Merkasin 500 mq 2 ml N1 flakon

MERKASİN, inyeksiya üçün məhlul

Merkasin tərkibi

 Təsiredici maddə: 1 flakonda 100 mq və ya 500 mq amikasin (amikasin sulfat şəklində) vardır. Köməkçi maddələr: natrium sitrat dihidrat, natrium metabisulfit, kükürd turşusu, inyeksiya üçün su.

İstifadəsinə göstərişlər:

 Amikasin aminoqlikozidlər qrupundan olan yarımsintetik antibiotikdir, o, Pseudomonas daxil olmaqla, geniş spektrli qrammənfi mikroorqanizmlərə və bəzi qrammüsbət mikroorqanizmlərə qarşı aktivdir.  Həssas qrammənfi mikroorqanizmlərə aiddir: Pseudomonas aeruginosa, Escherichia coli, indolmüsbət və indol-mənfi Proteus spp., Klebsiella, Enterobacter və Serratia spp., Minea-Herellae, Citrobacter freundii, Salmonella, Shigella, Acinetobacter və Providencia spp. Yuxarıda qeyd olunan, gentamisinə və tobramisinə rezistent qrammənfi mikroorqanizmlərin əksər ştamları in vitro amikasinə qarşı həssas hesab olunurlar.  Amikasinə qarşı həssas əsas qrammüsbət mikroorqanizm Staphylococcus aureus hesab olunur, metisillin-rezistent ştamlar daxil olmaqla. Amikasin müəyyən dərəcədə digər qrammüsbət mikroorqanizmlərə qarşı aktivdir, bəzi Streptococcus pyogenes, Enterococci və Diplococcus pneumoniae ştamları daxil olmaqla.  Merkasin preparatı Pseudomonas spp. daxil olmaqla həssas qrammənfi mikroorqanizm ştamlarının törətdiyi ağır infeksion xəstəliklərin qısamüddətli terapiyası üçün göstərişdir; həmçinin Merkasin preparatını diaqnozlaşdırılmış və ya ehtimal olunan stafilokokk infeksiyasının müalicəsi üçün istifadə etmək olar (o, stafilokoklar tərəfindən törədilən infeksion xəstəliklərin terapiyası zamanı seçim preparatı hesab olunmur). Yuxarıda qeyd olunan vəziyyətlərə qrammənfi mikroorqanizmlər və ya stafilokoklar tərəfindən törədilməsi ehtimal olunan ağır infeksion xəstəliklərin başlanğıc terapiyası, qrammənfi mikroorqanizmlər və ya stafilokoklar tərəfindən törədilən qarışıq infeksiyaların terapiyası, həmçinin digər antibiotiklərə qarşı allergiyası olan pasiyentlərin terapiyası daxildir.  Amikasin ilə terapiyanı mikroorqanizmin həssaslığı müayinəsinin nəticələri əldə olunana qədər başlamaq olar; lazım olduqda, cərrahi müdaxilələr aparıla bilər. Antibakterial vasitələrin müvafiq istifadəsi üzrə rəsmi təlimatlarda olan məlumatlar nəzərə alınmalıdır.

Əks göstərişlər:

  Preparatın təsiredici maddəsinə və ya tərkibində olan hər hansı köməkçi maddəyə qarşı hiperhəssaslıq; ˗ aminoqlikozidlər sinir-əzələ ötürülməsini poza bilər və miasteniya qravis xəstəliyi olan pasiyentlərdə istifadə edilməməlidir. Aminoqlikozidlərə qarşı məlum çarpaz hiperhəssaslıqla əlaqədar bu qrupdan olan istənilən dərman vasitəsinə qarşı əks göstəriş anamnezində aminoqlikozidlərin istifadəsi ilə əlaqəli hiperhəssaslıq və ya ağır əlavə təsirlər ola bilər.

