, istifadəsinə qədər saxlanma vaxtı və saxlanma şəraitinə görə məsuliyyəti istifa dəçi daşıyır, zaman müddəti 2 -8°C temper aturda 24 saatdan çox olmamalıdır, preparatın bərpası/durulaşdırılması (və s.) nəzarətli və validasiyalı şəraitdə aparıldığı hallar istisnalıq təşkil edir. Lornoksikam 0,9% natrium xlorid məhlulu, 5% dekstroza (qlükoza) və Ringer məhlulu ilə uyğunluq təşki l edir. Xüsusi qrup pasiyentlər Uşaqlar Uşaqlarda və 18 yaşdan kiçik yeniyetmələrdə istifadəsinin təhlükəsizliyi və effektivliyi barədə məlumatlar olmadığı üçün Lornoksikamın istifadəsi məsləhət görülmür. Yaşlı pasiyentlər Böyrəklərin və ya qaraciyərin f unksional pozğunluqları olmadığı halda 65 yaşdan yuxarı pasiyentlər üçün dozanın korreksiyası tələb olunmur, lakin MBT tərəfindən əlavə təsirlərin yaranması ehtimalı ilə əlaqədar lornoksikamı ehtiyatla istifadə etmək lazımdır.
Böyrəklərin funksiyasının pozulması Böyrəklərin funksiyasının zəif və orta pozulması olan xəstələrdə dozanın azaldılmasının məqsədəuyğunluğu müzakirə olunmalıdır. Qaraciyər funksiyasının pozulması Qaraciyər funksiyasının yüngül pozulması olan pasiyentlər üçün dozanın azaldılmasının məqsədəuyğunluğu müzakirə olunmalıdır. Simptomlar üzərində nəzarətin müəyyən edilməsi üçün lazım olan minimal müddət ərzində minimal effektiv dozadan istifadə etmək yolu ilə əlavə təsirləri minimuma endirmək olar.
AZ − AZN
