Bitib
Stokda olanda mənə xəbər verin.Təsiredici maddə: 1 şprisdə 40 mq (4000 BV-yə ekvivalentdir) anti-Xa vardır.
Venoz tromboembolik pozğunluqların profilaktikası (venoz damarlarda trombun yaranmasının profilaktikası), əsasən ortopedik və ya ümumi cərrahiyyə ilə əlaqədar olanlarda. Ürək çatışmazlığı, tənəffüs çatışmazlığı, müxtəlif infeksiya və revmatoid xəstəliklər daxil olmaqla, kəskin xəstəlik səbəbindən yataq xəstəsi olanlarda venoz tromboemboliyanın profilaktikası. Hemodializ zamanı ekstrakorporal dövranda trombun yaranmasının profilaktikası. Dərin venaların trombozu, ağciyər emboliyası və ya hər ikisinin venoz tromboemboliya xəstəliyinin müalicəsi.
Qeyri-stabil stenokardiyanın və Q-dalğasız miokard infarktının aspirin ilə yanaşı müalicəsi.
Parinoks, heparin və ya onun törəmələrinə, o cümlədən digər kiçik molekulyar çəkili heparinlərə qarşı hiperhəssaslıq. İdarəolunmayan hemorragiya riski yüksək olan vəziyyətlər, o cümlədən aktiv böyük hemorragiya və yaxın vaxtlarda keçirilmiş hemorragik insult. Son 100 gün ərzində immun sistemilə əlaqədar heparin mənşəli trombositopeniya və ya qan dövranında antitel mövcudluğu. Klinik baxımdan əhəmiyyətli qanaxma və ya yaxın zamanlarda keçirilmiş hemorragik insult, mədə - bağırsaq xorası, yüksək qanaxma riski olan bədxassəli yeni törəmələr, yaxın zamanlarda keçirilmiş beyin, spinal və ya oftolmoloji cərrahi əməliyyatlar, ezofagial eroziyalar, arteriya -venoz malformasiyalar, vaskulyar anevrizmalar və ya intraspinal və ya intraserebral damar anomaliyaları daxil olmaqla, yüksək hemorragik risk daşıyan hallar.
Spinal və ya epidural və ya lokal anesteziyadan 24 saat əvvəl müalicə üçün enoksiparin natrium istifadə edildikdə.
Hamiləlik kateqoriyası B. Nəslartırma potensialına malik qadınlar/Doğuma nəzarət (Kontrasepsiya) Eksperimental tədqiqatlar hər-hansı fetotoksiklik və ya teratogenlik hadisələrini nümayiş etdirməmişdir. İnsanlarda, hamiləliyin ikinci trimestrlərində enoksaparinin plasentar beryerdən keçməsini göstərən hadisələr qeyd olunmamışdır. Birinci və üçüncü trimestrlərə dair məlumatlar əldə olunmamışdır.
Hamiləlik dövrü Hamilə qadınlarda adekvat güclü və yaxşı -nəzarət olunan tədqiqatlar aparılmayıb və heyvanlarda aparılan tədqiqatlar hər zaman insanlar üçün xəbərdaredici olmadığı üçün, bu dərman vasitəsi hamiləlik zamanı yalnız həkim tərəfindən təyin olunduqdan sonra (həqiqətən ehtiyac olduqda) istifadə oluna bilər. Laktasiya dövrü Eksperimental tədqiqatlarda 35S-enoksaparinin və ya onun nişanlı metabolitlərinin südün tərkibində konsentrasiyası çox aşağı olmuşdur. Dəyişilməmiş enoksaparinin insan südünə ekskresiya olunub olunmaması məlum deyildir. Enoksaparinin peroral absorbsiyası az ehtimal olunur.
Buna baxmayaraq, ehtiyat tədbiri kimi laktasiya dövründə olan analar enoksaparin qəbul etdiyi dövrdə südverməkdən imtina etməlidirlər. Reproduktivlik qabiliyyəti/Fertillik Reproduktivlik qabiliyyəti/fertilliyə dair tədqiqatlar aparılmayıb.