Hamiləlik və laktasiya dövründə istifadəsi:

 Hamiləlik dövründə qadınlarda amikasinin istifadəsinin təhlükəsizliyi müəyyən olunmayıb. Hamiləlik dövründə qadınlarda və yenidoğulmuş uşaqlarda Merkasin preparatı yalnız ciddi zərurət olduğu zaman, və yalnız tibbi müşahidə altında istifadə olunmalıdır. Hamiləlik dövründə qadınlarda aminoqlikozidlərin istifadəsinə dair məhdud məlumatlar vardır. Aminoqlikozid qrupundan olan antibiotiklər plasentar baryerdən keçir və dölə mənfi təsir göstərə bilir. Hamiləlik dövründə streptomisinlə müalicə alan anaların uşaqlarında tam, geridönməyən ikitərəfli anadangəlmə karlıq barədə məlumatlar mövcuddur. Digər aminoqlikozidləri istifadə edən hamilə qadınlarda döl və ya yenidoğulmuşlar ilə əlaqəli mənfi təsirlər bildirilmişdir, bu səbəbdən zərərli təsirlərin potensial riski mövcuddur. Hamiləlik dövründə Merkasin preparatı istifadə edildikdə və ya preparatın qəbulu zamanı hamiləlik baş verdikdə qadın dölə dair potensial riskin olması barədə məlumatlandırılmalıdır.  Laktasiya Amikasin ana südü ilə ifraz olunur. Laktasiya dövründə ana südü ilə qidalandırmanın və ya dərman vasitəsi qəbulunun dayandırılması barədə qərar qəbul etmək lazımdır. Fertillik Siçanlarda və siçovullarda reproduktiv toksikliyin tədqiqatı zamanı amikasin fertilliyə təsir göstərməmişdir və fetotoksik təsirə malik olmamışdır.

