Bitib
Stokda olanda mənə xəbər verin.Təsiredici maddə: 1 tabletin tərkibində 20 mq rivaroksaban vardır.
Təsiredici maddəyə və ya köməkçi maddələrdən hər hansı birinə qarşı yüksək həssaslıq;
Aktiv klinik əhəmiyyətli qanaxma;
Zədələnmə və ya böyük qanaxma üçün əhəmiyyətli bir risk hesab edilən vəziyyət. Bura mədə-bağırsaq traktının cari və ya yaxın zamanlardakı xorası, yüksək qanaxma riski olan bədxassəli yenitörəmələrin olması, baş beyin və ya onurğa beynində yaxın zamanlarda baş vermiş travma, baş beyində, onurğada və ya gözdə yaxın zamanlarda cərrahi əməliyyatın aparılması, yaxın zamanlarda kəllədaxili qanaxmanın baş verməsi, qida borusu venalarının təsdiq olunmuş və ya şübhəli varikoz genişlənməsi, arteriovenoz malformasiyalar, damar anevrizmləri və ya böyük intraspinal və ya intraserebral damar anomaliyaları daxil ola bilər;
Mərkəzi venoz və ya arterial kateterin işləməsini təmin etmək üçün lazım olan dozalarda
fraksiyalaşdırılmamış heparin istifadəsi və antikoaqulyant terapiyaya keçid olan xüsusi hallar istisna olmaqla, hər hansı digər antikoaqulyantlarla, məsələn, fraksiyalanmamış heparin, aşağı molekulyar çəkili heparinlər (enoksaparin, dalteparin daxil olmaqla), heparin törəmələri (fondaparinuks daxil olmaqla), oral antikoaqulyantlar (varfarin, apiksaban, dabiqatran daxil olmaqla) ilə eyni vaxtda müalicə
Çayld-Pyu təsnifatına görə B və C sinif ilə qaraciyər sirrozu olan pasiyentlər daxil olmaqla, koaqulopatiya ilə və klinik əhəmiyyətli qanaxma riski ilə əlaqəli qaraciyər xəstəliyi;
Hamiləlik və laktasiya dövrü.
Hamiləlik
Rivaroksaban tabletlərinin hamilə qadınlarda təhlükəsizliyi və effektivliyi müəyyən olunmamışdır. Heyvanlar üzərində aparılan tədqiqatlarda reproduktiv toksiklik aşkar edilmişdir. Potensial reproduktiv toksikliyə görə, daxili qanaxma riskinə və Rivaroksabanın plasentadan keçməsinə dair dəlillərə əsasən Rivaroksaban tabletlərinin hamiləlik dövründə istifadəsi əks göstərişdir.
Uşaq doğma potensialı olan qadınlar Rivaroksabanla müalicə zamanı hamilə qalmaqdan çəkinməlidirlər.
Laktasiya dövrü
Laktasiya dövründə Rivaroksaban tabletlərinin təhlükəsizliyi və effektivliyi müəyyən olunmamışdır. Heyvanlardan alınan məlumatlar Rivaroksabanın südlə xaric olunduğunu göstərir. Buna görə laktasiya dövründə Rivaroksaban tabletlərinin istifadəsi əks göstərişdir. Ana südü ilə qidalandırmanın dayandırılması və ya müalicədən imtina/müalicənin dayandırılması barədə qərar qəbul edilməlidir.
Fertillik
İnsanlarda fertilliyə təsirləri qiymətləndirmək üçün Rivaroksabanla bağlı heç bir xüsusi tədqiqat
aparılmamışdır. Siçovullar üzərində aparılan tədqiqatda erkək və dişi fertilliyi ilə bağlı heç bir təsir qeyd edilməmişdir.
18 yaşdan aşağı uşaqlarda preparatın effektivliyi və təhlükəsizliyi aşkar edilmədiyi üçün bu kateqoriyada preparatın istifadəsi məsləhət görülmür.
Tövsiyə olunan doza gündə bir dəfə 20 mq təşkil edir və bu, maksimal tövsiyə olunan dozadır.
Rivaroksaban ilə müalicə insult və sistemli emboliyanın profilaktikasının faydası qanaxma riskindən üstün olduqda uzunmüddətli davam etdirilməlidir.
Preparatın dozası unudulduqda pasiyent onu dərhal qəbul etməli və daha sonra tövsiyə olunduğu kimi gündə bir dəfə qəbul etməyə davam etməlidir. Unudulmuş dozanı əvəz etmək üçün eyni gündə ikiqat doza qəbul edilməməlidir.
Kəskin DVT və AE zamanı preparatın tövsiyə olunan ilkin dozası ilk 3 həftə ərzində gündə iki dəfə 15 mq təşkil edir. Bundan sonra təkrarlanan DVT və AE-nin uzunmüddətli müalicəsi və profilaktikası üçün gündə bir dəfə 20 mq qəbul edilir.
