Ofloksasin 400 mq N10 tablet

OFLOKSASİN, 200 mq, 400 mq örtüklü tabletlər

Ofloksasin tərkibi

 Təsiredici maddə: 1 tabletin tərkibində 200 mq və ya 400 mq ofloksasin vardır. Köməkçi maddələr: qarğıdalı nişastası, mikrokristallik sellüloza (M102 markalı), talk, kiçikmolekullu povidon (kiçikmolekullu polivinilpirrolidon, povidon K 17), kalsium stearat, kolloid silisium dioksid (aerosil), krospovidon. Örtük: hipromelloza (oksipropilmetilsellüloza), titan dioksid (titan dioksid), makroqol 4000 (polietilenoksid 4000, polietilenqlikol 4000).

İstifadəsinə göstərişlər:

 Ofloksasinə qarşı həssas mikroorqanizmlərin törətdikləri infeksion-iltihabi xəstəliklərin müalicəsi:

 - pielonefrit və sidik-ifrazat yollarının ağırlaşmış infeksiyaları;

 - prostatit, epididimit, orxit;

 - kiçik çanaq orqanlarının infeksiyaları (kombinəolunmuş müalicənin tərkibində). Aşağıda göstərilən infeksion-iltihabi xəstəliklərin müalicəsi üçün ofloksasini yalnız, digər mikrobəleyhinə preparatlara alternativ vasitə şəklində istifadə etmək olar:

 - dərinin və yumşaq toxumaların infeksiyaları;

 - sistit, sidik-ifrazat yollarının ağırlaşmamış infeksiyaları;

 - sümük və oynaq infeksiyaları;

 - kəskin sinusit;

 - xroniki bronxitin kəskinləşməsi, xəstəxanadankənar pnevmoniya;

 - immun vəziyyətin əhəmiyyətli dərəcədə aşağı düşməsi qeyd olunan pasiyentlərdə (məsələn, neytropeniya zamanı) ofloksasinə qarşı həssas mikroorqanizmlərin törətdikləri infeksiyaların profilaktikası. Ofloksasin preparatından istifadə etdikdə, antibakterial preparatların müvafiq istifadəsi üzrə rəsmi milli tövsiyələri və eləcədə, konkret regionda patogen mikroorqanizmlərin həssaslığını nəzərə almaq vacibdir.

Əks göstərişlər:

 - Ofloksasinə, digər xinolonlara və ya preparatın tərkibinə daxil olan köməkçi maddələrdən hər hansı birinə qarşı yüksək həssaslıq;

 - epilepsiya;

 - Qlükoza 6- fosfatdehidrogenaza fermentinin çatışmazlığı;

 - psevdoparalitik miasteniya (myasthenia gravis) (“Əlavə təsirləri” və “Xüsusi göstərişlər və ehtiyat tədbirləri” bölmələrinə bax);

 - anamnezdə flüorxinolonların istifadəsi ilə əlaqəli vətərlərin zədələnməsi qeyd olunduğu halda; - uşaqlar və 18 yaşa qədər yeniyetmələr (uşaqlarda sümüklərin qığırdaq inkişaf zonalarının zədələnməsi riskini tamamilə istisna etmək olmaz);

 - hamiləlik dövrü (döldə sümüklərin qığırdaq inkişaf zonalarının zədələnməsi riskini tamamilə istisna etmək olmaz);

 - laktasiya dövrü (uşaqlarda sümüklərin qığırdaq inkişaf zonalarının zədələnməsi riskini tamamilə istisna etmək olmaz);

 - anamnezdə qıcolmalara meylliliyin olması (kəllə-beyin travması, insult və MSS-də iltihabi proseslərlə bağlı).

Hamiləlik və laktasiya dövründə istifadəsi:

 Hamiləlik dövrü Hamiləlik dövründə ofloksasini istifadə etmək olmaz (“Əks göstərişlər” bölməsinə bax). Laktasiya dövrü Ofloksasin ana südünə ekskresiya olunur, bu səbəbdən, uşaq üçün ehtimal edilən riski nəzərə alaraq, körpələrini ana südü ilə qidalandıran qadınlar preparatdan istifadə etməməlidirlər və ya preparatın istifadəsi üçün zərurət yarandığı halda, ana südü ilə qidalanmanı dayandırmalıdırlar.

