Bitib
Stokda olanda mənə xəbər verin.Təsiredici maddə: 1 tabletin tərkibində 5 mq nebivolola ekvivalent olan 5,45 mq nebivolol hidroxlorid vardır.
− Essensial arterial hipertenziyanın müalicəsi; − 70 yaşdan yuxarı pasiyentlərdə standart müalicəyə əlavə kimi stabil, yüngül və orta ağırlıqlı xroniki ürək çatışmazlığının müalicəsi; − Nebipress böyüklərdə istifadə olunur.
− Təsiredici maddəyə və ya istənilən köməkçi maddəyə qarşı yüksək həssaslıq; − qaraciyər çatışmazlığı və ya qaraciyər disfunksiyası; − kəskin ürək çatışmazlığı, kardiogen şok və ya inotrop preparatlarla venadaxili terapiya tələb edən, dekompensasiya mərhələsində olan xroniki ürək çatışmazlığı. Bundan əlavə, nebivolol, digər β-reseptor blokatorları kimi, aşağıdakı hallarda əks göstərişdir: − sinoatrial blokada daxil olmaqla sinus düyününün zəifliyi sindromu; − II və ya III dərəcəli AV blokada (kardiostimulyatorsuz); − anamnezdə bronxospazm və bronxial astma; − müalicə olunmamış feoxromositoma; − metabolik asidoz; − bradikardiya (müalicənin əvvəlində ürək yığılmalarının tezliyi <60 vurğu/dəq.); − arterial hipotenziya (sistolik arterial təzyiq <90 mm. c. st.); − periferik qan dövranın ağır pozğunluqları.
Hamiləlik Nebipress hamiləliyə və/və ya dölə və ya yenidoğulmuşa zərərli təsir göstərə biləcək farmakoloji xüsusiyyətlərə malikdir. Ümumiyyətlə, β-reseptor blokatorları plasentar perfuziyanı aşağı salır. Bu inkişafın ləngiməsi, bətndaxili ölüm, hamiləliyin vaxtından əvvəl pozulması və erkən doğuşla əlaqələndirilir. Bundan əlavə, döldə və yenidoğulmuş körpələrdə hipoqlikemiya və bradikardiya kimi əlavə təsirlər yarana bilər.
Əgər β -reseptor blokatorlarla müalicə zəruridirsə, o zaman β 1- selektiv blokatorlara üstünlük verilməlidir. Mütləq zəruri olmadığı hallarda Nebipress hamiləlik dövründə istifadə olunmamalıdır. Əgər Nebipress ilə müalicə vacib hesab edilirsə, o zaman uşaqlıq -plasenta qan dövranı və dölün inkişafının monitorinqi aparılmalıdır. Hamiləliyə və ya dölə zərərli təsiri aşkar olunarsa, alternativ müalicə nəzərdən keçirilməlidir.
Yenidoğulmuş körpə hərtərəfli monitorinq olunmalıdır. Hipoqlikemiya və bradikardiya kimi simptomların meydana çıxmasını ümumiyyətlə ilk 3 gün müddətində gözləmək lazımdır. Ana südü ilə qidalandırma Heyvanlar üzərində tədqiqatlar nebivololun ana südü ilə xaric edildiyini göstərmişdir. Bu dərman vasitəsinin insanlarda ana südünə hansı dərəcədə nüfuz edib -etməməsi məlum deyildir.
Əksər β - reseptor blokatorları, xüsusilə nebivolol və onun fəal metabolitləri kimi lipofil birləşmələr müxtəlif dərəcədə olsa da ana südünə keçir. Ona görə də, Nebipress ilə müalicə zamanı ana südü ilə qidalandırma məsləhət görülmür.
Nəqliyyat vasitələrini idarəetmə və mexanizmləri istifadə qabiliyyətinə təsiri ilə bağlı heç bir tədqiqat aparılmamışdır. Bundan başqa, farmakodinamik tədqiqatlar göstərmişdir ki, Nebipress psixomotor funksiyaya təsir göstərmir. Lakin yadda saxlamaq lazımdır ki, bəzən başgicəllənmə və yorğunluq baş verə bilər. Bu nəqliyyat vasitələrini və mexanizmləri idarəetmə zamanı nəzərə alınmalıdır.