Merkasin istifadə qaydası, dozası

 Merkasin preparatı ə/d və v/d yeridilə bilər. Merkasin preparatı digər dərman vasitələri ilə qarışdırılmamalıdır, preparat tövsiyə olunan dozalanma rejiminə və yeridilmə üsuluna müvafiq olaraq ayrıca yeridilməlidir. Merkasin preparatının dozalanma rejimi pasiyentin bədən kütləsinə uyğun olaraq fərdi seçilir.  Merkasin preparatı ilə müalicə zamanı mütəmadi olaraq böyrəklərin funksiyası yoxlanmalıdır.  Böyrəklərin funksiyasını qan zərdabında kreatininin konsentrasiyası (Cсr)  əsasında və ya endogen kreatinin klirensinin (Clсr) hesab göstəricisi əsasında qiymətləndirmək lazımdır; qanda sidik cövhəri azotunun (SCA) səviyyəsi əsasında böyrəklərin funksiyasının qiymətləndirilməsinə daha az üstünlük verilməlidir. Qan zərdabında amikasinin səviyyəsini dərman vasitəsinin konsentrasiyasının yol verilən həddə olması və ondan artıq olmamasını təsdiq etmək məqsədilə yoxlamaq lazımdır. Merkasin preparatı ilə müalicə zamanı mütəmadi olaraq Cmax və Cmin göstəricilərinin yoxlanılması tövsiyə olunur. Cmax (inyeksiyadan 30-90 dəqiqə sonra) 35 mkq/ml-dən artıq, və Cmin (növbəti dozanın yeridilməsindən əvvəl) 10 mkq/ml-dən artıq qeyd olunan vəziyyətlərdən qaçınmaq lazımdır; ehtiyac olduqda, preparatın dozasını müvafiq şəkildə tənzimləmək lazımdır.  Böyrəklərin funksiyası normal olan pasiyentlərdə Merkasin preparatı gündə bir dəfə yeridilə bilər; bu zaman  Cmax 35 mkq/ml-dən artıq ola bilər.  Əksər infeksiyalar zamanı preparatın ə/d yeridilməsi üstün hesab olunur. Həyat üçün təhlükəli infeksiyalar zamanı və preparatın ə/d yeridilməsi mümkün olmayan pasiyentlərdə Merkasin preparatını v/d yavaş şırnaqla inyeksiya şəklində (2-3 dəqiqə) və ya infuziya şəklində (0,25% məhlul; ən azı 30 dəqiqə ərzində) yeritmək olar.  Ə/d və v/d yeridilmə Həssas mikroorqanizmlər tərəfindən törədilən ağırlaşmamış infeksiyalar zamanı tövsiyə olunan dozalarda preparat ilə müalicəyə cavab 24-48 saat ərzində qeyd olunur. 3-5 gün ərzində müalicəyə klinik cavab alınmadıqda alternativ terapiyanın aparılması nəzərə alınmalıdır. V/d yeridilən məhlulun hazırlanmasına ehtiyac olduqda preparatı fizioloji məhlulda və ya 5% dekstrozanın sulu məhlulunda həll edilməlidir.  Hazırlanmış məhlulu dərhal istifadə etmək lazımdır, onu saxlamaq olmaz. Böyüklər və 12 yaşdan yuxarı uşaqlar Böyrəklərin funksiyası normal olan (Clсr 50 ml/dəq və daha çox) böyüklər və 12 yaşdan yuxarı uşaqlar üçün amikasinin tövsiyə olunan dozası ə/d və v/d yeridilmə zamanı gündə bir dəfə 15 mq/kq təşkil edir; tövsiyə olunan doza iki bərabər hissəyə bölünə bilər – 7,5 mq/kq hər 12 saatdan bir. Amikasinin ümumi gündəlik dozası 1,5 q-dan artıq olmamalıdır.  Endokardit və febril neytropeniya zamanı preparatı gündə iki dəfə olan tezliklə yeritmək lazımdır (belə vəziyyətlərdə amikasinin gündə bir dəfə istifadəsinin effektivliyini təsdiqliyən məlumatlar məhduddur). 4 həftədən 12 yaşa qədər uşaqlar Böyrəklərin funksiyası normal olan 4 həftədən 12 yaşa qədər uşaqlar üçün amikasinin tövsiyə olunan dozası ə/d və v/d (yavaş infuziya) yeridilməsi zamanı 15-20 mq/kq gündə bir dəfə və ya  lazımdır (belə vəziyyətlərdə amikasinin gündə bir dəfə istifadəsinin effektivliyini təsdiqliyən məlumatlar məhduddur). Yenidoğulmuş uşaqlar Amikasinin başlanğıc yükləmə dozası 10 mq/kq təşkil edir, daha sonra – 7,5 mq/kq hər 12 saatdan bir. Vaxtından əvvəl doğulmuş yenidoğulmuşlar Amikasinin tövsiyə olunan dozası hər 12 saatdan bir 7,5 mq/kq təşkil edir. Merkasin preparatı ilə müalicənin müddəti bir qayda olaraq, 7-10 gün təşkil edir; amikasinin ümumi gündəlik dozası (yeridilmə yolundan asılı olmayaraq) 15-20 mq/kq-dan artıq olmamalıdır. Ağırlaşmış infeksiyalar zamanı preparatın daha uzunmüddətli istifadəsi (10 gündən artıq) tələb olunduqda amikasin ilə terapiyanın təkrar qiymətləndirilməsi vacibdir və nəticədə dərman vasitəsinin sonrakı istifadəsi zamanı böyrəklərin, eşitmə orqanı və vestibulyar apparatın funksiyasını yoxlamaq, həmçinin qan zərdabında amikasinin səviyyəsini yoxlamaq lazımdır.  