Ofloksasin istifadə qaydası, dozası

 Preparat daxilə təyin edilir. Ofloksasinin dozası və müalicənin davametmə müddəti infeksiyanın ağırlıq dərəcəsindən və növündən, pasiyentin ümumi vəziyyətindən və böyrək funksiyalarından asılıdır. Normal böyrək funksiyalı yetkin yaşlı pasiyentlər (kreatinin klirensi 50 ml/dəqiqədən yüksək) Preparatı, 2 dəfəlik (hər 12 saatdan bir) qəbula bölünmüş 400 mq sutkalıq dozada təyin etmək lazımdır. Ağır infeksiyalar zamanı və ya artıq bədən kütləsinə malik pasiyentlərin müalicəsi aparıldıqda, sutkalıq dozanı 600-800 mq-a qədər artırmaq olar. Sidik-ifrazat yollarının aşağı şöbələrinin ağırlaşmamış infeksiyalarında preparatı sutkalıq 200 mq dozada 3-5 gün müddətində təyin etmək lazımdır. Qonoreya zamanı preparat 1 dəfə 400 mq dozada təyin edilməlidir. Preparatın 400 mq-a qədər sutkalıq dozasını 1 dəfə təyin etmək lazımdır, üstünlük preparatın səhər qəbuluna verilir. Preparatın 400 mq-dan yüksək sutkalıq dozasını bərabər zaman intervalı ilə 2 dəfəlik qəbula bölmək lazımdır. Tabletləri bütöv, kifayət qədər su ilə birlikdə istifadə etmək tövsiyə olunur. Preparatı həm qida qəbulundan əvvəl, həm də qida qəbulu zamanı istifadə etmək olar. Ofloksasinin antasidlərlə eyni zamanda istifadəsindən çəkinmək vacibdir. Xüsusi pasiyent qrupları Yaşlı pasiyentlər Yaşlı pasiyentlərdə ofloksasinin dozasının korreksiyası tələb olunmur. Bununla belə, preparatı yaşlı pasiyentlərdə istifadə etdikdə, böyrək funksiyalarına xüsusi diqqət yetirmək lazımdır, çünki, böyrək funksiyaları aşağı düşdüyü halda, dozalanma rejiminin müvafiq korreksiyası tələb oluna bilər. Qaraciyər funksiyalarının pozulmasından əziyyət çəkən pasiyentlər Qaraciyər funksiyaları pozulduqda, ofloksasinin 400 mq sutkalıq dozasını aşmaq tövsiyə olunmur. Böyrək funksiyalarının pozulmasından əziyyət çəkən pasiyentlər Böyrək funksiyaları pozulduğu halda, kreatinin klirensindən asılı olaraq, aşağıda göstərilən dozalanma rejimi tövsiyə olunur: Kreatinin klirensi Birdəfəlik doza (mq)* Preparatın istifadəsinin tezliyi 50-20 ml/dəqiqədə 100-200 Sutkada 1 dəfə (hər 24 saatdan bir) < 20 ml/dəqiqədə** və ya hemodializ və peritoneal dializ 100 və ya 200 Sutkada 1 dəfə (hər 24 saatdan bir) 2 sutkada 1 dəfə (hər 48 saatdan bir) * Göstərişlərə müvafiq. ** Böyrək funksiyalarının ağır dərəcəli pozğunluqlarından əziyyət çəkən pasiyentlərdə və ya dializ proseduraları qəbul edən pasiyentlərdə, ofloksasinin zərdab konsentrasiyalarının monitorinqini aparmaq tövsiyə olunur. Kreatinin klirensini (KK) müəyyən etmək imkanı olmadığı hallarda, onu qan zərdabında kreatininin konsentrasiyasına görə, böyüklər üçün Kokroft formulundan istifadə edərək, hesablamaq olar. Kişilər üçün: KK (ml/dəq) = Bədən kütləsi (kq) × (140 – pasiyentin yaşı, illərdə) 72 x qan zərdabında kreatinin (mq/dl), və ya KK (ml/dəq) = Bədən kütləsi (kq) × (140 – pasiyentin yaşı, illərdə) 0,814 x qan zərdabında kreatinin (mkmol/l). Qadınlar üçün: KK (ml/dəq) = 0,85 × kişilərdə qeyd olunan göstərici. Müalicənin davametmə müddəti Müalicənin davametmə müddəti, xəstəliyin ağırlıq dərəcəsindən asılıdır. Mikrobəleyhinə preparatlarla aparılan istənilən müalicə kimi, ofloksasinlə müalicə bədən temperaturu normalaşdıqdan sonra minimal olaraq, 48-72 saat müddətində və ya törədicilərin eradikasiyasının təsdiqi mövcud olduğu halda, davam etdirilməlidir.