Bitib
Stokda olanda mənə xəbər verin.PROKETAN D 50 MQ tərkibi, 1 ampulda (2 ml) 73, 80 mq deksketoprofen trometamol vardır (50 mq deksketoprofenə ekvivalentdir).
▪ cərrahi əməliyyatdan sonrakı ağrılar ▪ böyrək sancıları ▪ bel ağrıları.
Dərman vasitəsi aşağıdakı hallarda istifadə olunmamalıdır: ▪ Deksketoprofen trometamola və ya digər qeyri-steroid iltihabəleyhinə preparatlara, həmçinin dərman vasitəsinin tərkibində olan köməkçi maddələrin hər hansı birinə qarşı yüksək həssaslıq; ▪ Xəstənin anamnezində ibuprofen, asetilsalisil turşusu və digər qeyri-steroid iltihabəleyhinə prepratların tətbiqində baş vermiş yüksək həssaslıq əlamətləri (məsələn, bronxial astma, qeyri-infeksion allergik rinit, angionevrotik ödem və ya övrə); ▪ Peptik (mədə və ya onikibarmaq bağırsağının) aktiv və ya ehtimal edilən xorası/qanaxması və ya təkrarlanan peptik xora/qanaxma (xoralaşmanın və ya qanaxmanın dəqiq müəyyən edilmiş ≥2 hadisəsi) və ya anamnezdə qanaxmanın və ya peptik xoranın mövcudluğu; ▪ Mədə-bağırsaq qanaxmaları və ya digər kəskin qanaxmalar yaxud hemorragiyaya meyillilik halları; ▪ Anamnezdə qeyri-steroid iltihabəleyhinə vasitələrin tətbiqində yaranan mədə-bağırsaq qanaxmaları və ya perforasiya; ▪ Qeyri-spesifik xoralı kolit və ya Kron xəstəliyi; ▪ Anamnezində bronxial astması olan xəstələr; ▪ Ağır ürək çatışmazlığı ilə xəstələr; ▪ Orta və ağır dərəcəli böyrək disfunksiyası ilə xəstələr (kreatinin klirensi<50 ml/dəq); ▪ Ağır dərəcəli qaraciyər disfunksiyalı xəstələr (Çayld-Pyu şkalası üzrə 10-15 xal); ▪ Hemorragik diatez və ya qanın digər laxtalanma pozulmaları; ▪ Hamiləliyin üçüncü trimestri və ya əmizdirmə dövrü. ▪ Xroniki dispepsiyası olan pasiyentlər. ▪ Ketoprofen və ya fibratlarla müalicə zamanı yaranan fotoallergik və fototoksik reaksiyalar. ▪ Kəskin dehidratasiyası olan xəstələr (qusma, diareya və ya kifayət qədər maye qəbul edilmədikdə). ▪ CABG (coronary artery ByPass Grafting (koronar arteriyaların şuntlama əməliyyatı)) zamanı perioperativ ağrı. Dərman vasitəsinin köməkçi maddələrinin tərkibinə etanol daxil olduğundan neyroaksial olaraq (intratekal və ya epidural) yeridilməməlidir.
Hamiləliyin üçüncü trimestrində dərmanın istifadəsi əks göstərişdir. Hamiləliyin І və ІІ trimestrində ciddi zərurət yaranmadıqda deksketoprofen trometamol təyin olunmamalıdır. Hamilə qalmağı planlaşdıran və ya hamiləliyin І və ІІ trimestrində olan qadınlarda deksketoprofen trometamolun tətbiqi minimal effektiv dozada və mümkün qədər qısamüddətli müalicə kursu ilə təyin edilməlidir. İstifadə edilən bütün prostaqlandin sintezi inhibitorları ana və döldə aşağıda qeyd olunan riskləri törədirlər: • ІІІ trimestrdə – döl üçün: ▪ kardiopulmonar toksik sindrom (arterial axacağın obliterasiyası və ağciyər hipertenziyası); ▪ oliqohidroamnionun inkişafı ilə müşayiət olunan və böyrək çatışmazlığınına gətirib çıxara bilən böyrək disfunksiyası; • Hamiləliyin sonunda – ana və yenidoğulmuş üçün: ▪ qanaxma müddətinin uzanması riski (hətta aşağı dozada qəbul olunduqda – trombositlərin aqreqasiyasının inhibə olunması nəticəsində); ▪ uşaqlığın yığılmalarının ləngiməsi və bununla əlaqəli doğuş fəaliyyətinin ləngiməsi və ya doğuşun uzanması. Deksketoprofen trometamolun ana südündə aşkar olunması haqqında heç bir məlumat yoxdur. Proketan D əmizdirən qadınlara təyin olunmur.
HƏKİM MƏSLƏHƏTİ OLMADAN İSTİFADƏ OLUNMUR! Tövsiyə olunan doza 50 mq təşkil edir və hər 8-12 saatdan bir yeridilir. Gündəlik doza 150 mq artıq olmamalıdır. Ehtiyac olduqda təkrar doza 6 saatdan sonra da yeridilə bilər. Dərman vasitəsi xəstəlik simptomlarının aradan qaldırılması üçün kəskin dövrdə qısamüddətli müalicə kursu ilə istifadə olunur (ən çox 2 gün). Mümkün olduqda xəstələr dərman vasitəsinin oral qəbuluna keçirilməlidir. Əlavə təsirlərin riskinin azaldılması üçün dərman ən aşağı effektiv dozada ən qısamüddətli kursla təyin edilməlidir. Cərrahi əməliyyatdan sonrakı orta və ağır dərəcəli ağrılarda Proketan D böyüklərə tövsiyə olunan dozada opioid analgetikləri ilə kombinasiyada istifadə oluna bilər. Venadaxili istifadə üçün ampulun içindəki məhlul (2 ml) 30-100 ml 0.9% NaCl, qlükoza və ya Ringer məhlulları ilə qarışdırılmalıdır. Yeni məhlul aseptik şəraitdə və günəş şualarından qorunaraq hazırlanmalı və şəffaf olmalıdır. Proketan D-ın 100 ml 0,9% NaCl və ya qlükoza məhlulları ilə həll edilərək hazırlanmış məhlul dopamin, heparin, hidroksizin, lidokain, morfin, petidin və teofillin ilə uyuşqanlıq göstərir. Hazırlanmış məhlulun polietilen paketlərdə, yaxud infuziya üçün etilvinilasetat (EVA), propionat-sellüloza (CP), aşağı sıxlıqlı polietilen (LDPE) və polivinilxloriddən (PVC) hazırlanmış xüsusi plastik qablarda saxlanılması zamanı təsiredici maddənin digər həlledicilərlə qarşılıqlı təsiri və ya saxlanma şərtləri dəyişilmir. Dərman vasitəsi birdəfəlik istifadə üçün nəzərdə tutulub, istifadə edilməmiş məhlul atılmalıdır. İstifadədən əvvəl məhlulun şəffaflığına və rəngsiz olmasına əmin olunmalıdır. Gözlə görünən cisimlər olduğu təqdirdə məhlul istifadə edilməməlidir.
AZ − AZN