Hipertenziya Böyüklər Gündəlik doza 1 tablet (5 mq nebivolol) təşkil edir, hansı ki, hər gün eyni vaxtda qəbul edilməlidir. Antihipertenziv effekt müalicənin başlanmasından 1 -2 həftə sonra özünü göstərir. Bəzən optimal effekt yalnız 4 həftədən sonra əldə edilir. Digər antihipertenziv vasitələrlə kombinasiyası Beta-blokatorlar tək və ya digər antihipertenziv vasitələrlə eyni zamanda istifadə oluna bilər.
Əlavə antihipertenziv effekt yalnız Nebipressi 12,5 -25 mq hidroxlortiazidlə kombinə etdikdə müşahidə olunmuşdur. Böyrək çatışmazlığı olan pasiyentlər Böyrək çatışmazlığı olan pasiyentlər üçün məsləhət görülən başlanğıc doza gündə 2,5 mq Nebipress təşkil edir. Ehtiyac olarsa gündəlik doza 5 mq-a qədər artırıla bilər. Qaraciyər çatışmazlığı olan pasiyentlər Qaraciyər çatışmazlığı və ya qaraciyərin funksional pozğunluğu olan pasiyentlərdə preparatın istifadəsinə aid məlumatlar məhduddur.
Ona görə də, Nebipressin bu qrup pasiyentlərdə istifadəsi əks göstərişdir. Yaşlı pasiyentlər 65 yaşdan yuxarı pasiyentlər üçün məsləhət görülən başlanğıc doza gündə 2,5 mq Nebipress təşkil edir. Ehtiyac olarsa, gündəlik doza 5 mq -a qədər artırıla bilər. 75 yaşdan yuxarı pasiyentlərdə istifadə təcrübəsi məhdud olduğundan, bu pasiyentlərdə təyini zamanı ehtiyatlı olmaq lazımdır.
Pasiyentlər hərtərəfli müşahidə olunmalıdır. Pediatriyada 18 yaşdan kiçik uşaqlarda və yeniyetmələrdə Nebipressin təhlükəsizliyi və effektivliyi sübut olunmamışdır. Mövcud məlumat yoxdur. Buna görə də, uşaqlarda və yeniyetmələrdə istifadəsi tövsiyə edilmir.
Xroniki ürək çatışmazlığı Stabil xroniki ürək çatışmazlığının müalicəsi fərdi xəstə üçün optimal fərdi dəstəkləyici doza əldə olunana qədər dozanın tədricən titrlənməsi ilə başlanmalıdır. Belə pasiyentlərə preparat son 6 həftə ərzində kəskin dekompensasiya mərhələsində olmayan stabil xroniki ürək çatışmazlığı hallarıında təyin edilir. Müalicə xroniki ürək çatışmazlığının müalicəsi üzrə təcrübəsi olan həkim tərəfindən aparılmalıdır. Diuretiklər, və/və ya diqoksin və/və ya AÇF inhibitorları və/və ya angiotenzin II reseptorlarının antaqonistləri daxil olmaqla ürək -qan-damar sisteminə təsir göstərən terapiya qəbul edən pasiyentlər üçün bu dərman vasitələrinin dozaları Nebipress ilə müalicəyə başlamazdan əvvəl son 2 həftə ərzində stabilləşdirilməlidir.
Dozanın başlanğıc titrlənməsi pasiyentin preparata qarşı dözümsüzlüyündən asılı olaraq 1 -2 həftəlik intervalla mərhələli şəkildə aparılmalıdır: 1,25 mq Nebipress gündə 1 dəfə, sonra 2,5 mq Nebipressə qədər gündə 1 dəfə, daha sonra gündə 1 dəfə 5 mq-a qədər və nəhayət gündə 1 dəfə 10 mq-a qədər artırıla bilər. Maksimal məsləhət görülən doza gündə 1 dəfə 10 mq təşkil edir. Müalicənin başlanğıcında və hər dəfə dozanın artırılması zamanı klinik vəziyyətin sabit qalmasına (xüsusilə qan təzyiqinə, ürəyin yığılma tezliyinə, keçiricilik pozğunluqlarına, həmçinin ürək çatışmazlığının pisləşməsi əlamətlərinə münasibətdə) əmin olmaq üçün pasiyent ən azı 2 saat təcrübəli həkimin müşahidəsi altında olmalıdır.
AZ − AZN
