MIGTRIP 2.5MG N6 TB

MİQTRİP, 2,5 mq; 5 mq ağız boşluğunda həll olan tabletlər

MİQTRİP tərkibi

Təsiredici maddə: 1 tabletin tərkibində 2,5 və ya 5 mq zolmitriptan vardır.

İstifadəsinə göstərişlər

Aura ilə müşayiət olunan və ya aura olmadan, miqren tutmalarının aradan qaldırılması.

Əks göstərişlər

- İdarə olunmayan arterial hipertenziya; - ürəyin işemik xəstəliyi (ÜİX); - angiospastik stenokardiya (Prinsmetal stenokardiyası); - anamnezdə beyin qan dövranı pozğunluğu və ya tranzitor işemik hücumlar; - erqotamin və ya onun törəmələri və ya 5HT1B/1D-serotonin reseptorların digər aqonistləri ilə birlikdə istifadə; - digər əlavə impuls keçirilmə yolları ilə əlaqəli, WPW sindrom və ya aritmiyalar; - preparatın tərkibində olan hər hansı komponentə qarşı yüksək həssaslıq.

Hamiləlik və laktasiya dövründə istifadəsi

Preparatın hamiləlik dövründə istifadəsinin öyrənilməsi istiqamətində klinik tədqiqatlar aparılmayıb. Miqtrip preparatının hamiləlik dövründə istifadəsi, yalnız ana üçün gözlənilən müalicəvi təsiri döl üçün ehtimal edilən riskdən yüksək olduğu hallarda mümkündür. Laborator heyvanlar üzərində aparılan eksperimental tədqiqatlarda zolmitriptanın teratogen təsiri aşkar edilməyib. Miqtrip preparatının laktasiya (ana südü ilə qidalanma) dövründə təyin olunması barədə qərarı ehtiyatla qəbul etmək lazımdır.

Eksperimental tədqiqatlarda müəyyən edilmişdir ki, zolmitriptan, balalarını ana südü ilə qidalandıran heyvanların südünə nüfuz edir. Zolmitriptanın insanlarda ana südünə nüfuz etməsi barədə heç bir məlumat yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Miqtrip preparatını 20 mq-a qədər dozada qəbul etdikdə, psixomotor testlərin icra edilməsində əhəmiyyətli pisləşmə müşahidə edilməmişdir. Preparatın istifadəsinin pasiyentin potensial təhlükəli fəaliyyət növləri ilə məşğul olma qabiliyyətinin pozulmasına gətirib çıxarma ehtimalı azdır, lakin, pasiyenti yuxuya meylliliyin inkişaf etməsi barədə xəbərdar etmək lazımdır.

MİQTRİP istifadə qaydası və dozası

Miqren tutmasının aradan qaldırılması üçün tövsiyə olunan doza 2,5 mq-dır. Simptomlar 24 saat müddətində saxlanıldıqda və ya yenidən meydana çıxdıqda, Miqtrip preparatının təkrar dozasının istifadəsi tələb oluna bilər. Bu zaman, təkrar dozanı ilk dozadan sonra 2 saat müddətində qəbul etmək olmaz. Miqtrip preparatını 2,5 mq dozada qəbul etdikdən sonra terapevtik effekt əldə olunmadıqda, növbəti miqren tutmalarının aradan qaldırılması üçün preparatı 5 mq dozada istifadə etmək olar.

Klinik əhəmiyyətli effekt, Miqtrip preparatını qəbul etdikdən sonra, 1 saat müddətində meydana çıxır. Preparatın effektivliyi, tabletin tutma başladıqdan sonra hansı müddət keçdiyindən asılı deyil, lakin, Miqtrip preparatını miqren baş ağrısı başladığı andan mümkün qədər tez qəbul etmək tövsiyə olunur. Təkrar miqren tutmaları meydana çıxdıqda, 24 saat ərzində qəbul edilən Miqtrip preparatının ümumi dozası 10 mq-dan artıq olmamalıdır. Qaraciyər funksiyalarının yüngül və orta dərəcəli pozğunluğu olan pasiyentlərə dozanın korreksiyası tələb olunmur, qaraciyər funksiyalarının ağır dərəcəli pozğunluğu olduqda, 24 saat müddətində qəbul edilən preparatın, tövsiyə olunan maksimal dozası 5 mq təşkil edir.

Böyrək funksiyalarının pozğunluğu olan pasiyentlərə, Miqtrip preparatının dozalanma rejiminin korreksiyası tələb olunmur.