Bitib
Stokda olanda mənə xəbər verin.Təsiredici maddə: 1 tabletin tərkibində 25mq imipramin hidroxlorid vardır.
- İstənilən növ depressiya (narahatlıqla və ya narahatlıqsız): böyük depressiya, bipolyar pozğunluqların depressiv mərhələsi, atipik depressiya, depressiv vəziyyətlər və distimiya; - panik pozğunluqlar; - gecə enurezi (6 yaşdan yuxarı uşaqlarda; pozğunluğun üzvi səbəbini istisna etmək şərti ilə müvəqqəti köməkçi terapiya olaraq).
- Təsiredici maddəyə, digər benzodiazepin qrupundan olan trisiklik antidepressantlara və ya preparatın tərkibində olan köməkçi maddələrdən (”Tərkibi” bölməsinə baxın) hər hansı birinə qarşı hiperhəssaslıq. - Moklobemid də daxil olmaqla monoaminooksidaza inhibitorları (MAOİ) ilə terapiya (“Digər dərman vasitələri ilə qarşılıqlı təsiri” bölməsinə baxın). - Yaxın zamanlarda baş vermiş miokard infarktı, ürək keçiriciliyinin pozğunluğu, ürək aritmiyası, - maniakal epizod, - qaraciyər və ya böyrək funksiyasının ciddi pozğunluğu, - sidik ləngiməsi, - qapalı bucaqlı qlaukoma, - porfiriya, - 6 yaşa qədər uşaqlar.
Hamiləlik Hamiləlik dövründə bu preparatın təhlükəsizliyi müəyyən edilməmişdir. Bəzi hallarda trisiklik antidepressantların qəbulu və dölün inkişaf qüsurları arasında əlaqə təsdiqlənmişdir, bu səbəbdən hamiləlik dövründə müalicənin gözlənilən faydası mümkün riskdən artıq olmadıqda, hamiləlik dövründə bu preparatların istifadəsindən çəkinmək lazımdır. Doğuşdan əvvəl imipramin qəbul etmiş anaların körpələrində ilk bir neçə saat və ya gün müddətində təngənəfəslik, letargiya, kolikalar, oyanıqlıq, yüksək və ya aşağı arterial təzyiq, tremor və ya spazmlar müşahidə olunmuşdur. İmkan daxilində, imipraminin dozasını doğuşa 7 həftə qalmış tədricən azaltmaqla, onu ləğv etmək lazımdır.
Laktasiya dövrü İmipramin ana südü ilə ifraz olunduğu üçün, müalicəyə zərurət olan hallar istisna olmaqla süd verən analara bu dövrdə preparatın qəbulu qadağandır. Bu halda anaya süd verməmək tövsiyəsi verilməlidir.
Melipramin® preparatının qəbulu bədbəxt hadisə risklərinin artması ilə əlaqəli olduğu üçün, müalicə kursunun əvvəlində həkimin təyin etdiyi müddətdə avtomobil və mexanizmlərin idarəsi qadağan olunur. Sonradan mexanizmləri idarəetmə həcmini və müddətini həkim fərdi qaydada təyin etməlidir. Pasiyentə xəbərdarlıq edilməlidir ki, alkoqol və bəzi preparatlar bu təsiri artıra bilər (“Doza həddinin aşılması” bölməsinə baxın).
Dozalanma rejimi Gündəlik doza və dozalanma rejimi mövcud simptomların xarakteri və ağırlıq dərəcəsi nəzərə alınmaqla fərdi olaraq təyin edilməlidir. Digər antidepressantlarda olduğu kimi, istənilən terapevtik effektə nail olmaq üçün 2-4 həftə (bəzi hallarda 6-8 həftə) tələb olunur. Preparatın qəbulu, minimal effektiv və dəstəkləyici dozaya çatana qədər tədricən artırılan kiçik dozalarla başlanmalıdır. Yaşlılarda və 18 yaşdan şəxslərdə dozanın titrlənməsi xüsusi ehtiyatla aparılmalıdır.