Enoksaparinin sürücülüyə və mexanizmləri idarəetmə qabiliyyətinə təsiri məlum deyildir. İstifadə qaydası və dozalar Dozalanma, istifadə tezliyi və müddəti Dərin venaların trombozu, ağciyər emboliyası və ya hər ikisinin venoz tromboemboliya xəstəliyinin müalicəsi Venoz tromboemboliya orta dərəcəli riskə malik pasiyentlərdə (məs. qarın boşluğunda əməliyyat) Parinoksun tövsiyə edilən dozası 20 mq və ya 40 mq təşkil edir. Ümumi cərrahi müdaxilələr zamanı başlanğıc doza əməliyyatdan təxminən 2 saat əvvəl verilməlidir.
Yüksək riskli pasiyentlərdə (məs. ortopedik cərrahiyyə zamanı) dozalanma dərialtına inyeksiya şəklində gündə 40 mq olmalıdır, başlanğıc doza əməliyyatdan təxminən 12 saat əvvəl, və dəstəkləyici doza əməliyyatdan 12-24 saat sonra yeridilməlidir. Ümumilikdə, enoksaparin müalicəsi 7-10 gün təyin olunur. Venoz tromboemboliya riski ilə yataq dövrü uzandıqca enoksaparin ilə müalicənin davametmə müddətinin uzanmasına ehtiyac yarana bilər.
Ortopedik cərrahiyyədə başlanğıc dozadan sonra 40 mq gündə bir dəfə 3 -həftəlik müalicə faydalı hesab olunur. Spinal/epidural anesteziya və dərialtı koronar revaskulirizasiya zamanı xüsusi tövsiyələr üçün bax "Xüsusi göstərişlər və ehtiyat tədbirləri" bəndinə. Tibbi pasiyentlərdə venoz tromboemboliyanın profilaktikası Tövsiyə edilən doza 40 mq gündə bir dəfə dərialtı inyeksiya. Parinoks ilə müalicə minimum 6 gün təyin olunur və tam ambulator vəziyyətə qayıdana qədər, maksimum 14 günə qədər davam edir.
Hemodializ zamanı ekstrakorporal trombun yaranmasının profilaktikası Tövsiyə edilən doza 1 mq/kq təşkil edir. Qanaxma riski yüksək olan pasiyentlər üçün doza 0.5 mq/kq -a qədər azaldılmalıdır ikili damar yolu üçün, və ya tək damar yolu üçün 0.75 mq/kq-a qədər azaldılmalıdır. Hemodializ zamanı Parinoks dializin başlanğıcında arterial xəttə yeridilir və adətən 4 -saatlıq seans kifayət edir. Əgər fibrin halqası aşkar olunarsa sonrakı doza 0.5-1 mq/kq verilə bilər.
Ağciyər emboliyası ilə və ya onsuz venoz tromboemboliyanın müalicəsi Parinoks dərialtına birdəfəlik gündəlik inyeksiya şəklində 1.5 mq/kq və ya gündə iki dəfə 1 mq/kq yeridilir. Ağırlaşmış tromboemboliya xəstəliyi zamanı 1 mq/kq gündə iki dəfə istifadə edilməsi məsləhət görülür. Ehtiyac olduqda peroral antikoaqulyant təyin olunmalıdır və Parinoks terapiyası müvafiq peroral antikoaqulyant təyin olunana qədər davam etdirilməlidir. Qeyri-stabil stenokardiya və Q-dalğası olmayan miokard infarktının müalicəsi Parinoksun tövsiyə edilən dozası hər 12 saatdan bir 1 mq/kq dərialtına inyeksiya, peroral aspirin ilə (100-325 mq gündə bir dəfə) yanaşı təyin olunur.
Bu pasiyentlərdə Parinoks ilə müalicə minimum 2 gün təyin olunmalıdır və klinik stabillik əldə olunana qədər davam etdirilməlidir. Adətən müalicənin müddəti 2-8 gün təşkil edir. İstifadə qaydası Dərialtı inyeksiya Venoz tromboembolik pozğunluqlar, dərin venaların trombozunun müalcəsi, qeyri -stabil stenokardiya və Q-dalğasız miokard infarktının müalicəsi zamanı Parinoks yalnız dərialtı inyeksiya şəklində təyin olunmalıdır. Arteriya xəttilə inyeksiya Hemodializ zamanı ekstrakorporal trombozun yaranmasının profilaktikası üçün Parinoks dializ dövranının arterial xətti daxilinə yeridilir.
