Bitib
Stokda olanda mənə xəbər verin.Təsiredici maddə: 1 tabletin tərkibində 250 mq levodopa, 25 mq karbidopa vardır. Köməkçi maddələr: jelatinləşdirilmiş nişasta, qarğıdalı nişastası, indiqokarmin boyası (Е132), mavi rəngli mikrokristallik sellüloza, maqnezium stearat.
İstifadəsinə göstərişlər:
Parkinson xəstəliyinin və parkinsonizm sindromunun müalicəsi.
Əks göstərişlər:
- Preparatın təsiredici və köməkçi maddələrinə qarşı yüksək həssaslıq. - Eyni zamanda monoaminooksidazanın qeyri-selektiv inhibitorlarının (MAO inhibitorları) qəbulu. MAO inhibitorları ilə müalicə Nakomla müalicəyə başlamazdan ən azı 2 həftə əvvəl dayandırılmalıdır. Nakomun istehsalçının tövsiyə etdiyi dozalarda MAO-nun B tipli selektiv inhibitorları ilə (məsələn, selegilin hidroxlorid) eyni zamanda istifadəsinə yol verilir. - Bağlıbucaqlı qlaukoma. - Melanomaya şübhə yaradan dəri dəyişiklikləri və ya anamnezdə melanoma (levodopa melanomanın aktivləşməsinə səbəb ola bilər).
Hamiləlik və laktasiya dövründə istifadəsi:
Nakomun hamiləliyə təsiri tədqiq edilməmişdir. Ona görə də Nakomun doğuş qabiliyyətli qadınlara təyini zamanı potensial fayda və hamiləlik zamanı riski qiymətləndirmək lazımdır. Karbidopanın ana südünə nüfuz edib-etməməsi məlum deyil. Parkinson xəstəliyi olan və uşaq əmizdirən bir qadının südündə levodopa aşkar edilmişdir. Bu preparatın hamiləlik və laktasiya dövründə olan pasiyentlərdə istifadəsi tövsiyə edilmir.
Daxilə qəbul üçün. Оptimal gündəlik doza ehtiyatla yüksəldilməklə fərdi qaydada təyin edilir. Nakom 250 mq/25 mq tabletlərində levodopa və karbidopanın nisbəti 10:1 təşkil edir. Tabletləri iki bərabər hissəyə bölmək olar. Ümumi məlumat Dozalanma pasiyentin fərdi tələbatından asılıdır. Нəm preparatın birdəfəlik dozası, həm də qəbul tezliyi seçilməlidir. Tədqiqatlar göstərir ki, periferik dihidroksifenilalanin-dekarboksilaza gündəlik 70-dən 100 mq-a qədər karbidopa tərəfindən tamamilə inhibə edilir. Aşağı doza qəbul edən pasiyentlərdə ürəkbulanma və qusmanın inkişaf ehtimalı daha yüksəkdir. Nakomla müalicəyə başladıqdan sonra parkinsonizmin müalicəsi üçün standart preparatların qəbulu (tərkibində yalnız levodopa olanlar istisna olmaqla) davam etdirilə bilər, bu zaman onların dozalarına düzəliş edilməsi lazım gələ bilər. Standart başlanğıc doza Başlanğıc doza gündə 1 və ya 2 dəfə ½ tablet təşkil edir. Bununla belə, belə doza bir çox pasiyentdə karbidopanın optimal konsentrasiyasını əldə etmək üçün kifayət etməyə bilər, ona görə də onu, lazım gələrsə, optimal effekt əldə edilənə qədər hər gün və ya iki gündə bir dəfə ½ tablet artırmaq olar. Levodopa ilə müalicədən keçid Levodopanın qəbulu Nakomla müalicəyə başlamazdan ən azı 12 saat əvvəl dayandırılmalıdır (əgər levodopanın təsiredici maddəsi ləng azad olan preparatlarından istifadə edilirsə, ilk dozanın qəbulundan 24 saat əvvəl). Nakom levodopanın əvvəlki gündəlik dozasının ən azı 20%-ni təmin edən dozalarda təyin edilməlidir (bax: “İstifadə qaydası və dozası”). Gündə 1500 mq-dan çox levodopa qəbul edən pasiyentlərin əksəriyyəti üçün tövsiyə olunan başlanğıc doza gündə 3 və ya 4 dəfə 1 tabletdir. Dəstəkləyici müalicə Müalicə fərdidir. Doza preparata müalicəvi cavabdan asılı olaraq təyin edilir. Zərurət yaranarsa, dozanı hər gün və ya günaşırı ½-1 tablet artırmaq olar. Bu zaman maksimal gündəlik doza 8 tabletdən artıq olmamalıdır. Karbidopanın gündə 200 mq-dan artıq dozada istifadə təcrübəsi kifayət qədər deyildir. Maksimal tövsiyə olunan doza Maksimal doza gündə 8 tablet təşkil edir (200 mq karbidopa və 2 q levodopa). Bu, bədən çəkisi 70 kq olan pasiyentlərdə təqribən 3 mq/kq karbidopa və 30 mq/kq levodopaya bərabərdir. Uşaqlar Uşaqlarda və yeniyetmələrdə Nakomun təhlükəsizliyi və effektivliyi sübut edilməmişdir, ona görə də preparatın 18 yaşdan aşağı pasiyentlərə təyin edilməsi tövsiyə olunmur.
AZ − AZN
