Bitib
Stokda olanda mənə xəbər verin.Təsiredici maddə: 1 tabletin tərkibində 10 mq memantin hidroxlorid vardır.
Mülayim və ya ağır dərəcəli demensiya qeyd olunan Alsheymer xəstəliyindən əziyyət çəkən pasiyentlərin müalicəsi.
Preparatın istənilən komponentinə qarşı yüksək həssaslıq.
Hamiləlik dövrü Hamiləlik dövründə memantinin qadınlar tərəfindən istifadəsi barədə heç bir klinik məlumat yoxdur. Heyvanlar üzərində aparılan tədqiqatların nəticələrində göstərilmişdir ki, preparatın insan üçün terapevtik konsentrasiyalara ekvivalent olan və ya bir qədər yüksək konsentrasiyalarda istifadə edildikdə, döldə bətndaxili inkişafın ləngiməsi baş verə bilər. İnsan üçün preparatın potensial riski məlum deyil. Memantinin hamiləlik dövründə istifadəsi yalnız, ciddi göstərişlərə əsasən mümkündür.
Laktasiya dövrü Memantinin ana südü ilə xaricolması barədə heç bir məlumat yoxdur, bununla belə, preparatın lipofil xüsusiyyətlərini nəzərə alaraq, onun ana südü ilə xaricolması ehtimal edilir. Memantindən istifadə edən qadınlar körpələrini ana südü ilə qidalandırmamalıdırlar. Fertilliyi Memantinin insan fertilliyinə təsiri barədə heç bir məlumat yoxdur.
Mülayim və ya ağır dərəcəli demensiya qeyd olunan Alsheymer xəstəliyindən əziyyət çəkən pasiyentlərdə nəqliyyat vasitəsini və digər potensial təhlükəli mexanizmləri idarəetmə qabiliyyəti adətən pozulur. Memantin nəqliyyat vasitəsini və digər potensial təhlükəli mexanizmləri idarəetmə qabiliyyətinə əhəmiyyətsiz və ya mülayim təsir göstərir və bu səbəbdən, ambulator şəraitdə müalicə qəbul edən pasiyentlər, ehtiyat tədbirlərinə riayət etməyin zəruriliyi barədə məlumatlandırılmalıdırlar.
Müalicəni Alsheymer xəstəliyinin diaqnostikası və müalicəsi təcrübəsinə malik olan həkimin nəzarəti altında başlamaq və həyata keçirmək lazımdır. Müalicəni yalnız, pasiyent tərəfindən preparatın qəbulunun müntəzəm nəzarətinin aparılması şəraitində başlamaq olar. Diaqnoz, qüvvədə olan klinik tövsiyələrə müvafiq müəyyən edilir. Xüsusilə, müalicənin ilk 3 ayı müddətində preparata qarşı tolerantlığın və memantinin dozalanma rejiminin müntəzəm qiymətləndirilməsi tələb olunur.
Gələcəkdə memantinin terapevtik effekti və müalicəyə qarşı tolerantlığı, qüvvədə olan klinik tövsiyələrə müvafiq qiymətləndirilməlidir. Terapevtik effekt saxlanıldıqda və memantin pasiyentlər tərəfindən yaxşı keçirildiyi halda, dəstəkləyici müalicəni davam etdirmək olar. Terapevtik effekt əldə olunmadıqda və ya müalicə pasiyent tərəfindən pis keçirildiyi halda, preparatın istifadəsinin dayandırılmasının mümkünlüyü nəzərdən keçirilməlidir. Preparatın dozaları Böyüklər Dozanın artırılması Preparatın maksimal sutkalıq dozası 20 mq təşkil edir.
Arzuolunmayan reaksiyalar riskini aşağı salmaq məqsədi ilə müalicənin ilk 3 həftəsi müddətində preparatın dozasını, dəstəkləyici doza əldə olunana qədər tədricən, aşağıda göstərilən sxemə əsasən, həftədə 5 mq artırmaq lazımdır: 1-ci həftə (1-7 gün) – pasiyent 7 gün müddətində preparatı sutkada 5 mq dozada qəbul etməlidir. 2-ci həftə (8-14 gün) – pasiyent 7 gün müddətində preparatı sutkada 10 mq dozada qəbul etməlidir. 3-cü həftə (15-21 gün) – pasiyent 7 gün müddətində preparatı sutkada 15 mq dozada qəbul etməlidir. 4-cü həftə və növbəti həftələr – pasiyent preparatı sutkada 20 mq dozada qəbul etməlidir.
Preparatın dəstəkləyici dozası Preparatın tövsiyə olunan dəstəkləyici dozası sutkada 20 mq təşkil edir. Yaşlı pasiyentlər Klinik tədqiqatlar əsasında müəyyən edimişdir ki, yaşı 65-dən yuxarı olan pasiyentlər üçün preparatın tövsiyə olunan sutkalıq dozası yuxarıda göstərilən sxemə müvafiq sutkada 20 mq (sutkada 1 dəfə 10 mq dozada 2 tablet) təşkil edir. Uşaqlar və yeniyetmələr Preparatın təhlükəsizliyi və effektivliyi barədə məlumatların olmamasını nəzərə alaraq, uşaqlarda və 18 yaşa qədər yeniyetmələrdə Polmatin preparatının istifadəsi tövsiyə olunmur. Böyrək funksiyalarının pozulması Böyrək funksiyalarının yüngül pozğunluqları (kreatinin klirensi 50-80 ml/dəqiqədə) qeyd olunan pasiyentlərdə preparatın dozasının korreksiyası tələb olunmur.
Böyrək funksiyalarının mülayim pozğunluqları (kreatinin klirensi 30-49 ml/dəqiqədə) qeyd olunan pasiyentlərdə preparatın sutkalıq dozası 10 mq təşkil edir. Preparat pasiyentlər tərəfindən minimum 7 gün müddətində yaxşı keçirildiyi halda, dozanı standart sxemə müvafiq, sutkada 20 mq-a qədər artırmaq olar. Böyrək funksiyalarının ağır pozğunluqları (kreatinin klirensi 5-29 ml/dəqiqədə) qeyd olunan pasiyentlərdə preparatın sutkalıq dozası 10 mq təşkil edir. Qaraciyər funksiyalarının pozulması Qaraciyər funksiyalarının yüngül və ya mülayim pozğunluqları (Şayld-Pyu şkalasına əsasən A və B sinfləri) qeyd olunan pasiyentlərdə preparatın dozasının korreksiyası tələb olunmur.
Qaraciyər funksiyalarının ağır pozğunluqları qeyd olunan pasiyentlərdə memantinin istifadəsi barədə heç bir məlumat yoxdur. Qaraciyər funksiyalarının ağır pozğunluqları qeyd olunan pasiyentlərdə Polmatin preparatının istifadəsi tövsiyə olunmur. İstifadə qaydası Polmatin preparatını sutkada 1 dəfə günün eyni vaxtında qəbul etmək lazımdır. Örtüklü tabletləri yemək zamanı və ya qida qəbulundan asılı olmayaraq, istifadə etmək olar.
AZ − AZN