Preparatın istifadəsinin başlanmasından 3-5 gün sonra müalicəyə qarşı əhəmiyyətli klinik cavab olmadıqda onun istifadəsini dayandırmaq və infeksiya törədicisinin antibiotiklərə qarşı həssaslığını təkrar qiymətləndirmək lazımdır. Müalicəyə qarşı cavabın olmaması mikroorqanizmin rezistentliyi və ya cərrahi müalicə tələb edən infeksiya ocaqlarının (məsələn, drenaj) olması ilə əlaqədar ola bilər.  V/d yeridilmə üzrə xüsusi tövsiyələr Böyüklərdə v/d infuziyanın müddəti 30-60 dəqiqə təşkil edir. Uşaqlarda həlledicinin həcmi preparatın orqanizm tərəfindən dözülə bilən, lazımi dozasından asılıdır. Bir qayda olaraq, uşaqlarda v/d infuziyanın davametmə müddəti 30-60 dəqiqə təşkil edir; yenidoğulmuşlarda v/d infuziyanın davametmə müddəti 1-2 saat təşkil edir. Yaşlı pasiyentlər Amikasin böyrəklər vasitəsilə xaric olunur. Yaşlı pasiyentlərdə Merkasin preparatının istifadəsi zamanı börəklərin funksiyasına nəzarət edilməlidir; bu pasiyentlərdə böyrəklərin funksiyasının pozğunluqaları qeyd olunduqda, preparatın dozasını müvafiq şəkildə tənzimlənməlidir. Həyat üçün təhlükəli infeksiyalar və/və ya Pseudomonas törətdiyi infeksiyalar Böyüklərdə amikasinin dozası hər 8 saatdan bir 500 mq-a qədər artırıla bilər. Preparatın gündəlik dozası 1,5 q-dan çox olmamalıdır, müalicənin müddəti isə 10 gündən artıq olmamalıdır. Böyüklərdə amikasinin maksimal ümumi dozası 15 q-dan artıq olmamalıdır. Sidik yollarının infeksiyaları (Pseudomonas törətdiyi infeksiyalar istisna olmaqla) Amikasinin gündəlik dozası 7,5 mq/kq təşkil edir, onu iki bərabər hissəyə bölmək tövsiyə olunur (böyüklərdə bu 250 mq amikasin gündə iki dəfə dozalanma rejiminə ekvivalentdir). Sidiyin pH-ı yüksəldikdə amikasinin aktivliyi gücləndiyi səbəbindən sidiyin pH-nı artıran preparatları eyni vaxtda istifadə etmək olar. Böyrəklərin funksiyasının pozğunluğu Böyrəklərin funksiyasının pozğunluğu olan pasiyentlərdə (Clсr 50 ml/dəq-dən az) gündəlik dozada amikasinin birdəfəlik hər gün yeridilməsi tövsiyə olunmur, belə ki, bu pasiyentlərdə Cmin göstəricisinin yüksək dəyərləri qeyd olunacaqdır (aşağıda baxın).  Standart dozalarda (preparatın qəbul tezliyi gündə iki və ya üç dəfə təşkil edir) Merkasin preparatı ilə terapiya qəbul edən, böyrək funksiyasının pozğunluğu olan pasiyentlərdə müvafiq müayinə üsullarından istifadə etməklə qan zərdabında amikasinin konsentrasiyasını nəzarət etmək lazımdır. Belə pasiyentlərdə dozalanma rejimini ya amikasinin standart dozalarda yeridilmələri arasında intervalı artırmaq yolu ilə, yaxud yeridilmələr arasında sabit intervallar zamanı dərman vasitəsinin dozasını azaltmaq yolu ilə tənzimləmək lazımdır.  Hər iki yanaşma Clсr və ya Cсr təyin olunmasını ehtimal edir, belə ki, bu göstəricilər böyrəklərin funksiyasının pozğunluğu olan pasiyentlərdə aminoqlikozidlərin yarımxaricolma dövrünün göstəriciləri ilə korrelyasiya edir. Aşağıda göstərilən amikasinin dozalanma rejimlərini pasiyentin klinik statusunun ciddi monitorinqi ilə və laborator göstəricilərini nəzərə alınmaqla  istifadə etmək lazımdır; lazım olduqda dozalanma rejimlərini müvafiq şəkildə tənzimləmək lazımdır, o cümlədən dializ prosedurlarının aparılması zamanı. Standart dozalarda amikasinin yeridilmələri arasında intervalın uzadılması Clсr təyin edilməsi mümkün olmadıqda, pasiyentin vəziyyəti isə stabil olduqda standart birdəfəlik dozada amikasinin yeridilmələri arasında interval saatla (dərman vasitəsinin gündə iki dəfə yeridilməsi zamanı böyrəklərin funksiyası normal olan pasiyentlərdə doza 7,5 mq/kq) Cсr göstəricisinin 9 rəqəminə vurulması ilə hesablana bilər; (məsələn, əgər Cсr 2 mq/100 ml təşkil edirsə, tövsiyə olunan birdəfəlik dozada (7,5 mq/kq) amikasini 18 saat intervalla yeritmək lazımdır)