Əsas keçici risk faktorları (məsələn, yaxın zamanda keçirilmiş geniş cərrahi əməliyyat və ya travma) ilə əlaqəli DVT və ya AE olan pasiyentlərdə qısamüddətli müalicə (ən azı 3 ay) nəzərə alınmalıdır.
Əsas keçici risk faktorları ilə əlaqəli olmayan, səbəbsiz və ya anamnezdə təkrarlanan DVT və AE hallarında isə uzunmüddətli müalicə tövsiyə olunur.
Təkrarlanan DVT və AE-nin geniş profilaktikası (ən azı 6 aylıq müalicədən sonra) üçün tövsiyə olunan doza gündə bir dəfə 10 mq təşkil edir.
Təkrarlanma riski yüksək olan pasiyentlərdə (məsələn, ağır yanaşı xəstəliklər olduqda və ya 10 mq fonunda təkrarlanma baş verdikdə) doza gündə bir dəfə 20 mq-a qədər artırıla bilər.
Müalicə müddəti və doza seçimi müalicənin faydası ilə qanaxma riski müqayisə edilərək müəyyən edilməlidir.
1–21-ci gün: 15 mq gündə 2 dəfə (ümumi gündəlik doza 30 mq)
22-ci gündən sonra: 20 mq gündə 1 dəfə
Profilaktika (≥6 ay müalicədən sonra): 10 mq və ya 20 mq gündə 1 dəfə
Gündə iki dəfə 15 mq qəbul edilən mərhələdə bir doza unudularsa, pasiyent həmin gün ümumi 30 mq dozanı təmin etmək üçün dərhal qəbul etməlidir (eyni vaxtda iki 15 mq tablet qəbul edilə bilər).
Gündə bir dəfə qəbul edilən mərhələdə doza unudularsa, dərhal qəbul edilməli və növbəti gün adi rejimə qayıdılmalıdır. Eyni gündə ikiqat doza qəbul edilməməlidir.
Diz və ya bud sümüyü dəyişdirmə əməliyyatı keçirmiş böyüklərdə tövsiyə olunan doza gündə bir dəfə 10 mq təşkil edir.
İlkin doza əməliyyatdan 6–10 saat sonra, hemostaz təmin olunduqda verilməlidir.
Bud sümüyü əməliyyatı: 5 həftə
Diz oynağı əməliyyatı: 2 həftə
K vitamininin antaqonistlərindən (KVA) RİBAKSAN-a keçid:
İnsult profilaktikası üçün BNN ≤3,0 olduqda
DVT/AE üçün BNN ≤2,5 olduqda başlanmalıdır
BNN RİBAKSAN-ın təsirinin qiymətləndirilməsi üçün uyğun deyil.
RİBAKSAN-dan KVA-ya keçid:
Keçid dövründə adekvat antikoaqulyasiya alternativ preparatlarla təmin edilməlidir. BNN ≥2,0 olana qədər hər iki preparat birlikdə istifadə edilə bilər.
Parenteral antikoaqulyantlardan RİBAKSAN-a keçid:
Növbəti parenteral dozanın vaxtına 0–2 saat qalmış və ya infuziya dayandırıldıqda başlanmalıdır.
Böyrək çatışmazlığı:
Kreatinin klirensi <15 ml/dəq – istifadəsi tövsiyə edilmir
15–29 ml/dəq – ehtiyatla istifadə olunmalıdır
Qeyri-valvular AF-də tövsiyə olunan doza: gündə 1 dəfə 15 mq
Yüngül böyrək çatışmazlığında doza tənzimlənməsi tələb olunmur
Qaraciyər çatışmazlığı:
Koaqulopatiya və yüksək qanaxma riski olan (Çayld-Pyu B və C) pasiyentlərdə əks göstərişdir.
Yaş, bədən çəkisi, cins:
Doza tənzimlənməsi tələb olunmur.
Uşaqlar:
18 yaşdan aşağı pasiyentlərdə təhlükəsizlik və effektivlik müəyyən edilmədiyindən istifadəsi tövsiyə edilmir.
Preparat peroral qəbul olunur və qida ilə birlikdə istifadə edilməlidir.
Tablet udula bilmədikdə xırdalanaraq su və ya alma püresi ilə qarışdırıla bilər.
20 mq tablet xırdalandıqdan sonra dərhal yemək qəbul edilməlidir.
Tablet mədə zondu vasitəsilə də yeridilə bilər. Bu zaman zonddan sonra su ilə yuyulmalı və 20 mq-dan sonra dərhal enteral qidalanma təmin edilməlidir.
AZ − AZN
