Bitib
Stokda olanda mənə xəbər verin.Təsiredici maddələr: 1 q məlhəmin tərkibində 1 mq deksametazon, 3500 BV neomisin sulfat, 6000 BV polimiksin B sulfat vardır.
Ümumi Bakterial infeksiyanın və ya okulyar bakterial infeksiya riskinin olduğu və kortikosteroidlərin təyin edildiyi, gözlərin steroidlərə həssas iltihabi prosesinin qısamüddətli müalicəsi. İnfeksiyaəleyhinə komponent tərkibli kombinə preparatın istifadəsi, infeksiya riskinin yüksək olduğu zaman və ya gözlərdə potensial olaraq təhlükəli sayda bakteriyaların ehtimalı olduqda təyin edilir. Preparatın tərkibindəki infeksiyaəleyhinə iki maddə Staphylococcus aureus, Haemophilius influenzae, Klebsiella/Enetrobacter species and Pseudomonas aeruginosa kimi patogenlərə qarşı aktiv maddələrdir. Bu preparat, Streptococci və Streptococcus pneumonia-ya qarşı adekvat təsir göstərmir. Palpebral və bulbar konyunktiva, buynuz qişa və göz almasının ön seqmentinin iltihabı (ödem və iltihabın azaldılması üçün bəzi infeksiyalı konyunktivitlər zamanı kortikosterid istifadəsinə xas olan risk qəbul edildikdə) zamanı. Həmçinin xronik ön üveit və buynuz qişanın kimyəvi, radiasiya və ya termal yanğınlardan zədələnməsi və ya yad cismin penetrasiyası zamanı təyin edilir. Bundan əlavə, konyunktivit, göz qapaqlarının/göz bəbəyinin iltihabı, buynuz qişa və gözün ön hissəsinin iltihabı, ön qüzehli qişanın xronik iltihabı kimi, bakterial infeksiya riski olan və ya bakterial infeksiya ilə müşayiət olunan və qlükokortikoidlərə həssas göz iltihabları zamanı təyin edilir.
Preparatın təsiredici maddəsinə və ya köməkçi maddələrindən hər hansı birinə qarşı hiperhəssaslıq. Herpes simplex keratiti. Adi çiçək, suçiçəyi, eləcə də buynuz qişanın və ya konyunktivanın digər virus xəstəlikləri. Göz strukturunun göbələk xəstəlikləri və ya gözün müalicə edilməmiş parazitar infeksiyaları. Göz strukturunun mikobakterial infeksiyaları.
Deksametazon, neomisin və ya polimiksin B-nin hamilə qadınlarda istifadəsinə dair məlumat çox azdır və ya ümumiyyətlə yoxdur. Neomisin kimi aminoqlikozid antibiotiklər, hamilə qadınlarda venadaxili yeridilmədən sonra plasentadan keçir. Qeyri-klinik və klinik sistem ekspozisiyanın ototoksiklik və nefrotoksikliyi güncləndirdiyi müşahidə edilmişdir. Bu preparatın aşağı dozada yerli istifadəsi zamanı, neomisinin in utero ekspozisiya ilə ototoksiklik və ya nefrotoksikliyə səbəb olması ehtimal edilmir. Siçovullar üzərində aparılan tədqiqatlarda, neomisinin 25 mq/kq-a (bədən çəkisi/gün) qədər dozada peroral yeridilməsi zamanı, analarda toksiklik, fetotoksiklik və ya teratogenlik əlamətləri müşahidə
edilməmişdir. Kortikoidlərin uzadılmış və ya təkrar istifadəsi, bətndaxili inkişaf geriləmələri ilə əlaqələndirilmişdir. Hamiləlik zamanı, kortikosteroidləri əhəmiyyətli dozada qəbul edən anaların körpələri, hipoadrenal sindromun əlamətlərinə görə diqqətlə müayinə olunmalıdırlar. Heyvanlar üzərində aparılmış tədqiqatlar zamanı, deksametazonun sistem və okulyar istifadəsindən sonra reproduktiv toksiklik qeydə alınmışdır. Polimiksin B-nin boğaz heyvanlarda təhlükəsizliyinə dair məlumat yoxdur. MAKSİTROL göz məlhəmini hamiləlik zamanı istifadəsi tövsiyə edilmir. Deksametazon, neomisin və ya polimiksin B-nin insanlarda ana südünə nüfuz etməsi məlum deyil. Aminoqlikozidlər sistem istifadədən sonra insanlarda südə keçir. Deksametazon və polimiksin B-nin insanlarda südə keçməsi barədə məlumat yoxdur. Lakin deksametazon, neomisin və polimiksin B-nin insanlarda yerli istifadəsindən sonra, ana südündə aşkarlanması və ya klinik təsir göstərməsi ehtimal edilmir. Südəmər körpələr üçün risk istisna edilmir. Ana südü ilə qidalandırmanın və ya müalicənin dayandırılması fərdi fayda/risk nisbətinə nəzərən qərara alınmalıdır. Fertillik Neomisin və ya polimiksinin qadınlar və ya kişilərin reproduktivlik qabiliyyətinə təsiri barədə heç bir məlumat yoxdur. Deksametazonun kişi və ya qadın fertilliyinə təsirini dəyərləndirəcək klinik məlumatlar məhduddur. Xorionik qonadotropin yeridilmiş siçovul modellərində deksametazonun fertilliyə mənfi təsiri olmamışdır.
Müvəqqəti bulanıq görmə və ya digər görmə pozulmaları avtomobil və digər mexanizmləri idarəetmə qabiliyyətinə təsir edə bilər. Bulanıq görmə baş verdikdə görmə qabiliyyəti bərpa olunmayana qədər xəstələr avtomobil və digər mexanizmləri idarə etməkdən çəkinməlidirlər.
Preparat yalnız yerli istifadə üçündür. Birdən artıq oftalmoloji dərman maddəsi təyin edildikdə, dərmanlar ən azı 5 dəqiqə fasilə ilə istifadə edilməlidir. Məlhəm ən sonda tətbiq edilir. Böyüklər və yaşlılar Gün ərzində üç və ya dörd dəfə az miqdarda konyunktival kisəyə tətbiq edilir. Tubun ucu ilə gözə toxunmaqdan çəkinmək lazımdır. Pediatrik xəstələr MAKSİTROL göz məlhəminin təhlükəsizliyi və effektivliyi pediatrik xəstələrdə müəyyən edilməmişdir. Yaşlılar Doza rejimi böyük xəstələrdə olduğu kimidir. Qaraciyər və böyrək funksiyasının pozulması MAKSİTROL göz məlhəmi bu qrup xəstələrdə öyrənilməmişdir. Belə ki, yerli istifadədən sonra, təsiredici maddələrin aşağı sistem absorbsiyasını nəzərə alaraq, dozaya düzəlişlərin edilməsi tələb olunmur.
AZ − AZN
