Miofedrol relaks inyeksiya üçün məhlul

Miofedrol relaks, inyeksiya üçün məhlul

Miofedrol relaks tərkibi

Təsiredici maddələr:3 ml (1-ci ampul) məhlulun tərkibində 75 mq diklofenak natrium,
2 ml (2-ci ampul) məhlulun tərkibində 60 mq orfenadrin sitrat vardır.

Əks göstərişlər

Diklofenak
Anamnezdə aspirin və ya digər QSİƏP-lərin qəbulundan sonra yaranan anafilaksiya və ya
anqioödem kimi ağır allergik reaksiyalar.
Aspirin istifadəsinə bağlı bronxospazm ilə müşayiət olunan burun polipləri (ağır allergik 
reaksiyaların yüksək riski). 
Qanın anamnezdə və ya hal-hazırda mövcud olan aktiv patoloji dəyişiklikləri və ya 
sümük iliyinin depressiyası ( patoloqiyaları artıra və ya ağırlaşdıra bilər).
Aşağıdakı hallarda ehtiyatla istifadə edilməlidir:
Anamnezdə, aspirin və ya digər QSİƏP-lər tərəfindən törədilmiş allergik rinit, övrə və ya 
səpgi kimi yüngül allergik reaksiyalar (çarpaz həssaslıq);
Anemiya və ya astma (kəskinləşə bilər);
Orqanizmdə mayenin toplanmasına səbəb olan və ya onunla əlaqədar yaranan hallar: 
durğun ürək xəstəlikləri, ödem, hipertenziya, böyrək funksiyasının pozulması və ya 
böyrək çatışmazlığı;
Preparatın mədə-bağırsaq sisteminə toksik təsirini artıran hallar: alkoqolizm və ya 
xərçəng, mədə-bağırsaq sisteminin iltihablı və ya xoralı xəstəlikləri, o cümlədən Kron 
xəstəliyi, divertikulit, anamnezdə və ya hal-hazırda mövcud olan mədə xorası və ya aktiv 
eroziv kolit, tütünün istifadəsi (QSİƏP-lərin istifadəsi lazım gələrsə, xoraya qarşı müalicə
təyin olunmalıdır, mədə-bağırsaq sisteminə toksiklik riskini azaltmaq üçün mizoprostol 
və ya sukralfat istifadə oluna bilər);
Ürək çatışmazlığı, şəkərli diabet, ödem, sepsis (böyrək çatışmazlığı riski);
Hemofiliya, laxtalanma və ya trombositlərin funksiyalarının pozulmaları (qanaxma 
riskinin artması);
Qaraciyər sirrozu və ya qaraciyər funksiyasının pozulması (böyrək çatışmazlığının
riskinin artması);
Yaşlılar (qaraciyərə və ya böyrəklərə mənfi təsiri, mədə-bağırsaq qanaxmaları kimi 
ölümlə nəticələnən ağır halların baş vermə riski daha çoxdur);
Digər QSİƏP-lərlə müalicə zamanı dizuriya, sistit, hematuriya, nefrit və ya nefrotik 
sindromu kimi yaranan hallar;
Natrium qəbulunu məhdudlaşdırmalı olan xəstələr üçün QSİƏP seçərkən preparatda 
natrium miqdarı nəzərə alınmalıdır.
Orfenadrin
Axalaziya;
Sidik yollarının obstruksiyası;
Qlaukoma və ya ona meyillilik;
Miasteniya qravis;
Peptik xora;
Prostat vəzisinin hiperplaziyası;
Pilorik və ya duodenal obstruksiya.
Aşağıdakı hallarda ehtiyatla istifadə edilməlidir:
Anamnezdə orfenadrinə qarşı hiperhəssaslıq;
Ürək xəstəlikləri, aritmiya və ya taxikardiya (taxikardiyaya səbəb ola bilər);
MSS-in depressiyaları (kəskinləşə bilər);
Qaraciyər funksiyasının pozulması (qaraciyərdə metabolizə olunur);
Böyrək funksiyasının pozulması (böyrəklərlə xaric olunur).

Hamiləlik və laktasiya dövründə istifadəsi

Hamiləlik
Hamiləliyin birinci trimestrində diklofenakın istifadəsinə dair tədqiqatlar aparılmayıb. B 
kateqoriyasına aiddir. İkinci və üçüncü trimestrlərdə istifadəsi tövsiyə edilmir.
Hamilə qadınlarda orfenadrinin istifadəsi ilə bağlı heç bir zərərli təsir qeydə alınmayıb. 
Heyvanlar üzərində tədqiqatlar aparılmayıb. Orfenadrin C kateqoriyasın aiddir.
Laktasiya
Diklofenak ana südünə nüfuz edir. Orfenadrinin ana südünə nüfuz edilməsi bilinmir.
Buna baxmayaraq laktasiya dövründə olan qadınlarda preparatın istifadəsi ilə bağlı əlavə təsirlər 
qeydə alınmayıb.

İstifadə qaydası və dozası

Əzələdaxili istifadə edilir.
Preparatın bir dozası 2 ampuldan ibarətdir (№1 və №2). Bir doza (2 ampulun möhtəviyyatı) 2 
gün ərzində hər 12 saatdan bir əzələ daxilinə yeridilir.
Yalnız diklofenak olan ampula aiddir: ağrı aradan qalxmadıqda, yalnız əməliyyatdan sonrakı 
ağrılarda mütləq xəstəxana şəraitində və həkim nəzarəti altında venadaxili istifadə  edilə bilər