O əzələdaxili inyeksiya şəklində istifadə olunmamalıdır. Əvvəlcədən-doldurulmuş birdəfəlik şpris dərhal istifadə üçün hazır vəziyyətdə olur. Dərialtı inyeksiyanın texnikası İnyeksiya pasiyentin uzanmış vəziyyətində icra olunmalıdır. Parinoks dərin dərialtın a inyeksiya olunaraq yeridilir.
Dərman vasitəsi itkisinin qarşısını almaq məqsədilə 20 mq və ya 40 mq əvvəlcədən doldurulmuş şprisdən hava qabarcığını kənarlaşdırmağa çalışmayın. Yeridilmə yeri qarın divarının sol və sağ ön-yan və ya arxa -yan hissəsinə növbələnməklə dəyişdirilməlidir. İynəni bütünlüklə baş barmaq və şəhadət barmağı arasında yığılmış dəriyə şaquli olaraq yeritmək lazımdır. İnyeksiya sona çatana qədər dərini buraxmaq olmaz.
Yeridilmədən sonra inyeksiya yerini sürtmək olmaz. Xüsusi qrup xəstələr üçün əlavə məlumat Böyrək çatışmazlığı "Xüsusi göstərişlər və ehtiyat tədbirləri: Böyrək çatışmazlığı" bəndinə bax. Ağır böyrək çatışmazlığı Ağır böyrək çatışmazlığı olan (kreatinin klirensi <30 ml/dəq) pasiyentlər üçün dozanın korreksiyası tələb olunur (aşağıdakı cədvələ uyğun olaraq), belə ki, bu qrup pasiyentlərdə Parinoksun təsiri əhəmiyyətli dərəcədə yüksəlmiş olur. Terapevtik dozalanma üçün dozanın korreksiyası aşağıdakı kimidir: Standart dozalanma Ağır böyrək çatışmazlığı 1 mq/kq D/A gündə iki dəfə 1 mq/kq D/A gündə bir dəfə 1.5 mq/kq D/A gündə bir dəfə 1 mq/kq D/A gündə bir dəfə 30 mq- birdəfəlik V/D bolüs plyus 1 mq/kq D/A dozanın ardınca 1 mq/kq gündə iki dəfə 30 mq- birdəfəlik V/D bolüs plyus 1 mq/kq D/A dozanın ardınca 1 mq/kq gündə bir dəfə Profilaktik doza həddində dozalanmanın korreksiyası aşağıdakı kimidir: Standart dozalanma Ağır böyrək çatışmazlığı 40 mq D/A gündə bir dəfə 20 mq D/A gündə bir dəfə 20 mq D/A gündə bir dəfə 20 mq D/A gündə bir dəfə Tövsiyə olunan dozalanmanın korreksiyası hemodializ göstərişinə tətbiq edilmir.
Yüngül və orta böyrək çatışmazlığı Həmçinin yüngül böyrək çatışmazlığı (kreatinin klirensi 30 -50 ml/dəq) və ya orta böyrək çatışmazlığı (kreatinin klirensi 50-80 ml/dəq) olan pasiyentlərdə dozalanmanın korreksiyası tövsiyə olunmur, diqqətli klinik monitorinq məsləhət görülür. Qaraciyər çatışmazlığı Klinik tədqiqatlar olmadığı üçün, ehtiyatlı olmaq lazımdır. Pediatrik populyasiya Parinoksun uşaqlarda effektivliyi və təhlükəsizliyi təsdiq olunmayıb. Geriatrik populyasiya Əgər böyrəklərin funksiyası pozulmayıbsa, yaşlılarda dozalanmanın korreksiyasına ehtiyac olmur ("Xüsusi göstərişlər və ehtiyat tədbirləri: Yaşlılarda hemorragiya; İstifadə qaydası və dozalar: Böyrək çatışmazlığı" bəndlərinə bax)
AZ − AZN