Depressiya 18-60 yaşda ambulator pasiyentlər Adi başlanğıc doza gündə 1-3 dəfə 25 mq təşkil edir, müalicənin ilk həftəsinin sonuna tədricən 150- 200 mq/günə qədər artırılır. Adi dəstəkləyici doza 50-100 mq/gün təşkil edir. 18-60 yaşda stasionar pasiyentlər Stasionar pasiyentlərdə (xüsusilə ağır hallarda) başlanğıc doza 75 mq/gün təşkil edir, sonra günə 25 mq-dan 200 mq-a qədər (və ya müstəsna hallarda 300 mq/günə qədər) artırıla bilər. 60 yaşdan yuxarı və ya 18 yaşdan kiçik pasiyentlər Bu yaş qruplarında olan pasiyentlərdə bu dozalara qarşı yüksək həssaslıq müşahidə oluna bilər, bu səbəbdən onların müalicəsinə mümkün olan ən aşağı dozadan başlamaq lazımdır.
Sonradan ilkin doza tədricən artırılır, əksər hallarda gündə 25-50 mq-a qədər çatdırılır. Optimal dozaya 10 gün ərzində çatmaq və terapiyanın sonuna qədər saxlamaq tövsiyə olunur. Panika pozğunluqları Bu tip pozğunluğu olan pasiyentlər preparatın əlavə təsirlərinə qarşı həssas olduqları üçün müalicəyə mümkün olan ən aşağı dozadan başlamaq lazımdır. Antidepressantlarla müalicənin başlanğıcında narahatlığın müvəqqəti artmasının benzodiazepinlərlə qarşısını almaq/müalicə etmək olar; narahatlıq təzahürlərinin azalması ilə paralel olaraq, benzodiazepinlər tədricən dayandırıla bilər.
Melipramin® preparatının dozası əksər hallarda tədricən gündə 75-100 mq-a qədər artırılır (istisna hallarda, gündə 200 mq-a qədər). Müalicənin minimal müddəti 6 aydır. Terapiya kursunun sonunda Melipramin® preparatının dozasını tədricən azaltmaq tövsiyə olunur. Uşaqlarda gecə enurezi 18 yaşdan kiçik uşaqlar və yeniyetmələr Preparat yalnız 6 yaşdan yuxarı uşaqlarda və gecə enurezin üzvi səbəbini istisna etmək şərti ilə, onun yalnız müvəqqəti köməkçi müalicəsi üçun istifadə edilə bilər.
Tövsiyə olunan dozalar: ˗ 6–8 yaş (bədən kütləsi 20–25 kq): 25 mq/gün; ˗ 9-12 yaş (bədən kütləsi 25-35 kq): 25-50 mq/gün; ˗ 12 yaşdan yuxarı və bədən kütləsi 35 kq-dan çox olan: 50-75 mq/gün. ˗ Melipramin® preparatı 6 yaşdan kiçik uşaqlarda əks göstərişdir (“Əks göstərişlər” bölməsinə baxın). Tövsiyə olunandan daha yüksək dozaların istifadəsinə yalnız preparatın daha aşağı dozası ilə bir həftəlik terapiyadan sonra müalicəyə qənaətbəxş cavabın əldə edilmədiyi hallarda icazə verilə bilər. Uşaqlarda preparatın gündəlik dozası heç bir halda bədən çəkisinə 2,5 mq/kq-dan çox olmamalıdır.
Göstərilən diapazonun minimal dozasından istifadə etmək tövsiyə olunur. Preparatın gündəlik dozasını birdəfəlik, yeməkdən sonra, yatmazdan əvvəl qəbul etmək məsləhətdir. Gecə enurezi gecənin əvvəlində baş verdikdə, preparatın gündəlik dozasını iki bölünmüş dozada - günortadan sonra və yatmazdan əvvəl qəbul etmək tövsiyə olunur. Müalicə müddəti 3 aydan çox olmamalıdır.
Klinik mənzərədə dəyişikliklərdən asılı olaraq, dəstəkləyici doza azaldıla bilər. Müalicə kursunun sonunda Melipramin® preparatının dozasını tamamilə ləğv olunana qədər tədricən azaltmaq tövsiyə olunur. Residiv baş verdikdə, müalicəyə yenidən başlamaq və pasiyentin tam fiziki müayinəsi aparılmalıdır. İstifadə qaydası Preparat daxilə qəbul üçün nəzərdə tutulub.
AZ − AZN
